İlham Əliyevin İsrailin Baş naziri Benyamin Netanyahu ilə təkbətək görüşü olub

Netanyahu Bakını bəyənib

203
İsrailin baş naziri Azərbaycan prezidenti və digər rəsmilərlə iki saat ərzində qapalı görüş keçirib

BAKI, 13 dek — Sputnik. Azərbaycanda səfərdə olan İsrailin baş naziri Benyamin Netanyahu prezident İlham Əliyevlə görüşündə, onun 20 il əvvəlki səfəri ilə müqayisədə Bakının xeyli dəyişdiyini və bu şəhəri bəyəndiyini bildirib. Sputnik "The Jerusalem Post"a istinadla xəbər verir ki, Benyamin Netanyahu Azərbaycan prezidenti İlham Əliyev və digər rəsmilərlə iki saat ərzində qapalı görüş keçirib.

1997-cı ildən sonra Azərbaycana ilk dəfə gələn Netanyahu, paytaxtımızın xeyli dəyişdiyini, gözəlləşdiyini və bu şəhəri bəyəndiyini bildirib. O, Heydər Əliyev Beynəlxalq Hava Limanının yeni terminalını da bəyəndiyini prezidentin diqqətinə çatdırıb.

"Mən bura ikinci dəfədir gəlirəm. Azərbaycan və İsrail, Azərbaycan və yəhudi xalqları arasında çox yaxşı münasibətlər var. Yəhudi xalqı özünü Azərbaycanda rahat hiss edir. Hazırda İsraildə 17 min Azərbaycandan gəlmiş yəhudi yaşayır. Onlar iki ölkə arasında körpü rolunu oynayırlar. Bu baxımdan bizim enerji sektoru ilə yanaşı müzakirə etməli olduğumuz xeyli məsələ var", — deyə Netanyahu bildirib.

İlham Əliyev isə öz növbəsində deyib ki, yəhudi icması Azərbaycan cəmiyyətinin fəal hissəsidir və ölkəmizə öz töhfəsini verir: "Yəhudi icması Azərbaycan cəmiyyətinin ən fəal hissəsidir və ölkəmizin inkişafına öz töhfələrini verir. Siz bu gün onlarla görüşəcəksiniz. Bu, ikitərəfli əlaqələrimizdə çox vacib amildir".

203
Teqlər:
Benyamin Netanyahu, İsrail, Bakı, İlham Əliyev, səfər, Azərbaycan, baş nazir, prezident
Əlaqədar
İlham Əliyevlə Benyamin Netanyahu arasında təkbətək görüş olub
Benyamin Netanyahu İlham Əliyevlə Zaqulbada görüşəcək
İsrailin baş naziri Benyamin Netanyahu Azərbaycana gələcək
Obama Netanyahu ilə nədən danışdı
Netanyahu: İran razılaşmadan gələn milyardları terrora yönəldəcək

Yanvarın 25-nə qədər ölkədə ictimai nəqliyyat işləməyəcək

9
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

9

Təhsil naziri: "Öyrənmə motivasiya arasında çox böyük əlaqə var"

8
Emin Əmrullayev: "Mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır".

BAKI, 22 yanvar - Sputnik. Təhsil naziri Emin Əmrullayev pandemiya ilə əlaqədar şagirdlərin dərslərində bəzi geriləmələrin olması ilə bağlı səsləndirilən fikirlərə münasibət bildirib.

Xəzər Televiziyasında yayımlanan “Vaxt gəldi” proqramında nazir övladlarından birinin 1-ci sinfə getdiyini, digərinin isə məktəbəqədər yaşda olduğunu deyib. O, distant təhsilin problemlərindən bəhs edərkən deyib:  

“Distant təhsil və teledərslər öz-özlüyündə izləmə baxımından maraqlı prosesdir. Eyni zamanda bu, çox çağırışlı məsələdir, o mənada ki, problemlidir. Belə ki, avadanlıqdan istifadə və ya müxtəlif problemlər meydana çıxır. Misal olaraq, hava soyuq olanda işıqlar sönə bilər. Bunu uşağa izah etmək məsələsi var. Odur ki, mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır”.

Nazir ibtidai siniflərdə şagirdlərin sosial-psixoloji, sosial-emosional inkişafına fokuslaşmalı olduğumuzu da qeyd edib:

“Biz emosiyalara və ya hansısa gümanlara yox, faktlara, ölçmələrə, elmə inanmalıyıq. Hazırda bununla bağlı planlar var və bunlardan biri də şagirdlərin biliyinin qiymətləndirilməsinin aparılmasıdır. Təbii, şagirdlər də dərsə qayıtmalıdır ki, biz bunu edə bilək. Yaxud başqa formatlar da düşünə bilərik. İnandığım budur ki, fokuslanmalı olduğumuz məsələ, xüsusilə də ibtidai sinifdə şagirdlərin sosial-psixoloji, sosial-emosional inkişafıdır. Mənə görə məktəb insanın sosial emosional inkişafını irəli aparan yer olmalıdır. Çünki öyrənmə və motivasiya arasında çox böyük əlaqə var”.

8
Teqlər:
Azərbaycanın təhsil naziri, təhsil naziri, Emin Əmrullayev