İlham Əliyev və Vladimir Putin

Vladimir Putin İlham Əliyevi təbrik etdi

63
Rusiya Federasiyasının Prezidenti azərbaycan həmkarına məktub ünvanlayıb

BAKI, 22 dek — Sputnik. Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə təbrik məktubu ünvanlayıb. Sputnik dövlət başçısının rəsmi saytına istinadən xəbər verir ki, məktubda deyilir:

"Hörmətli İlham Heydər oğlu.

İlham Əliyev, Azərbaycan Respublikasının Prezidenti
© Azərbaycan Prezidentinin Rəsmi internet səhifəsi

55 illik yubileyiniz münasibətilə səmimi təbriklərimi qəbul edin. Siz Azərbaycanın sosial-iqtisadi inkişafı üçün çox işlər görən təcrübəli və uzaqgörən dövlət xadimi kimi haqlı olaraq həmvətənlərinizin səmimi hörmətini qazanmısınız və beynəlxalq aləmdə yüksək nüfuza sahib olmusunuz.

Rusiyada Sizi ölkəmizin etibarlı dostu, Rusiya-Azərbaycan strateji tərəfdaşlığının, müxtəlif sahələrdə ikitərəfli qarşılıqlı faydalı əməkdaşlığın möhkəmləndirilməsinin prinsipial tərəfdarı kimi tanıyırlar.

Bizim aramızda yaranmış etimadı və qarşılıqlı anlaşmanı yüksək qiymətləndirirəm. Sizinlə konstruktiv ünsiyyətin və səmərəli birgə işin davam edəcəyinə ümidvar olduğumu bildirirəm.

Hörmətli İlham Heydər oğlu, Sizə səmimi qəlbdən möhkəm cansağlığı, xoşbəxtlik, firavanlıq və ali dövləti fəaliyyətinizdə uğurlar arzulayıram."

63
Teqlər:
məktub, təbrik, Vladimir Putin, İlham Əliyev, Rusiya, Azərbaycan, prezident
Əlaqədar
Putin, Ərdoğan və Əliyev bir araya gəldi
İlham Əliyevlə Vladimir Putin arasında telefon danışığı olub
Kreml Vladimir Putin, Həsən Ruhani və İlham Əliyevin Bakıda görüşəcəyini təsdiqlədi
Vladimir Putin İlham Əliyevə təbrik məktubu ünvanladı
İlham Əliyevlə Vladimir Putin arasında bu gün də telefon danışığı olub
Vladimir Putin İlham Əliyevə ümid etdiyini bildirib
Vladimir Putin İlham Əliyevə məktub yazdı
Vladimir Putin “Puşkin” medalını Leyla Əliyevaya təqdim edib