Qaçqın və məcburi köçkünlərin işləri üzrə dövlət komitəsi - qaçqınlarla görüş

Qaçqınkomun sədri: Biz bu insanları müstəqil həyat tərzinə alışdırmalıyıq

612
Əli Həsənov qaçqın və məcburi köçkünlərin statusunun ləğvi məsələsinə sərt reaksiya verib

BAKI, 7 dek — Sputnik. "Qaçqın və məcburi köçkünlərin problemlərinin həll olunmasına indiyədək 6,1 mlrd. manat vəsait sərf olunub".
Sputnik-in xəbərinə görə, bunu Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov bu gün Milli Məclisin iclasında çıxışı zamanı deyib.

Ə.Həsənov bildirib ki, bunlar həm dövlətin, həm Neft Fondunun vəsaitləri, həm də humanitar təşkilatlar tərəfindən ayrılan vəsaitlərdir.
Komitə sədri qeyd edib ki, hələ də 350 minə qədər məcburi köçkünün yeni qəsəbələrə köçürülməsinə ehtiyac var.

Baş nazirin müavini qeyd edib ki, Bakıda qaçqın və məcburi köçkünlərin yaşadığı 115 bina qəzalı vəziyyətdədir.

 Fövqəladə Hallar Nazirliyi tərəfindən artıq 51 bina ilə bağlı rəy verilib. Bu binalarda hər an təhlükə baş verə bilər."Cənab prezident həmişə qaçqın və məcburi köçkünlərin problemlərinə çox ciddi yanaşaraq gündəlik bu problemlərlə məşğul olub. 9 aylıq sosial-iqtisadi yekunlarla bağlı keçirilən iclasda bu məsələ ilə bağlı məlumat vermişəm. Prezident 51 qəzalı binada yaşayan qaçqın və məcburi köçkünün problemini həll etmək istiqamətində maliyyə naziri və mənə tapşırıq verib. Büdcə müzakirələrdən sonra təkliflər hazırlayacaq və prezidentə təqdim edəcəyik." — deyə Əli Həsənov bildirib.

O, qeyd edib ki, bu dövrə qədər qaçqın və məcburi köçkünlərin hüquqları bir dəfə də pozulmayıb.

Ə.Həsənovun sözlərinə görə, son günlər qaçqın və məcburi köçkünlərə təzyiqlər artıb:

"Bunun səbəbini bilmirəm. Qaçqın və məcburi köçkünlər xalqın ən həssas təbəqəsidir. Status məsələsi dövlətin daxili işidir. Heç bir dövlət deyə bilməz ki, onlara niyə bu status verilib. Biz necə Ermənistan mətbuatını izləyirik, onlar da Azərbaycan mətbuatını izləyirlər. Sonra onlar deyəcəklər ki, Azərbaycanda vəziyyət belədir." Komitə sədri əlavə edib ki, "qaçqın və məcburi köçkünlərə edilən kömək onların torpaq həsrətini azalda bilməz".

Onun sözlərinə görə, məcburi köçkünlərlə bağlı yeni qərar qəbul olunacaq: "Bu qərarların qəbulu ölkədəki maliyyə çətinliyi ilə əlaqəsi yoxdur. Məqsəd bu insanları müstəqil həyat tərzinə uyğunlaşdırmaqdır. Biz bu insanları müstəqil həyat tərzinə alışdırmalıyıq. Sabah torpaqlar azad olunduqda, həmin insanlar öz yurdlarına qayıdacaqlar. İndidən adaptasiya prosesini keçməlidirlər".

612
Teqlər:
Qaçqınların və Məcburi Köçkünlərin İşləri üzrə Dövlət Komitəsi, Neft Fondu, Əli Həsənov
Əlaqədar
Fransada qaçqınlar arasında dava düşdü
Avropaya gedən qaçqınlar dinlərini dəyişirlər
Suriyalı və əfqan qaçqınlar "bir-birilərinə girdilər"
"Gözümüzün önündə qaçqınlar dənizlərdə boğulur..."
Suriyalı qaçqınlar ilk dəfə Kanadaya gediblər
Təqvim,  arxiv şəkli

Yeni ildə beş gün olmayacaq

7
(Yenilənib 15:37 05.12.2020)
Yanvarın 2-si şənbə gününə təsadüf etdiyindən, Əmək Məcəlləsinə əsasən, yanvarın 4-ü də qeyri-iş günü olacaq

BAKI, 5 dekabr - Sputnik. 2021-ci ildə Yeni il bayramı ilə əlaqədar qeyri-iş günləri məlum olub.

Sputnik Azərbaycan APA-ya istinadən bildirir ki, 31 Dekabr - Dünya Azərbaycanlılarının Həmrəylik günü, 1, 2 yanvar - Yeni il bayramı qeyri-iş günüdür.

2 yanvar şənbə gününə təsadüf etdiyindən, Əmək Məcəlləsinə əsasən, yanvarın 4-ü də qeyri-iş günü olacaq.

Beləliklə, Yeni il bayramı ilə əlaqədar 5 gün ardıcıl (31 dekabr, 1, 2, 3, 4 yanvar) iş olmayacaq.

7
Teqlər:
qeyri-iş günləri, bayram, Yeni il

Lavrov Bayramovla Qarabağdakı durumu müzakirə etdi

7
Tərəflər həmçinin ikitərəfli əməkdaşlığın aktual mövzuları və dünya gündəmindəki ayrı-ayrı məsələləri müzakirə ediblər

BAKI, 5 dekabr - Sputnik. Rusiyanın Xarici işlər naziri Sergey Lavrov azərbaycanlı həmkarı Ceyhun Bayramovla Dağlıq Qarabağ üzrə razılaşmaların yerinə yetirilməsi prosesini müzakirə edib. 

Sputnik Azərbaycan bildirir ki, bu barədə Rusiya XİN məlumat yayıb.

"Tərəflər Rusiya, Azərbaycan və Ermənistan liderlərinin noyabrın 9-da imzaladıqları bəyanatın yerinə yetirilməsi prosesini, o cümlədən rus sülhməramlıları ilə qarşılıqlı fəaliyyəti, həmçinin ikitərəfli əməkdaşlığın aktual mövzuları və dünya gündəmindəki ayrı-ayrı məsələləri müzakirə ediblər", - məlumatda qeyd olunur.

7
Teqlər:
telefon danışığı, Qarabağ, Ceyhun Bayramov, Sergey Lavrov