Azərbaycan Respublikasının Prezidenti İlham Əliyev

İlham Əliyev: "Emin Hüseynov mənə məktub yazdı ki..."

252
Azərbaycan Prezidenti: "Emin Millinin ölümlə hədələnməsi barədə informasiya yalandır"

BAKI, 20 sen-Sputnik. "Avropa Parlamentinin bir il bundan əvvəl qəbul etdiyi qətnamə bizim münasibətlərimizdə ciddi geriləmə yaratdı. Bu, çox böyük təəccüb doğurdu. Biz Azərbaycanda bunu çox düşməncəsinə, qeyri-düzgün, səhv informasiya və qərəzə əsaslanan addım və ölkəmizin reputasiyasına zərər vermək cəhdi kimi qəbul edirik".

Sputnik president.az-a istinadən xəbər verir ki, bu sözləri Azərbaycan prezidenti İlham Əliyev bu gün Avropa İttifaqı-Azərbaycan Parlament Əməkdaşlıq Komitəsinin nümayəndə heyəti ilə görüşündə səsləndirib. Görüşdə Avropa Parlamentinin bir il bundan əvvəl qəbul etdiyi qətnaməni şərh edən İlham Əliyev deyib ki, buna aydınlıq gətirmədən irəliləmək və gələcək işləri planlaşdırmaq çətin olacaq.

"Burada deyilir ki, son bir neçə ildə ümumilikdə Azərbaycanda insan haqları ilə bağlı vəziyyət pisləşib. Bu, doğru deyil. Azərbaycanda insan haqları ilə bağlı vəziyyət yaxşılaşır. Ölkəmiz demokratik inkişafa və insan haqlarının qorunması işinə sadiqdir. Düşünürəm ki, burada insan haqlarının qorunması ilə bağlı vəziyyət daha müsbət qiymətləndirmə tələb edir. Burada bilmirəm, qəsdən və ya yanlışlıqla səhv informasiyaya əsaslanan bir neçə məsələ var. Onlardan biri odur ki, jurnalistlər və vətəndaş cəmiyyəti nümayəndələri davamlı hədə və təqiblərə məruz qalırlar. Onların arasında Meydan TV-nin direktoru Emin Milli ölümlə hədələnib. Bu, səhvdir və yalandır. O, heç vaxt ölümlə hədələnməyib. Bilmirəm niyə burada belə yazılıb".

Bunun Azərbaycan əleyhinə kampaniyanın bir hissəsi ola biləcəyini vurğulayan Prezident deyib: "Hüquq müdafiəçisi Emin Hüseynov saxta ittihamlarla üzləşəndən sonra İsveçrədən sığınacaq istəyib və Azərbaycan vətəndaşlığından məhrum edilib. Bu da səhv informasiyaya əsaslanır. Bu şəxs mənə məktub yazaraq onu vətəndaşlıqdan məhrum etməyi xahiş edib. Bu, Azərbaycan qanunvericiliyinə əsasən edilib. Onu bir neçə ay səfirliyində gizləndiyi İsveçrənin xarici işlər naziri buraya gələrək öz təyyarəsi ilə İsveçrəyə aparıb. Bununla bağlı Azərbaycan Xarici İşlər Nazirliyi və İsveçrə Xarici İşlər Nazirliyi arasında razılıq əldə olunub. Sənədlər var, cənab Hüseynovun məktubu var. Heç kim onu vətəndaşlıqdan çıxarmayıb. Bu, yenə də daha bir yalandır".

Əliyev Avropa Parlamentinin 2015-ci ilin noyabrında Azərbaycanda keçirilən parlament seçkilərini müşahidə üçün missiya göndərməkdən imtina etməsi qərarına toxunarkən deyib: "Siz imtina etdiniz, digərləri isə etmədi. Avropa Şurası Parlament Assambleyası gəldi, seçkiləri müşahidə etdi və çox müsbət bəyanat verdi. Beləliklə, Avropa Parlamentinin iştirak etməməsi heç nəyi dəyişmədi, nəticələrə və müsbət rəyə təsir etmədi". 

Hazırda Avropa Parlamenti ilə heç bir əlaqənin olmadığını deyən Əliyevin fikrincə, bu, Azərbaycanın günahı ucbatından baş verməyib: "Biz digər Avropa təsisatları — Avropa İttifaqı, Avropa Şurası, ATƏT-lə işləməyə davam edirik. Lakin Avropa Parlamenti Azərbaycanla bağlı bu mövqeyi tutmağı qərara aldı. Bizdə olan məlumata görə, bu sənəd qurumun rəhbərləri, xüsusilə də bilmirəm hansı səbəbdən Azərbaycana nifrət edən və hər dəfə bizim nüfuzumuza xələl gətirməyə çalışan Şults və Lunaçek tərəfindən təşkil olunub. Bizdə olan məlumata görə, bu qətnamə Avropa Parlamentinin prosedurlarına zidd olaraq qəbul edilib. Avropa Parlamentinin bəzi üzvləri bunu etməməklə bağlı xəbərdarlıq ediblər. Mən onlardan birinin "Biz Azərbaycanı itirəcəyik" dediyini eşitmişəm, yəqin ki, o, haqlı idi. Avropa Komissiyasının komissarı da danışıb, xəbərdarlıq edib, lakin onları dinləməyiblər. Nəticədə nə oldu? Heç bir münasibət, heç bir əlaqə yoxdur".

"Biz parlamentimizdə işçi qrupu yaratmadıq. Biz Avronestdəki fəaliyyətimizə xitam verdik. Vəziyyət belədir. Biz heç nə olmamış kimi davrana bilmərik. Biz buna aydınlıq gətirməliyik. Biz bunu aradan qaldırmaq üçün nə edə biləcəyimizə nəzər salmalıyıq. Əgər bu, belə qalsa və heç nə baş verməsə, biz nə barədə danışa bilərik?" — deyə İlham Əliyev əlavə edib.

252
Teqlər:
Emin Milli, Emin Hüseynov, Avropa İttifaqı-Azərbaycan Parlament Əməkdaşlıq Komitəsi, İlham Əliyev, Avropa Parlamenti
Əlaqədar
İlham Əliyev: Pambığın alış qiymətini nə qədər mümkündürsə qaldırmalıyıq
Qırğızlar İlham Əliyevi təmtəraqla yola saldılar
İlham Əliyev Bakıda orta məktəbin yeni binasının açılışında iştirak edib
İlham Əliyev MDB-nin ölkə başçılarının sammitində iştirak edəcək
Ramzan Kadırov İlham Əliyevə təşəkkür etdi
İlham Əliyev Kim Çen Ina məktub yazdı
Su kanalı, arxiv şəkli

Su kanalından qadın meyidi aşkarlandı

8
1982-ci il təvəllüdlü Cəfərova Xəyalə Zahir qızının meyiti su kanalından çıxarılaraq aidiyyəti üzrə təhvil verilib.

BAKI, 23 yanvar — Sputnik. Böhran Vəziyyətlərində İdarəetmə Mərkəzinə Ağcabədi rayonunda su kanalında aşkar edilmiş qadın meyitinin çıxarılmasına köməklik göstərilməsi üçün müraciət daxil olub.

Sputnik Azərbaycan-ın məlumatına görə, müraciətlə əlaqədar Fövqəladə Hallar Nazirliyinin müvafiq qüvvələri əraziyə cəlb olunub və həyata keçirilən tədbirlər nəticəsində 1982-ci il təvəllüdlü Cəfərova Xəyalə Zahir qızının meyidi su kanalından çıxarılaraq aidiyyəti üzrə təhvil verilib.

8
Stetoskop, arxiv şəkli

"Reproduktiv sağlamlıq haqqında" qanun layihəsi hazırlanır

6
Koronavirus (COVİD-19) infeksiyası ilə bağlı ölkədəki vəziyyət və görülən tədbirlər barədə, optika və optikaçılıq, ürək-damar sistemi xəstəlikləri ilə bağlı  dinləmələrin keçirilməsi planlaşdırılıb.

BAKI, 23 yanvar — Sputnik. "Reproduktiv sağlamlıq haqqında" qanun layihəsi hazırlanır.

Sputnik Azərbaycan-ın məlumatına görə, bu məsələ Parlamentin Səhiyyə Komitəsinin yaz sessiyası üçün iş planına daxil edilib.

Yaz sessiyasında koronavirus (COVİD-19) infeksiyası ilə bağlı ölkədəki vəziyyət və görülən tədbirlər barədə, icbari tibbi sığortanın tətbiqi ilə əlaqədar normativ-hüquqi aktlara dəyişikliklərin edilməsinə dair, optika və optikaçılıq, ürək-damar sistemi xəstəlikləri ilə bağlı  dinləmələrin keçirilməsi planlaşdırılıb.

Sessiya ərzində Azərbaycan Prezidentinin qanunvericilik təşəbbüsü qaydasında təqdim etdiyi qanun layihələrinin, Milli Məclis deputatlarının, Ali Məhkəmənin, Baş Prokurorluğun, Naxçıvan Muxtar Respublikası Ali Məclisinin qanunvericilik təşəbbüsü qaydasında təqdim etdiyi layihələrin müzakirəsi nəzərdə tutulub.

6