KVN festivalı

Separatçı rejimin komandası beynəlxalq festivaldan kənarlaşdırıldı

984
(Yenilənib 13:03 16.01.2017)
Beynəlxalq ŞHK İttifaqı "DQR" komandasının festivaldan kənarlaşdırılması ilə bağlı qərar qəbul edib

BAKI, 16 yan — Sputnik. Hazırda Soçi şəhərində Şən və Hazırcavablar Klubu (ŞHK) komandalarının 28-ci beynəlxalq festivalı özünün aktiv mərhələsinə daxil olub. Festivalın iştirakçıları öz proqramlarını Aleksandr Maslyakovun baxışı üçün hazırlamağa başlayıblar.

Bu barədə Sputnik-ə Azərbaycanın ŞHK-nın mətbuat xidmətindən bildirilib. Məlumdur ki, festivalın ilk günlərində "Duz-çörəklə" və "DeleYaman" komandaları özlərini Azərbaycanın Ermənistan tərəfindən işğal edilmiş ərazilərində yaradılan və özünü "respublika" elan edən qondarma Dağlıq Qarabağ rejiminin təmsilçisi kimi təqdim etməyə çalışıb.

Bununla əlaqədar olaraq, Azərbaycanın Gənclər və İdman Nazirliyi ŞHK İttifaqına etirazını bildirib. Azərbaycan nümayəndə heyəti isə festival zamanı onun rəhbərliyi ilə görüşüb. Nəticədə, ŞHK Beynəlxalq İttifaqının prezidenti Aleksandr Maslyakov bəyan edib ki, ŞHK ən böyük qeyri-formal gənclər hərəkatı, bütün dünyada milyonlarla gəncin oynadığı oyundur.

"Burada diskriminasiya və ksenofobiyaya, eləcə də siyasi təxribatlara yer yoxdur. Biz AR Gənclər və İdman Nazirliyinin müraciətinə baxdıq və bununla əlaqədar olaraq bəyan edirik ki, festivalda Azərbaycan ərazilərində yaradılmış tanınmamış subyekti heç bir komanda təmsil etməyəcək. Və biz bu tipli addımları gələcəkdə də diqqətlə izləyəcək və qarşısını alacağıq" — deyə Maslyakov Azərbaycan ŞHK-nın mətbuat xidmətinə bildirib.

"Bakı yığması" komandasının və Gənclər və İdman Nazirliyinin müdaxiləsindən sonra bu insident vaxtında həllini tapıb. "Biz həmçinin bu məsələdə vətəndaş mövqeyi və fəallıq nümayiş etdirən hər kəsə təşəkkür edirik. Bu günlər bizim komanda üçün çox ağır idi. Bu məsələyə Azərbaycanın dövlət qurumlarının dəstək verməsi və Beynəlxalq ŞHK İttifaqının rəhbərliyinin məsələni anlayışla qarşılaması bizim uşaqların üzərinə böyük mənəvi məsuliyyət qoydu" — deyə Azərbaycan ŞHK-nın mətbuat xidməti bildirib.

Hazırda "Bakı yığması" festivalın televiziyada nümayiş etdiriləcək variantı üzərində işləyir. Bazar ertəsi "KVN-razminka" layihəsinin yeni televiziya çəkilişləri olacaq. Orada 27 kollektiv, o cümlədən də Azərbaycan komandası iştirak edəcək.

"Azərbaycan komandasının Rusiya telekanalının efirinə çıxması bizim ölkənin informasiya təbliğatı üçün böyük imkandır. Bu, eyni zamanda bizim həmvətənlərimizin ölkənin sərhədlərindən kənarda müsbət imicinin formalaşdırılmasına, müasir Azərbaycan gəncliyinin düzgün mövqe tutduğunun nümayişinə xidmət edir. Bir neçə il ərzində şən və hazırcavablar klubu Azərbaycanın Gənclər və İdman Nazirliyinin rəhbərliyi altında milli ŞHK-nın canlanmasını və inkişafını həyata keçirir. Bu hərəkatın inkişafı və Beynəlxalq ŞHK İttifaqı ilə səmərəli əməkdaşlığı bu festival ətrafında təxribat yaratmağın və bu əməkdaşlığa mane olmağın başlıca səbəbləridir" — Azərbaycan ŞHK-nın mətbuat xidməti vurğulayıb.

Həmçinin əlavə olunub ki, komandanın uğurlarında maraqlı olmayan ayrı-ayrı şəxslər informasiya resurslarında qalmaqal yaratmaqla, əslində bu problemin həllinə kənardan mane olmağa çalışıblar: "Bizim komandanın Birinci kanala düşməsini istəməyənlər — təxribatçılar və bu qalmaqala təhrik edən insanlar idi".

Klubda ümid edirlər ki, bu həyəcan yaradıcılıq prosesinə təsir etməyib: "Bu festival ölkəmizin aktivinə yazıldı və Gənclər və İdman Nazirliyi növbəti dəfə separatçıların beynəlxalq meydançadan öz təxribatları üçün istifadə etmələrinin qarşısını almağa nail oldu. Birlikdə bizim uşaqların yaxşı xəbərlərini gözləyirik".

984
Teqlər:
hazırcavab, şən, KVN, ŞHK, festival, komanda, klub, Qarabağ
Əlaqədar
"Kontrabas" beynəlxalq festivala hazırlanır
Təşkilatçılar Bakı Caz Festivalının nəticələri və perspektiv planları barədə
Baku Jazz Festival 2016 gənc ifaçıları bir yerə topladı
Azərbaycan Kazanda keçirilən müsəlman kino festivalında təmsil olunur
Bakıda VIII Beynəlxalq Musiqi Festivalı keçiriləcək
Вышка командно-диспетчерского пункта аэродрома аэропорта в населённом пункте Ходжалы, фото из архива

Xankəndi limanı: Sülhməramlıdan mülki təyinatadək

10
Üçtərəfli razılaşma imzalandıqdan və Rusiyanın sülhməramlı əməliyyatı başladıqdan sonra bölgədəki vəziyyət kökündən dəyişib.

 

BAKI, 3 dekabr — Sputnik, Aleksandr Xrolenko, hərbi şərhçi. Rusiyanın Dağlıq Qarabağdakı sülhməramlı əməliyyatı mürəkkəb logistikası ilə fərqlənir. Xankəndindəki aerodromun bərpası və modernləşdirilməsi Rusiya HKQ-nin hərbi-nəqliyyat təyyarələrini qəbul etməyə imkan verəcək, yeni əməliyyat imkanları yaradacaq, qoşun birləşməsinin təchizatının bir çox problemlərini həll edəcək.

Qarabağı Ermənistan ilə yalnız eni 5 kilometr olan Laçın dəhlizi birləşdirir. Yola Ruisya sülhməramlıları nəzarət edirlər, amma yenə də bu yol bölgədə mümkün gərginləşmə halında ciddi təhlükə altında olacaq. Perspektivdə yeni yolun (dəhlizin) tikintisi və Laçın şəhərinin Azərbaycana təhvil verilməsi var. Lakin insanların və yüklərin operativ daşınmasına artıq bu gün ehtiyac var.

Xankəndindən Yerevana (Erebuni aviabazası, Zvartnos hava limanı) avtomobil yolu 320 km-dir. Əməliyyatın ilk günlərində sülhməramlılar Xankəndinə bu marşrutla gedirdilər. Sonra (noyabrın 28-dən) yeni marşrut ortaya çıxdı: Rusiyadan gələn yük və texnika dolu vaqonlar Azərbaycanın Bərdə dəmiryolu stansiyasına gəlir və buradan avtomobillərlə təxminən 100 km-lik Bərdə-Ağdam-Xankəndi marşrutunu qət edir. Bu marşrutla da məsafə uzaqdır.

Dağlıq Qarabağın şəraitində bölmələrin, yüklərin və texnikanın operativ şəkildə yüz kilometrlərlə məsafəyə çatdırılması mürəkkəb qoşun əməliyyatına çevrilir. İldə iki dəfə sülhməramlı qruplaşmanın şəxsi heyəti rotasiya edilməlidir. Bölgədə vəziyyətin gərginləşməsi əlavə qüvvə və vəsait tələb edə bilər. Xankəndi şəhərinin 9 kilometrliyində hava limanı var və o nəzəri olaraq ağır hərbi-nəqliyyat aviasiyasını qəbul edə bilər. Burada uçuşlar 1990-cı illərin əvvəllərində hərbi əməliyyatlara görə dayandırılıb. Hava limanının infrastrukturu 2020-ci ilin sentyabr və oktyabrında Azərbaycanın raket zərbələri nəticəsində zərər görüb, lakin uçuş-enmə zolağının (UEZ) uzunluğu 2200 metrdir. Yerli relyef lazım gələrsə, zolağın uzunluğunu 1 000 metr artırmağa və yanında ikincisini tikməyə imkan verir. Xankəndi yaxınlığındakı hava limanının bərpası və modernləşdirilməsinin qiyməti yaxından baxdıqda uzun illik uzaq məsafəyə uçuşlardan, nəhəng vaxt və qüvvə xərclərindən baha olmaya bilər. Hava limanı həmçinin mülki yüklərin daşınması üçün logistik mərkəz və perspektivdə Dağlıq Qarabağın iqtisadi inkişafının vacib tərkib hissəsi ola bilər.

Uzaq və təhlükəli yol

Rusiyalı sülhməramlılar 23 müşahidə postunda 24 saat Dağlıq Qarabağdakı atəşkəs rejiminə nəzarət edirlər, Laçın dəhlizi ilə əhalinin və avtonəqliyyatın hərəkətinin təhlükəsizliyini təmin edirlər. Noyabrın 14-dən 30 minədək qaçqın öz evinə qayıdıb. Bölgədə fəal şəkildə rusiyalı istehkamçılar, hərbi həkimlər, FHN əməkdaşları işləyirlər.

Sülhməramlı qüvvələrin həll olunması daimi mobillik tələb edir. Qarabağ müharibəsinin dayandırılması barədə üçtərəfli Rusiya-Azərbaycan-Ermənistan razılaşmasının əsasında Moskvayla Bakı arasında imzalanmış xüsusi protokol Azərbaycanla Ermənistan arasında nəqliyyat kommunikasiyaların açılmasını nəzərdə tutur. Aydındır ki, bu sənəd nəinki yerdəki, həm də səmadakı qadağaları da götürür. Söhbət Xankəndi hava limanına uçuşlardan gedir. Rusiyadan birbaşa reys bir çox logistika və təchizat problemlərini aradan qaldırardı, 15-ci sülhməramlı briqadanın qoşun birləşməsi üçün yeni əməliyyat imkanları yaradardı.

Daha əvvəl Gürcüstan Azərbaycan və Ermənistanın xahişi ilə öz hava məkanını Yerevana uçuş həyata keçirən Rusiya hərbi-nəqliyyat aviasiyası üçün açmışdı. Oradan yüklər quru uzaq yolla Xankəndinə daşınırdı. İndi bölgənin səmasını tam açmağın əsl vaxtıdır. Bu, Azərbaycandan Naxçıvan Muxtar Respublikasına yol çəkilməsi layihəsinə də fayda verə bilər.

Bağlı səma

Xankəndi hava limanı 2012-ci ildə artıq təmir olunmuşdu və təyyarələri qəbul etməyə hazır idi. Lakin bu, Bakının əks-reaksiyasına görə baş vermədi. Lakin üçtərəfli razılaşma imzalandıqdan və Rusiyanın sülhməramlı əməliyyatı başladıqdan sonra bölgədəki vəziyyət kökündən dəyişib. Uçuşların təhlükəsizliyinə yenidən baxmaq və qadağaları götürmək vaxtıdır. Həm də Ermənistanla Azərbaycan bu məsələdə bir-birilərinə borclu qalmırlar: Bakıdan Naxçıvana reyslər Ermənistan üzərindəki beynəlxalq dəhlizlərdən keçir və erməni aviaşirkətləri də Azərbaycan səmasındakı beynəlxalq səviyyədə qorunan hava koridorlarından istifadə edirlər.

Azərbaycan Prezidenti İlham Əliyev son çıxışında deyib: "Bu gün Dağlıq Qarabağda yaşayan ermənilər və mütləq oraya qayıdacaq azərbaycanlılar gün gələcək yenə yaxşı qonşuluq şəraitində yaşayacaqlar. Burada logistik məsələlər var, nəqliyyat məsələləri var, enerji təhlükəsizliyi var. Biz bütün bu məsələləri nəzərdən keçirəcəyik".

Bu sözlər ümid verir. Əgər bu yüksək dağlıq ərazidəki hava limanı tezliklə işə başlasa, bu regional sülhə və təhlükəsizliyə fayda verəcək.

10
Teqlər:
Rusiya, sülhməramlılar, Dağlıq Qarabağ, hava limanı, Xankəndi
Şəhidin dəfni

Qırx gün itkin sayılan şəhid dəfn olundu

7
(Yenilənib 11:36 03.12.2020)
Dünən Şabran rayonunun Rəhimli kəndinə İkinci Qarabağ müharibəsində həyatını itirmiş 3-cü şəhid gəlib.

Leyla Abdullayeva,  Sputnik Azərbaycan

BAKI, 3 dekabr — Sputnik. Dünən Şabran rayonunun Rəhimli kəndinə Vətən müharibəsində həlak olmuş 3-cü şəhid gəlib. 2001-ci il təvəllüdlü Həmzəyev Musa Xalid oğlu Vətən müharibəsində 40 gün idi ki, itkin sayılırdı. Lakin dünən onun şəhid olduğu məlum olub.

  • Həmzəyev Musa
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Həmzəyev Musa

Şəhid doğulduğu Şabran rayonunun Rəhimli kəndində torpağa tapşırılıb.

Şəhid Musa Həmzəyev Axıska türküdür.

Allah rəhmət eləsin!

7
Teqlər:
itkin, şəhid, Şabran rayonu
Mövzu:
Azərbaycan və Ermənistan arasında müharibə