Bakıdakı ərəb turistlər

Ərəb turistlər barədə bilmədikləriniz

5440
(Yenilənib 10:17 13.08.2016)
Ərəb turistlər ölkəmizdəki qiymətləri ucuz hesab edirlər. Onlar əsasən bizim mətbəxə, təmiz şəhərimizə və qızlarımıza vurulublar.

BAKI, 12 avq — Sputnik. "Ərəb turistləri ölkəmizə daha çox ailələrlə gələrək burada 5-7 gün qalırlar. Bu, turizm sahəsində yaxşı göstəricidir, çünki qonaq nə qədər uzun müddətə qalsa, o qədər çox pul xərcləyər." — deyə Azərbaycan Turizm Assosiasiyasının məsləhətçisi Müzəffər Ağakərimov ərəb turistlərlə bağlı məsələləri şərh edərkən bildirib.

Mədəniyyət və turizm nazirliyindən Sputnik-ə verilən məlumata görə, 2016-cı ildə ərəb ölkələrindən Azərbaycana gəlmiş turistlərin sayı 25 minə çatıb. Beləliklə, ötən ilin göstəriciləri ilə müqayisədə bu il turistlərin sayı 8 dəfə artıb.

Xatırladaq ki, 2016-cı il fevralın 1-dən Azərbaycanın bütün beynəlxalq hava limanlarında vizaların sadələşdirilmiş yolla verilməsi sistemi tətbiq edilib. Bu isə Qətər, Oman, Səudiyyə Ərəbistanı, Bəhreyn, Küveyt və digər ölkələrdən turist axınının artmasına səbəb olub.

Yeri gəlmişkən, 2016-cı ildə daha çox turist İraqdan gəlib — onların sayı 11 min 28 nəfərə çatıb. Turist sayına görə sonrakı yerləri BƏƏ tutur. Bu ölkədən Azərbaycana 10 min 86 nəfər gəlib.
Ağakərimovun sözlərinə görə, Fars körfəzi ölkələrindən turistlərin sayının artmasının bir neçə səbəbi var.

  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
  • Bakıdakı ərəb turistlər
    Bakıdakı ərəb turistlər
    © Sputnik / Murad Orujov
1 / 19
© Sputnik / Murad Orujov
Bakıdakı ərəb turistlər

İlk növbədə, deyildiyi kimi, Azərbaycanda viza rejimi sadələşib. İndi ölkəyə gələn əcnəbilər üçün vizalar hava limanında qısa müddətdə və daha əlverişli qiymətlərlə təşkil edilir.
Turistlərin coğrafiyasının dəyişməsinə Yaxın Şərqdəki hadisələr təsir göstərib. Qonaqların Azərbaycanı seçməsinin daha bir səbəbi din amilidir. Ölkəmizin əhalisinin böyük əksəriyyəti müsəlman olduğu üçün bu, müsəlman ölkələrindən olan turistləri cəlb edir.

Bundan əlavə, ötən ilin sentyabrında "Iraqi Airways" şirkətinin Bağdad-Bakı-Bağdad birbaşa reysi açılıb. Bu isə gediş-gəlişi asanlaşdırıb.
Turistlərin fikrincə, Azərbaycanda dincəlməyin ən tutarlı səbəblərindən biri qiymətlərin aşağı olmasıdır. Dekabr devalvasiyasından sonra Azərbaycanın turizm sektorunda qiymətlər avtomatik düşdülər və o vaxtdan dəyişmədilər. Bu amil ənənəvi olaraq turizmə stimul yaradır.

"Hamıya məlumdur ki, Azərbaycan çox qonaqpərvər ölkədir. Digər ölkələrə nisbətən burada sabitlik müşahidə olunur. Ölkə gündən-günə inkişaf edərək daha da cəlbedici olur. İnfrastruktur təkmilləşir. Bundan əlavə, ərəb ölkələrinin vətəndaşları üçün bizim mətbəx yaxındır. Onlar özlərini burada rahat hiss edirlər, bizim istilər isə onlardan ötrü sərin sayılır", — deyə ekspert qeyd edib.

Onun sözlərinə görə, bu gün otellərdə çoxlu sayda boş nömrələr var. Fars körfəzi ölkələrindən olan qonaqlar yalnız bahalı otellərdə dincəlmirlər. Üçulduzlu nömrələrdə qalanlar da az deyil. Həmçinin turistlər şəhərdən çıxaraq Quba və Qəbələ rayonlarına istirahətə gedirlər.

Ekspert vurğulayıb ki, ərəb turistləri hər şeydən əlavə əyləncə axtarırlar.

Sputnik-in müxbiri turistlərlə şəxsən söhbət edərək onların ölkəmizə gəlmə səbəbini öyrənməyə çalışıb. Buna görə də o "Torqovıya" — Nizami küçəsinə yola düşüb.
Axşam tərəfi bu küçədə çoxsaylı və ailəli ərəb turistlərinə rast gəlmək olur. Adətən bir kişi və bir neçə qadın və uşaqdan ibarət qrup halında olurlar.

"Ölkənizə birinci dəfədir gəlmişik. Lakin məncə, qayıdacağıq, burada vaxtımız yaxşı keçir. Bakı çox yaxşı şəhərdir, paytaxtdan kənarda isə sıx yaşıl meşələr var" — deyə ərəb turist öz fikrini bildirib.

Lakin, qonaqlarla ünsiyyət çətin alınır. Onların çoxu ingiliscə çətinliklə danışır, həm də əksəriyyətinin özlərini aparmağı ayrıca mövzudur.
Sputnik onların əksəriyyətinin Azərbaycana ilk dəfə gəldiyini və burada istirahətdən xoşları gəldiyini öyrənib. Onlar bizim mətbəxə, təmiz şəhərimizə və qızlarımıza vurulublar. Turistlər ölkədəki aşağı qiymətlərdən də razıdırlar. "Sərin" hava isə onlara gündüzlər də şəhərə çıxmaq imkanı verir.

5440
Teqlər:
Fars körfəzi, ərəb turistlər, ərəb, Bağdad, İraq, müsəlman, BƏƏ
Əlaqədar
Bakıda oteldə ərəb turistinin cəsədi aşkarlandı
Azərbaycana hər gün 600-dən çox ərəb turist gəlir
"Azərbaycana gələn ərəb turistlərin sayı get-gedə artır"
Maliyyə hesabatı, arxiv şəkli

Şəhid ailələri qazilərə ödəniləcək müavinətlərlə bağlı açıqlama verildi

16
(Yenilənib 19:52 01.12.2020)
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

16
Sülhməramlı kontingent üçün maddi-texniki təminat vasitələrinin gətirilməsi prosesi davam edir

Sülhməramlılar üçün maddi-texniki təminat vasitələrinin gətirilməsi davam edir - VİDEO

9
Dekabrın 1-də Rusiya sülhməramlılarının maddi-texniki təminatı üçün gətirilən vasitələr müəyyən olunmuş marşrut üzrə təyinat məntəqəsinə çatdırılıb.

BAKI, 1 dekabr — Sputnik. Azərbaycanın Dağlıq Qarabağ bölgəsində yerləşdirilən Rusiya sülhməramlı kontingenti üçün maddi-texniki təminat vasitələrinin ölkəmizə gətirilməsi prosesi davam edir. Bu barədə Sputnik Azərbaycan Müdafiə Nazirliyinə istinadən xəbər verir.

Dekabrın 1-də Rusiya sülhməramlılarının maddi-texniki təminatı üçün gətirilən vasitələr müəyyən olunmuş marşrut üzrə təyinat məntəqəsinə çatdırılıb.

9

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0