Müstəqil Dövlətlər Birliyinin 25 ili: itkilər və nailiyyətlər mövzusunda videokörpü

"MDB-nin ən güclü dövrü indidir"

107
Ekspertlər hesab edirlər ki, Müstəqil Dövlətlər Birliyinin ən böyük itkisi Ukrayna oldu

BAKI, 21 dek — Sputnik. "Ən çətin dönəm MDB-ın formalaşmasının ilk 10 ili olub". Sputnik Beynəlxalq Mətbuat Mərkəzində, "Müstəqil Dövlətlər Birliyinin 25 ili: itkilər və nailiyyətlər" mövzusunda keçirilən Moskva-Astana-Bakı-Bişkek-Yerevan-Kişinyov video-körpüsündə, Federasiya Şurası Komitəsi sədrinin birinci müavini Vladimir Cabarov deyib.

Onun sözlərinə görə, 1991-ci ildə Sovet İttifaqı dağılanda və MDB yaradılanda çoxları düşünürdü ki, hər şey əvvəlki kimi qalacaq: "Əvvəl biz nə baş verdiyini anlamırdıq və hər kəs öz sərhədləri daxilinə qapanmışdı. Ən ağır dövr MDB-nin formalaşmasının ilk 10 illiyi idi. Hər dəfə müzakirələrin sayı azalırdı, görüşlərdə qəbul olunan qərarlar isə yerinə yetirilmirdi. Onlar görüntü xarakteri daşıyırdı".

Cabarov qeyd edib ki, MDB-nin ən güclü olduğu vaxt indidir: "MDB çərçivəsində biz əməkdaşlığımızı və ərazilərimizi qoruya bildik. Birliyin ən böyük itkisi isə Ukrayna itkisi oldu".

MDB İcraiyyə Komitəsinin İqtisadi Əməkdaşlıq Departamentinin direktoru Andrey Kuşnirenkonun sözlərinə görə isə, MDB-in yaradılması zamanı dövlətlər arasında eyforiya hiss olunurdu: "Bu, iqtisadi romantizm dövrü idi. Biz hesab edirdik ki, hər bir ölkə dünyanın qlobal sisteminə inteqrasiya olunaraq uğurla təkbaşına inkişaf edə biləcək. İndi isə 25 illlik yubiley dövründə ölkələr anlayır ki, onlar birgə daha güclüdür".

Ekspertin fikrincə, 25 il ərzində bizim ölkələr rabitə, kənd təsərrüfatı, nəqliyyat, energetika və elmi-texnoloji sahədə öz əməkdaşlıqlarını inkişaf etdirib: "Bəs nəyi əldə edə bilmədik? Biz sənaye siyasətinin bir çox sahələrində çoxtərəfli əməkdaşlığa nail ola bilmədik. İkitərəfli əməkdaşlıqlar qorunub inkişaf etdirildi, lakin çoxtərəfli əməkdaşlıq və bir neçə dövləti əhatə edən regional zəncirlərin sayı çox azdır. Məhz çoxtərəfli əməkdaşlığın reallaşdırılması bizim birliyi dünya arenasında güclü bir oyunçuya çevirə bilər".

Politoloq Rasim Ağayevin sözlərinə görə isə, Azərbaycanın sözügedən birliyə qoşulması asan deyildi: "Biz buna kəskin daxili siyasi qarşıdurmadan sonra nail olduq. Çoxları buna qarşı nümayişlər edirdilər. Onların bəziləri elə indi də bunun düzgün addım olmadığını deyirlər".

"Bizim opponentlərin mövqeyi sadədir: Sovet İttifaqı dağıldı, Rusiya da çox dayana bilməyəcək və bu səbəbdən biz Türkiyə və Avropa İttifaqına üz tutub onlarla münasibətlərimizi yaxşılaşdırmalıyıq. Lakin Rusiya hər şeyə rəğmən dayandı və indi biz Türkiyə ilə Rusiyanın yaxınlaşmasını görürük. MDB-nin gələcəyi ora daxil olan dövlətlərin iradəsindən asılıdır, amma burada əsas əhəmiyyəti Rusiya amili təşkil edir", — deyə Rasim Ağayev bildirib.

107
Teqlər:
birlik, güc, MDB, dövlət, itki, Rusiya
Əlaqədar
İlham Əliyev MDB-nin ölkə başçılarının sammitində iştirak edəcək
MDB PA Azərbaycandakı referendumu izləyəcək
MDB ölkələri Müdafiə Nazirləri Şurasının 70-ci iclası keçirilib
MDB-nin gənc liderləri Bakıda toplaşdılar
MDB ölkələri neft emalı və neft kimyası konfransı Bakıda keçiriləcək
XİN-nin binası, arxiv şəkli

XİN: Azərbaycanla UNESCO arasındakı dialoqa üçüncü tərəf müdaxilə edə bilməz

8
(Yenilənib 23:46 15.01.2021)
XİN: Son onilliklər ərzində Ermənistan beynəlxalq missiyaların Azərbaycanın işğal altındakı ərazilərinə səfər etməsinə maneçilik törədib

BAKI, 15 yanvar - Sputnik. Xarici İşlər Nazirliyinin mətbuat xidməti idarəsinin rəisi Leyla Abdullayeva Ermənistan Xarici İşlər Nazirliyinin nümayəndəsinin Azərbaycan Respublikası Prezidentinin ICESCO Baş direktoru ilə görüşü zamanı çıxışına dair bəyanatını şərh edib.

Xarici İşlər Nazirliyinin mətbuat xidməti idarəsindən bildiriblər ki, Leyla Abdullayeva şərhində bildirib: “Azərbaycan Respublikasının Prezidenti bu il yanvarın 13-də ICESCO-nun Baş katibi ilə keçirdiyi görüş zamanı çıxışında ölkəmizin işğaldan azad olunmuş ərazilərində Ermənistan tərəfindən onilliklər ərzində həyata keçirilən, Azərbaycanın tarixi, maddi-mədəni irsinin məhv edilməsinə hədəflənən məqsədyönlü siyasəti növbəti dəfə ifşa etdi.

Bu ərazilərdə Azərbaycan xalqına məxsus hər bir şeyi məhv edərək, azərbaycanlıların öz evlərinə geri qayıtmasına imkan verməmək məqsədini güdən Ermənistan tərəfindən 30 ilə yaxın işğal altında qalan ərazilərdə tarixi, mədəni və dini abidələrin dağıdılması, talan edilməsi, onların mənşəyinin dəyişdirilməsi istiqamətində fəaliyyət hərbi cinayətlərə bərabərdir. Əlbəttə, bu cinayətlərə görə Ermənistan məsuliyyət daşıyır və beynəlxalq məhkəmələr qarşısında cavab verməlidir.

Qədim erməni dini və dünyəvi abidələrinə gəldikdə, Qafqaz etnoslarına aid olmayan və Qafqaza kütləvi şəkildə XIX əsrdə köçürülən ermənilərin bu kimi abidələri bəlkə də haradasa mövcuddur. Bizim bölgəyə aidiyyəti olmadığı üçün bu məsələni şərh etməzdim.

O ki, qaldı Ermənistan XİN-in guya Azərbaycanın beynəlxalq təşkilatların, xüsusilə də UNESCO-nun əraziyə səfər etməyə icazə verməməsinə dair əsassız ittihamlarına, Ermənistan XİN-in yadına salırıq ki, son onilliklər ərzində məhz Ermənistan beynəlxalq missiyaların Azərbaycanın işğal altında olan ərazilərinə səfər etməsinə maneçilik törədib. Bu fakt hətta UNESCO-nun 2005-ci ildə dərc etdiyi fəaliyyət hesabatında aydın şəkildə əks olunub. Belə ki, hesabatda Azərbaycan hökumətinin Dağlıq Qarabağ və işğal olunmuş digər ətraf ərazilərdə mədəni irsin mühafizəsi ilə bağlı narahatlığını ifadə edərək bu ərazilərə fakt araşdırma missiyasının göndərilməsi müraciəti etdiyi, lakin Ermənistanın hərbi işğalı səbəbindən bu missiyanın həyata keçirilməsinin mümkün olmadığı göstərilir.

Azərbaycan tərəfi UNESCO missiyasının təşkili ilə bağlı cavabını qarşı tərəfin diqqətinə çatdırıb. Ümumiyyətlə, Azərbaycanla UNESCO arasındakı dialoq prosesinə heç bir üçüncü tərəf müdaxilə edə bilməz.

Əminik ki, UNESCO/ICESCO missiyası Ermənistanın 30 illik işğal dövründə törətdiyi vandalizm əməllərini obyektiv əsaslarla və real faktlarla beynəlxalq ictimaiyyətin diqqətinə çatdırılması üçün əlverişli imkan olacaqdır.

Azərbaycan multikultural ölkədir və Qarabağdakı bütün müsəlman və xristian-alban abidələri Azərbaycan xalqının tarixi, mədəni və dini irsinə məxsusdur. Azərbaycan ərazisindəki bütün abidələr dövlət səviyyəsində qorunur. Ölkəmizin zəngin irsinin mühafizəsi bundan sonra da yüksək səviyyədə təmin ediləcək, o cümlədən işğaldan azad olunmuş ərazilərdəki abidələrin bərpası, təmiri və yenidən qurulması işləri həyata keçiriləcək.

8

İqtisadi Şuranın 2021-ci ildə ilk iclası keçirilib

5
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

5
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0