Ramzan Kadırov və Elxan Süleymanov

"Ramzan Kadırov olimpiya çempionlarını geridə qoyar"

435
(Yenilənib 19:04 11.01.2017)
Çeçenistanın Azərbaycan əsilli səhiyyə naziri: "Sağlamlıq mədəniyyəti, fiziki hərəkətlər baxımından azərbaycanlılarla çeçenlər eyni səviyyədədirlər"

BAKI, 11 yan — Sputnik. Elxan Süleymanov — Azərbaycandan olan həkim-onkoloq bu gün Çeçenistan Respublikasının səhiyyə naziri postunu tutur. Bu vəzifəyə necə yüksəldiyi, hazırda çeçen onkologiya xidmətində vəziyyətin necə olduğunu Sputnik-lə söhbətində ÇR-in səhiyyə naziri özü danışıb.

Elxan Süleymanov
© Photo : Vesti95.ru
Elxan Süleymanov

- Azərbaycandan Çeçenistana qədər necə bir yol keçmişiniz? 

— Mən Bakıda 245 nömrəli orta məktəbi bitirmişəm. Həmçinin, Azərbaycan Tibb Universitetində oxumuşam və 1998-ci ildə orada təhsilimi başa vurmuşam. Bundan sonra mən bir il Bakı Onkoloji Elmi Mərkəzində — indiyə qədər də dostluq münasibətləri saxladığım Cəmil Əliyevin rəhbərliyi altında işləmişəm. Daha sonra Moskvaya göndərilmişəm və orada Bloxin adına Rusiya Onkologiya Mərkəzinin bazasında aspiranturanı bitirmişəm. Elə orada da elmi işimi müdafiə edərək tibb elmləri namizədi olmuşam və xeyli vaxt orada işləmişəm.

Sonra Aleksandr Baranovun rəhbərliyi altında Uşaqların Sağlamlıq Elmi Mərkəzində aparıcı elmi əməkdaş olmuşam. Buna paralel olaraq ABŞ və Almaniyada təcrübə toplamışam. Artıq 2014-cü ildə Çeçenistan Respublikasının başçısı Ramzan Kadırovun dəvəti ilə Moskvadan Qroznıya gəlmişəm. Burada mənə Onkoloji Dispanserə rəhbərlik etmək təklif olunub. Beləliklə, gördüyünüz kimi, hazırda Çeçenistanın səhiyyə naziriyəm.

- Çeçenistana dəvət sizin üçün gözlənilməz deyildi ki?

— Gözlənilməz oldu. Mən demək olar on ildir ki, Ramzan Axmatoviçi tanıyıram. Onu istisnasız olaraq savadlı və çox diqqətli rəhbər hesab edirəm. Və onun məni Qroznıya dəvət etməsini bir göstəriş, dərindən hörmət bəslədiyim insanın xahişi kimi qəbul etmişəm. Ona görə də, mən heç etiraz etmək barədə düşünməmişəm də. Dərhal Çeçenistana getmək və onun rəhbərliyi altında işləmək qərarı vermişəm.

- Nazir postuna təyin olunacağınızı təxmin edirdiniz, yoxsa tamamilə gözlənilməz oldu?

— Bunu gözləmirdim. Başlanğıcda mənim vəzifəm Çeçenistan Respublikasının onkoloji xidmətinin səviyyəsini qaldırmaq və respublika başçısının səhiyyə məsələləri üzrə məsləhətçisi olmaq idi.

- Siz qarşınıza qoyulan vəzifələrin öhdəsindən gələ bildiniz? Hazırda Çeçenistanda onkoloji vəziyyət necədir?

— Statistik xüsusiyyətlər bütün Rusiya Federasiyası ilə eynidir. Hər yerdə olduğu kimi, burada da qadınlar daha çox xəstələnirlər, həmçinin xəstələnənlər və ölənlər arasında ağ ciyər və süd vəzi xərçəngi olan xəstələr üstünlük təşkil edir. Özəllik isə bundan ibarətdir ki, Çeçenistanda müharibə baş verib, onkoloji xidmət məhv olub, onu praktiki olaraq sıfırdan qurublar. Lakin bu gün bizim diaqnostika və xəstələrin müalicəsi üçün bütün imkanlarımız var. Biz bu gün digər regionlardan da xəstə qəbul edirik, hətta Azərbaycandan da pasientlərimiz var.

- Sizin yerli əhaliyə və respublikanın qonaqlarına bu sahədə xidmət göstərmək üçün kifayət qədər mütəxəssisləriniz var?

— Biz Moskva və Sankt-Peterburqdan çoxlu həkimlər dəvət etmişik. Digər millətlərdən olan həkimlərlə yanaşı, bizdə çox sayda çeçen həkimlər də var ki, onlar federal səviyyədə çox yaxşı aparıcı mövqedədirlər. Bizdə xaricilər də işləyirlər. Fransadan, Almaniyadan olan həkimlər məsləhət verirlər və qərbli kolleqalarla əməkdaşlığı davam etdiririk.

- Aparıcı həkimlərə xidmətlərinə görə lazımi səviyyədə vəsait ödənilir?

— Biz aparıcı mütəxəssislərin əmək haqqılarının ödənilməsi məsələsində kompromisə nail ola bilirik. Yüksək ixtisaslı mütəxəssislərin orta əmək haqqı Moskva səviyyəsindəki mütəxəssislərin əmək haqqlarından fərqlənmir. Hətta bizdə əməkhaqqı Azərbaycandan bir qədər yüksəkdir.

- Azərbaycandan sizinlə işləmək istəyən mütəxəssislər var?

— Azərbaycanlılar var, amma onlar Azərbaycandan deyillər. Bu azərbaycanlılar mənimlə əlaqələri olan insanlardır ki, Moskvada yaşayır və təhsil alırlar. Və biz onların namizədlik məsələsinə təhsillərini başa vurandan sonra baxacağıq.

- Respublika rəhbəri Ramzan Kadırovun sağlamlığını necə qiymətləndirirsiniz?

— O, əla fiziki formadadır. Əminəm ki, o, bir çox olimpiya çempionunu geridə qoya bilər. Sağlamdır, fəaldır, çoxlu planları, ideyaları var və bu, bizi ancaq sevindirir.

- Azərbaycanlılar sağlamlıq mədəniyyəti, fiziki hərəkətlər baxımından çeçenlərdən çox fərqlənirlər?

— Azərbaycanlılarla çeçenlər bu məsələdə eyni səviyyədədirlər.

P. S. Müsahibə Çeçenistan-Azərbaycan Dostluq və Əməkdaşlıq Cəmiyyətinin dəstəyi ilə baş tutub.

435
Teqlər:
onkologiya, onkoloq, Respublika, tibb, Ramzan Kadırov, Çeçenistan, Elxan Süleymanov, həkim, səhiyyə naziri, Rusiya, Azərbaycan
Əlaqədar
Ramzan Kadırov: Çeçenistan İŞİD-i məhv etməyə qadirdir
Ramzan Kadırov Ankaraya müraciət etdi: "Türkiyədə gizlənən çeçenləri bizə verin"
Ramzan Kadırov İlham Əliyevə təşəkkür etdi
Ramzan Kadırov turistləri Qafqaza çağırdı
Zabit Səmədov Ramzan Kadırovla gücünü sınadı
Kadırov: Cəmiyyət şeytanları dəstəkləyən hər kəsi qətiyyətlə pisləyir
Vladimir Putin və Co Bayden arasında görüş, 2011-ci il

Politico: "Bayden Putin Bakıda görüşə bilər, ancaq…"

273
(Yenilənib 22:59 06.05.2021)
Baydenin Bakıya gəlmə şansları o qədər də yüksək deyil. Səbəblərdən biri Azərbaycan və Ermənistan arasında ötən il Dağlıq Qarabağda baş tutan qısamüddətli müharibədir.

BAKI, 6 may — Sputnik. ABŞ və Rusiya Prezidentləri Co Bayden və Vladimir Putin Azərbaycanın paytaxtı Bakıda görüşə bilər. Sputnik Azərbaycan "Politico" nəşrinə istinadən xəbər verir ki, bu barədə ABŞ-ın sabiq rəsmi şəxsləri bildiriblər.

Bu ilin aprelində Çexiya Baş nazirinin birinci müavini (həmin vaxt Çexiya XİN-in səlahiyyətlərini icra edirdi) Yan Qamaçek bildirib ki, bu ölkənin Moskva və Vaşinqtondakı səfirlərinə Rusiya – ABŞ sammitinin Praqada keçirilməsini təklif etməyi tapşırıb. Bu bəyanat Çexiya və Rusiya arasında diplomatik böhran baş verməmişdən qabaq səsləndirilib.

ABŞ-ın sabiq rəsmi şəxsləri və analitikləri bəyan ediblər ki, hər iki prezidentin görüşü Çexiya paytaxtı Praqa, İslandiya paytaxtı Reykyavik, Sloveniya paytaxtı Lyublyana və Azərbaycan paytaxtı Bakıda da keçirilə bilər.

Nəşr qeyd edir ki, Bakının görüş yeri kimi seçilməsi də gəzinti kimi bir şey olardı, xüsusilə ABŞ tərəfi üçün. Azərbaycanın həm Vaşinqton, həm də Moskva ilə güclü əlaqələri olmasına baxmayaraq, bu, qeyri-standart seçim olardı. Baydenin Bakıya gəlmə şansları o qədər də yüksək deyil. Səbəblərdən biri: Azərbaycan və Ermənistan arasında ötən il Dağlıq Qarabağda baş tutan qısamüddətli müharibədir.

"Politico" yazır ki, Baydenin Bakıya səfəri böyük ehtimalla Ermənistanı, həmçinin erməni əsilli amerikalıları narahat edəcək: "Bayden bu yaxınlarda 20-ci əsrin əvvəllərində baş verən "erməni soyqırımı"nı rəsmi olaraq tanıyaraq bu icmanın əksəriyyətini sevindirdi".

273
 Azərbaycan Respublikası Prezidentinin Administrasiyasının rəhbəri Samir Nuriyev

Nuriyev: Azad olunmuş ərazilərdə quruculuq dövlət başçısının daim diqqət mərkəzindədir

3
Samir Nuriyev azad olunmuş ərazilərdə həyata keçiriləcək fəaliyyətlərlə bağlı mühüm istiqamətlərin müəyyənləşdirildiyini bildirib

BAKI, 6 may — Sputnik. İşğaldan azad edilmiş ərazilərdə məsələlərin mərkəzləşdirilmiş qaydada həlli üçün Azərbaycan Respublikası Prezidentinin 2020-ci ilin 24 noyabr tarixli Sərəncamı ilə yaradılmış Əlaqələndirmə Qərargahının videoformatda növbəti, 5-ci iclası keçirilib.

İclası açan Prezident Administrasiyasının və Qərargahın rəhbəri Samir Nuriyev işğaldan azad olunmuş ərazilərdə bərpa və quruculuq işlərinin dövlətimizin başçısının daim diqqət mərkəzində olduğunu, həyata keçiriləcək fəaliyyətlər ilə bağlı mühüm istiqamətlərin müəyyənləşdirildiyini qeyd edib.

Samir Nuriyev bildirib ki, Prezident İlham Əliyev tərəfindən də qeyd edildiyi kimi, işğaldan azad olunmuş torpaqlarımızda işğalçı Ermənistan tərəfindən şəhər və kəndlərimiz viran qoyulub, tarixi və dini abidələrimiz yerlə-yeksan edilib ki, bu da böyük miqyasda planlaşdırma və bərpa işlərinin həyata keçirilməsinin tələb edildiyini göstərir.

İclasda işğaldan azad edilmiş ərazilərdə həlledici əhəmiyyət kəsb edən minalardan təmizləmə, “Azərbaycan Respublikasının işğaldan azad edilmiş ərazilərinin 2021-2025-ci illər üzrə bərpası və dayanıqlı inkişafı” Dövlət Proqramının hazırlanması istiqamətində görülən işlər, keçmiş məcburi köçkünlərin öz ata-baba yurdlarına qayıdışı, işğaldan azad olunmuş ərazilərdə enerji təminatı və xüsusilə də “Yaşıl enerji” məsələləri, şəhərsalma və nəqliyyat-rabitə infrastrukturunun qurulması, ADA Universiteti tərəfindən aparılan “Azərbaycanın postkonflikt ərazilərinə repatriasiyanın proqnozlaşdırılması və effektiv təşkili üzrə təkliflərin hazırlanması” tədqiqat işi çərçivəsində görülən işlər və keçirilmiş sorğuların nəticələri üzrə məruzələr dinlənilib və müvafiq tapşırıqlar verilib.

İclasda dövlətimizin başçısının tapşırıqlarına uyğun olaraq işlərin sürət və keyfiyyətin vəhdəti nəzərə alınmaqla aparılmasının vacibliyi vurğulanıb.

3
Koronavirusa qarşı peyvənd, arxiv şəkli

Ümumdünya Peyvənd Konqresi: COVID-19 əleyhinə ən yaxşı vaksin "Moderna"dır

0
"Moderna" həmçinin "ən yaxşı texnologiya" kateqoriyasında da "BioNtech", "Inovio", "Janssen", "Medicago", "Novavax", "Vaccitech" və "GeneOne Life Science" şirkətlərinin işləmlərini geridə qoyub.

BAKI, 6 may — Sputnik. ABŞ-ın "Moderna" şirkəti və Milli səhiyyə institutunun birgə məhsulu olan preparat Ümumdünya Peyvənd Konqresində (World Vaccine Congress Washington 2021) COVID-19 əleyhinə ən yaxşı peyvənd hesab olunub.

ABŞ və bir sıra digər ölkələrdə təcili hallarda tətbiqinə icazə verilmiş preparat reytinqdə "AstraZeneca", "Bharat Biotech", "Janssen", "Medicago", "Novavax", "Pfizer/BioNtech", "Sputnik V" və heyvanlar üçün "Zoetis" preparatını ötüb.

"Moderna" həmçinin "ən yaxşı texnologiya" kateqoriyasında da "BioNtech", "Inovio", "Janssen", "Medicago", "Novavax", "Vaccitech" və "GeneOne Life Science" şirkətlərinin işləmlərini geridə qoyub.

Qalibin hansı meyarlar əsasında seçildiyi dəqiqləşdirilmir.

0