İlham Əliyev: Ümid edirəm, Azərbaycan-ABŞ münasibətləri bundan sonra da inkişaf edəcək

© Official website of President of Azerbaijan RepublicAzərbaycan prezidenti İlham Əliyev Nazirlər Kabinetinin iclasında
Azərbaycan prezidenti İlham Əliyev Nazirlər Kabinetinin iclasında - Sputnik Azərbaycan
Abunə olmaq
İlham Əliyev: Ümidvaram ki, ABŞ Minsk qrupunun həmsədri kimi rəhbərliyiniz altında bu münaqişənin Azərbaycanın ərazi bütövlüyü çərçivəsində ədalətli həllinə öz töhfəsini verəcək.

BAKI, 9 noy — Sputnik. Azərbaycan prezidenti İlham Əliyev Donald Trampı Amerika Birləşmiş Ştatlarının prezidenti seçilməsi münasibəti ilə təbrik edib.

Sputnik-in məlumatına görə, dövlət başçısının məktubunda deyilir:

“Amerika Birləşmiş Ştatlarının Prezidenti vəzifəsinə seçilməyiniz münasibətilə Sizi ürəkdən təbrik edirəm. Seçkilərdə qazandığınız qələbə dost Amerika xalqının Sizə olan etimadının və dəstəyinin göstəricisidir. 

Дональд Трамп, кандидат в президенты США - Sputnik Azərbaycan
Donald Tramp ABŞ prezidenti seçildi

Ümid edirəm ki, Azərbaycan ilə ABŞ arasında ikitərəfli münasibətlər bundan sonra da uğurla inkişaf edəcək. Ölkələrimiz arasında əlaqələrin 25 illik tarixi var. Bu müddət ərzində dostluq və əməkdaşlıq münasibətlərimiz yüksək səviyyəyə qalxıb. Siyasi, iqtisadi, enerji, təhlükəsizlik sahələrində, o cümlədən beynəlxalq terrorizmə qarşı mübarizədə və NATO-nun Əfqanıstanda sülhyaratma əməliyyatlarında fəal əməkdaşlıq edirik.

Uzun illərdir ki, Azərbaycan Ermənistanın işğalçılıq siyasətindən əziyyət çəkir. Ərazilərimizin 20 faizi işğal altındadır, bir milyondan artıq azərbaycanlı qaçqın və məcburi köçkün vəziyyətinə düşüb.

Azərbaycanın ərazi bütövlüyü bütün dünya birliyi və beynəlxalq təşkilatlar tərəfindən tanınıb. BMT-nin Təhlükəsizlik Şurasının dörd qətnaməsi Ermənistan silahlı qüvvələrinin Azərbaycan ərazilərindən dərhal və qeyd-şərtsiz çıxarılmasını tələb etsə də, Ermənistan buna məhəl qoymur. Bizim qəti mövqeyimiz bundan ibarətdir ki, münaqişə ilə bağlı BMT-nin Təhlükəsizlik Şurasının dörd qətnaməsi, o cümlədən BMT-nin Baş Məclisi, ATƏT, Avropa Şurası, NATO, Avropa Parlamenti, İƏT, Qoşulmama Hərəkatı və digər beynəlxalq təşkilatların qərar və qətnamələri yerinə yetirilməlidir. Münaqişə beynəlxalq hüquq normalarına uyğun, Azərbaycanın ərazi bütövlüyü çərçivəsində həll olunmalıdır. 

Выставка Repurposed (Видоизмененный) в выставочной галерее Союза художников Азербайджана - Sputnik Azərbaycan
Səfir: Trampın komandasında Qafqaz barədə məlumatlı ekspertlər var

Ümidvaram ki, ABŞ Minsk qrupunun həmsədri kimi Sizin rəhbərliyiniz altında bu münaqişənin beynəlxalq hüquq normalarına uyğun, Azərbaycanın ərazi bütövlüyü çərçivəsində ədalətli həllinə öz töhfəsini verəcək.

Bir daha Sizə səmimi təbriklərimi yetirir, möhkəm cansağlığı, xoşbəxtlik, dost Amerika xalqının rifahı naminə qarşıdakı fəaliyyətinizdə uğurlar diləyirəm”.

Xəbər lenti
0