SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Azərbaycan prezidenti Donald Trampa zəng edib

© Official website of President of Azerbaijan RepublicAzərbaycan prezidenti İlham Əliyev Nazirlər Kabinetinin iclasında
Azərbaycan prezidenti İlham Əliyev Nazirlər Kabinetinin iclasında - Sputnik Azərbaycan
Abunə olmaq
Azərbaycan dövlət başçısı Donald Trampı prezident seçkilərində qələbəsi münasibətilə təbrik edib, ona ali dövlətçilik fəaliyyətində uğurlar arzulayıb.

BAKI, 17 noy — Sputnik. Azərbaycan prezidenti İlham Əliyev ABŞ-ın yeni seçilmiş prezidenti Donald Trampa telefonla zəng edib.

Sputnik-in məlumatına görə, dövlət başçısı Donald Trampı prezident seçkilərində qələbəsi münasibətilə təbrik edib, ona ali dövlətçilik fəaliyyətində uğurlar arzulayıb.

Prezident İlham Əliyev Azərbaycanla Amerika Birləşmiş Ştatları arasında ikitərəfli münasibətlərin müxtəlif sahələrdə, o cümlədən siyasi, iqtisadi, təhlükəsizlik, enerji təhlükəsizliyi və digər sahələrdə uğurla inkişaf etdiyini vurğulayaraq, əlaqələrimizin daha da möhkəmləndirilməsi üçün çox böyük potensialın mövcud olduğunu qeyd edib.

ABŞ-ın yeni seçilmiş prezidenti Donald Tramp göstərilən diqqətə və təbrikə görə prezident İlham Əliyevə minnətdarlığını bildirib. Donald Tramp qeyd edib ki, prezident İlham Əliyev haqqında çox xoş sözlər eşidib və dövlət başçısına fəaliyyətində uğurlar azulayıb.

D. Tramp prezident İlham Əliyevdən Azərbaycan xalqına salamlarını və ən xoş arzularını çatdırmağı xahiş edib.

Xəbər lenti
0