Dubay şəhəri, arxiv şəkli

Səfir Dubaydakı azərbaycanlılarla bağlı üzücü faktları ortaya çıxardı

682
(Yenilənib 12:49 02.12.2016)
Daşqın Şikarov: "Diasporla İş üzrə Dövlət Komitəsindən bizə bildirdilər ki, o şəxslə komitə heç bir zaman əlaqədə olmayıb"

İradə Cəlil, Sputnik Azərbaycan

BAKI, 2 dek — Sputnik. Azərbaycanın Birləşmiş Ərəb Əmirliklərindəki (BƏƏ) fövqəladə və səlahiyyətli səfiri Daşqın Şikarov, Sputnik-ə müsahibəsində, bu ölkədə yaşayan azərbaycanlıların vəziyyəti barədə suallara cavab verib.

Səfir Daşqın Şikarov
© Sputnik / Tarana Khudabakhshiyeva
Səfir Daşqın Şikarov

 Daşqın müəllim, səfir olduğunuz ölkədə Azərbaycan diasporunun fəallığı necədir?

— Burada 5-6 min azərbaycanlı yaşasa da, diasporumuzun fəaliyyəti çox zəifdir. Mənim əsas məqsədim və əsas vəzifələrimdən biri — çalışdığım ölkədə azərbaycanlıları bir yerə yığmaq, Azərbaycan reallıqlarının tanıdılmasına dəstək olmaqdır. BƏƏ-yə səfir təyin edildikdən sonra mənə bildirdilər ki, Dubayda Samir adlı bir həmvətənimiz diaspor fəaliyyəti ilə məşğul olur. Mən və səfirliyin əməkdaşları dəfələrlə onunla əlaqə saxlamağa çalışsaq da, zənglərimiz cavabsız qaldı. Sonra mənə bildirdilər ki, həmin şəxs 3 ildir, fəaliyyətini dondurub. Biz 20 Yanvar faciəsi, Xocalı soyqırmı ilə bağlı tədbirlər keçirdik, dəvət etdik, gəlmədi. Daha sonra Azərbaycanın Diasporla İş üzrə Dövlət Komitəsi ilə əlaqə saxladıq, onlar səfirliyin nümayəndələrinə bildirdilər ki, o şəxslə komitə heç bir zaman əlaqədə olmayıb. Mən təklif etdim ki, BƏƏ-də bu işlə məşğul olan biri seçilsin, axı bunu mənim seçməyim, mənim təklif etməyim düzgün deyil. Amma hələ ki, heç bir cavab almamışam. Əgər bir ölkədə 500 azərbaycanlı varsa, mütləq gərək onların bir rəhbəri olsun.

 Bəs, Birləşmiş Ərəb Əmirliklərində erməni diasporunun fəaliyyəti necədir?

— BƏƏ-də digər millətlərin — ermənilərin, ruslar diaspor təşkilatları daha çox inkişaf edib. Mən burada təşkil edilən tədbirlərə dəvət alıram. Etiraf etməliyəm ki, BƏƏ-də ruslardan sonra ən güclü diaspor ermənilərə məxsusdur. Düzdür, onların tədbirlərində iştirak etmirik, heç dəvət də etmirlər. Amma digər tədbirlərdə buna şahid oluruq. Bir neçə gün əvvəl Ermənistan prezidenti Serj Sarkisyan buraya səfər etmişdi. Onu erməni diasporu çox təntənəli şəkildə qarşıladı. Burada iki erməni məktəbi, iki kilsə, mədəniyyət mərkəzləri fəaliyyət göstərir. Bunların hamısı diasporun pulu ilə fəaliyyət göstərir. Hətta, Ermənistanın BƏƏ-dəki səfirliyi belə, erməni diasporunun yardımı ilə tikilib. Özünüz də yaxşı bilirsiniz ki, Ermənistanın büdcəsi çox azdır. Amma buna baxmayaraq, BƏƏ-də Ermənistan səfirliyinin çox möhtəşəm binası var. Ermənilər çox aktivdirlər, diasporları çox fəaldır.

— BƏƏ ilə Azərbaycanın əlaqələrinin hazırkı vəziyyəti necədir?

— BƏƏ ilə Azərbaycanın iqtisadi əlaqələri inkişaf edir. Və bunu da xüsusən qeyd edim ki, son 10 ayda 70 minə yaxın BƏƏ vətəndaşı Azərbaycana səfər edib. Bu rəqəm 2015-ci ildə 3000 olub, amma bu il 65-70 min civarında olub. Bu, böyük bir sıçrayışdır. Buradan Azərbayacana xeyli sayda insan səyahət edir. Buna görə də daha aktiv diasporumuz olmalıdır. Əgər fəal diasporumuz olsaydı, bu rəqəm 70 min deyil, 270 min ola bilərdi. Elə işlər var ki, onu diaspor görməlidir, səfirliyin hər işi görməsi bir qədər normal görünməyə bilər. Düzdür, mən burada bütün aparıcı qəzetlərə, bütün jurnallara, aparıcı qurumların hamısına Azərbaycanla bağlı, turizmlə bağlı müsahibələr vermişəm. Azərbaycanda 10 mindən çox broşürlər hazırlatdırıb, burada paylamışıq. "Falcon" Turizm Şirkəti də burada çox geniş fəaliyyət göstərir. Bununla yanaşı, cənab Prezidentin 2015-ci ilin oktyabrında verdiyi sərəncamla viza reimi sadələşdirildi. Bundan sonra axın çoxaldı. Amma diasporumuz yaxşı fəaliyyət göstərsəydi, bu rəqəm, ən azı 2-3 dəfə artıq olardı.

682
Teqlər:
diaspor, tədbir, rus, Diasporla İş üzrə Dövlət Komitəsi, Dubay, Birləşmiş Ərəb Əmirlikləri, BƏƏ, Azərbaycan, səfir, azərbaycanlı, erməni
Əlaqədar
İlham Əliyev Dubay Ticarət və Sənaye Palatasının sədrini qəbul edib
Dubaydakı azərbaycanlı seçicilərin 99%-i dəyişikliklərə səs verib
Çevrilişdə ittiham olunan generallar Dubayda ələ keçdilər
Karateçilərimiz Dubaydan iki medalla döndülər
Karateçilərimiz Dubaya yollandılar
Heydər Əliyev aeroportu, arxiv şəkli

Vətəndaşlar pandemiyadan əvvəl aldıqları səyahət biletlərinin pulunu geri ala bilmirlər

3
Şikayətlərdə bunun səbəbi əsasən səyahət edəcəkləri ölkələrə uçuş marşrutunun dəyişdirilməsi ilə əlaqələndirilir.

BAKI, 26 iyul — Sputnik. Hələ 2020-ci ildə müxtəlif xarici ölkələrə səyahət üçün turpaket alan Azərbaycan vətəndaşlarının bir qismi bu günədək turizm şirkətlərinə ödədikləri məbləği geri ala bilmirlər. Bu barədə sosial platformada vətəndaşlar mütəmadi olaraq narazılıqlarını ifadə edən statuslar paylaşır. Şikayətlərdə bunun səbəbi əsasən səyahət edəcəkləri ölkələrə uçuş marşurutunun dəyişdirilməsi ilə əlaqələndirilir.

Turizm şirkətlərindən birindən Misirə turpaket alan müştəri hələ 2020-ci ilin əvvəlində bunun üçün turizm şirkətlərindən birinə 700 manat ödəyib. Turpaketin qiymətinin 30 faizini ödəyən vətəndaş 2400 manatın yerdə qalan hissəsini isə səyahət edəcəyi təqdirdə ödəyəcəkmiş. Koronavirus pandemiyasına görə hava sərhədləri bağlandığından onun Misir səfəri təxirə düşüb. Amma indiyədək turizm şirkəti ödədiyi vəsaiti vətəndaşa geri qaytarmayıb. Buna da səbəb kimi Bakıdan Misirə birbaşa uçuşların dayandırılması göstərilib. Bu gün Azərbaycandan xarici ölkələrə səyahət üçün aviabilet alan vətəndaşlar da eyni problemi yaşayır. Onlar arasında da biletlərinin dəyərini geri ala bilməyənlər az deyil. Sputnik Azərbaycan problemin həlli yollarını araşdırıb.

Əlaqə saxladığımız turizm şirkətlərindən Sputnik Azərbaycan-a bildiriblər ki, pandemiya səbəbindən bəzi ölkələrə aviareyslər dayandırılıb. Bu isə müştərinin aldığı turpaketklə həmin ölkələrə səyahət imkanını çətinləşdirib.

Aviareyslərin dayandırılması turpaketlərin qiymətini də bahalaşdırıb...

"Delta travel" turizm şirkətindən bildirdilər ki, onlar müştərilərin çoxunun turpaket üçün ödədiyi vəsaiti geri qaytarıb. Amma bəzi aviaşirkətlər bilet dəyərini geri qaytarmadığından, onlar da müştərinin pulunu geri qaytara bilmir. Amma turizm şirkətləri turpaket alan müştərilərinə səyahət üçün başqa variantlar da təklif edirlər. Məsələn Misirə turpaket alan müştərilərə hazırda turizm şirkətləri İstanbul üzərindən səyahət imkanı yaradır. Turizm şirkətlərindən bildirdilər ki, Azərbaycandan Misirə birbaşa uçuş olmadığından, onlar müştərilərə İstanbul üzərindən səyahət təklif edirlər. Amma bu zaman müştəri əlavə vəsait ödəməlidir.

Belə ki, 2020-ci ilin yanvarında iki nəfər üçün Misirə 2400 manata turpaket alan müştəri indi bunun üçün 2100 ABŞ dolları ödəməlidir. Çünki uçuşun birbaşa həyata keçirilməməsi turpaketin qiymətini bahalaşdırıb.

O ki qaldı pandemiyadan əvvəl xarici ölkələrə səyahət üçün alınan aviabiletlərin dəyərinin qaytarılmasına, "Azərbaycan Hava Yolları" QSC-dən (AZAL) sorğumuza cavabda bildirib ki, COVID-19 pandemiyasının yayılması ilə əlaqədar "Azərbaycan Hava Yolları" QSC-nin reyslərinə aviabiletlərin qaytarılması və dəyişdirilməsi qaydalarını tərtib edib.

COVID-19 pandemiyasının yayılması ilə əlaqədar hansı aviabiletlər qaytarılmalı və dəyişdirilməlidir?

2020-ci ilin 10 mart tarixindən 25 oktyabr tarixinədək uçuş dövrünü əhatə edən "AZAL" və "Buta Airways" aviaşirkətlərinin aviabiletləri ödənişsiz yenidən təxsis edilə və ya dəyişdirilə bilər. Açıq tarixlə rəsmiləşdirilmiş aviabiletlər (konkret geri qayıdış tarixi qeyd edilməyən biletlər) istisnadır.

Aviabiletlərin qaytarılması və ya dəyişdirilməsi üçün hara müraciət etməyə gəlincə, AZAL-dan bildirdilər ki, bunun üçün callcenter@azal.az elektron poçtu vasitəsilə yazılı formada aviaşirkətin çağırış mərkəzinə və ya aviaşirkətin internet saytında əlaqə forması vasitəsilə müraciət etməyiniz xahiş olunur.

AZAL aviabiletlərin hansı tarixə dəyişdirilə biləcəyini də açıqlayıb. Bildirib ki, yeni uçuş tarixi ilkin aviabilet üzrə uçuş tarixindən sonrakı 24 aydan gec olmamalıdır. Sərnişinə təkcə uçuş tarixini deyil, tariflər arasında fərqin ödənilməsi şərtilə (həmin fərq mövcuddursa) uçuş istiqamətini də dəyişmək imkanı təqdim edilir. Bu halda arzu olunan tarixdə həmin istiqamət üzrə reysin yerinə yetirilib-yetirilmədiyi nəzərə alınır.

O ki, qaldı aviabileti dəyişməyib ödənilən pulun geri alılnasına, AZAL-dan bildridilər ki, alternativ olaraq, AZAL həmçinin sərnişinlərə aviabiletin dəyərinin geri qaytarılması əvəzinə vauçer formasında pul sənədi (EMD) təklif edir. Bu vauçeri ləğv edilmiş reysə biletin ilkin uçuş tarixindən etibarən iki il ərzində istifadə etmək mümkündür. Vauçer "AZAL" və "Buta Airways" aviaşirkətlərinin bütün istiqamətlərində etibarlıdır. Vauçerin kodu sərnişinin elektron poçtuna göndəriləcək. Həmin kod aviaşirkətin rəsmi kassalarında və agentliklərində aviabiletin alışı zamanı təqdim edilə bilər.

Məlumat üçün bildirək ki, bu günədək isə Azərbaycan 10-a yaxın ölkə ilə hava əlaqəsini bərpa edib. Bunlar Türkiyə, Rusiya, ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qətərdir.

Qeyd edək ki, Nazirlər Kabinetinin 5 iyunda imzaladığı qərarından sonra 10 iyun tarixindən etibarən epidemioloji vəziyyətdə müsbət dinamikanın müşahidə edildiyini nəzərə alaraq, Rusiya Federasiyası və Türkiyə Respublikasının vətəndaşlarının hava yolu ilə Azərbaycan ərazisinə səfərinə icazə verilib. Həmin qərara əsasən, yaşı 18-dən yuxarı olan sərnişinlər tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID pasport) və uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması şərti ilə ölkəmizə səfər edə bilərlər.

Həmçinin 1 yaşdan 18 yaşadək olan sərnişinlərin uçuşdan əvvəl 72 saat ərzində COVID-19-a dair PCR testinin neqativ nəticəsini təsdiq edən rəsmi sənədi təqdim olunmalıdır. Eyni zamanda, 10 iyundan başlayaraq Azərbaycana daxil olmaq üçün bütün 1 yaşdan yuxarı olan sərnişinlərin COVID-19-a dair PCR testin neqativ nəticəsini təsdiq edən rəsmi sənədin müddəti uçuşdan əvvəl 48 saatdan 72 saatadək artırılır. 1 yaşdan aşağı olan uşaqlar üçün COVID pasport və PCR test nəticələrinə dair sənədlər tələb olunmur. Azərbaycan Respublikasına birbaşa uçuşlar icra edən bütün aviadaşıyıcılar yalnız müvafiq tələblərə cavab verən sərnişinləri qeydiyyata almalıdırlar. Azərbaycan ərazisinə daxil olarkən sərhəd nəzarətindən keçdikləri zaman tələblərə cavab verməyən sərnişinlər ölkə ərazisinə buraxılmır və aviadaşıyıcının hesabına həmin təyyarə ilə geri qaytarılır.

İyunun 21-dən isə ABŞ, Bəhreyn, Birləşmiş Ərəb Əmirlikləri, Böyük Britaniya, İsrail, Macarıstan və Qətər vətəndaşlarının Azərbaycan Respublikasının ərazisinə səfər etməsinə icazə verilib.

Həmçinin oxuyun:

TƏBİB-dən səyahət edənlərə çağırış

Pandemiya Azərbaycanda səyahət və yay istirahətləri planına necə təsir edir?

Koronavirussuz səyahət: hələlik PZR testlə, tezliklə peyvənd pasportu ilə

3
Prezident İlham Əliyev Türkiyənin Ədalət və İnkişaf Partiyası sədrinin birinci müavininin rəhbərlik etdiyi nümayəndə heyətini qəbul edib

İlham Əliyev AKP sədrinin birinci müavinini qəbul edib

9
Görüşdə ölkələrimizin müxtəlif qurumlarının nümayəndələrinin qarşılıqlı səfərlərinin əhəmiyyətinə toxunulub.

BAKI, 26 iyul — Sputnik. Azərbaycan Respublikasının Prezidenti İlham Əliyev iyulun 26-da Türkiyənin Ədalət və İnkişaf Partiyası (AKP) sədrinin birinci müavini Numan Kurtulmuşun rəhbərlik etdiyi nümayəndə heyətini qəbul edib.

Sputnik Azərbaycan xəbər verir ki, görüşdə Azərbaycanla Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi bildirildi. Dövlət başçıları arasında mütəmadi təmasların əlaqələrimizin genişlənməsində xüsusi rolu vurğulanıb.

© Official website of President of Azerbaijan Republic
Prezident İlham Əliyev Türkiyənin Ədalət və İnkişaf Partiyası sədrinin birinci müavininin rəhbərlik etdiyi nümayəndə heyətini qəbul edib

Söhbət zamanı Yeni Azərbaycan Partiyası ilə Ədalət və İnkişaf Partiyası arasında əməkdaşlıq məsələləri müzakirə olunub. Qeyd edilib ki, partiyalar arasında əlaqələr ikitərəfli münasibətlərin inkişafında mühüm rol oynayır. Eyni zamanda, ölkələrimizin müxtəlif qurumlarının nümayəndələrinin qarşılıqlı səfərlərinin əhəmiyyətinə toxunulub.

Görüşdə əməkdaşlığın perspektivləri ətrafında fikir mübadiləsi aparıldı, ölkələrimiz arasında münasibətlərin bundan sonra da genişlənəcəyinə əminlik ifadə olunub.

9