Wonderland Azərbaycan 2016 adlı Beynəlxalq Skaut Düşərgəsi

Azərbaycanda beynəlxalq skaut düşərgəsi salınıb

237
(Yenilənib 18:15 26.07.2016)
Wonderland adlı beynəlxalq skaut düşərgəsinə, Azərbaycanın bir çox bölgələrindən, həmçinin 9 xarici ölkədən iştirakçılar qatılıb

İlham Mustafa, Sputnik Azərbaycan

BAKI, 22 iyul — Sputnik. Gəncə şəhərinin Hacıkənd qəsəbəsində, yaşları 6 — 17 arası olan 300-dən çox iştirakçının qatıldığı "Wonderland Azərbaycan 2016" adlı Beynəlxalq Skaut Düşərgəsi salınıb. Azərbaycan Respublikası Gənclər və İdman Nazirliyinin maliyyə dəstəyi ilə, Azərbaycan Skautlar Assosiasiyasının təşkil etdiyi düşərgədə, adları Azərbaycan dağlarının adını daşıyan 6 skaut komandası var.

İyulun 24-dək davam edəcək Wonderland adlı beynəlxalq skaut düşərgəsinə, Azərbaycanın bir çox bölgələrindən (Bakı, Biləsuvar, Şəki, Qax, Şəmkir, Gəncə, Göygöl) və həmçinin 9 xarici ölkədən (Türkiyə, Polşa, Gürcüstan, Ukrayna, Belarus, Misir, Seyşel, Bəhreyn, və Sloveniyadan) iştirakçılar qatılıb.

Bu skautlar qeyri-adi vəziyyətlərdən çıxış üsullarını, dağçılıq və s. bu kimi idman sahələrinin müasir avadanlıqlarından istifadə və yaralıya ilk tibbi yardım göstərmək qaydalarını öyrənməklə yanaşı, pionerinq, atıcılıq, atçılıq, səmti müəyyən etmə, oxatma, Göygöl və Maralgölə yürüşlər, trekkinq, idman oyunları, ekstrimal gecələmə, maneələr zolağı, "Gəncə Macəraları" — Şəhər turu və digər maraqlı fəaliyyətlərlə məşğul olurlar.

  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
  • Wonderland Azərbaycan 2016 adlı Beynəlxalq Skaut Düşərgəsi
    "Wonderland Azərbaycan 2016" adlı Beynəlxalq Skaut Düşərgəsi
    © Sputnik / Ilham Mustafa
1 / 10
© Sputnik / Ilham Mustafa
"Wonderland Azərbaycan 2016" adlı Beynəlxalq Skaut Düşərgəsi

Düşərgəyə qoşulmaq ödənişlidir və Azərbaycan Skautlar Assosiasiyasının üzvləri 25, edilən elandan sonra qoşulmaq istəyən qeyri-üzvlər isə 100 manat ödəməlidirlər. Bu ödənişlərə daxildir — düşərgə yerinə gediş və düşərgə yerindən gəliş haqları, gün ərzində yeməklər, köynəklər və düşərgənin proqramında nəzərdə tutulmuş turlar.

Qeyd edək ki, Skaut düşərgəsi ilk dəfə 1907-ci ildə Böyük Britaniyada Lord Baden Pauell tərəfindən yaradılıb. Hazırda dünya ölkələrindən 35 milyon uşaq, yeniyetmə və gənc onun sıralarında birləşərək, "Hər gün bir xeyirxah iş görək" devizi altında fəaliyyət göstərir. Yarandığı dövrdən indiyədək planetimizin 300 milyondan çox sakini skaut hərəkatının üzvü olub.

Azərbaycan Skautlar Assosiasiyası (ASA) isə 1997-ci il 11 oktyabr tarixində təsis olunub və 2000-ci il 20 avqustda Ümumdünya Skaut Hərəkatı Təşkilatına tam hüquqlu üzv qəbul edilib. Onun başlıca məqsədi öz ölkəsinin gənclərinin tərbiyyə olunmasına, vətənpərvər, kamil və layiqli Azərbaycan vətəndaşlarının formalaşdırılmasına kömək göstərməkdir.

İlk Wonderland adlı beynəlxalq skaut düşərgəsi isə 2013-cü ildə Azərbaycan Respublikası Gənclər və İdman Nazirliyinin maliyyə dəstəyi ilə Şəkidə təşkil olunub və ənənəvi illik skaut düşərgəsinə çevirilib. Düşərgədə fəaliyyətlər yaş qruplarına uyğun olaraq əvvəlcədən planlaşdırılmış proqram üzrə həyata keçirilir.

Düşərgə iştirakçıları proqram üzrə günü səhər idmanı ilə başlayırlar. Daha sonra gün ərzində müxtəlif proqram modullarında iştirak edirlər. Bu proqram modullarında iştirakçılar müxtəlif həyati bilik və bacarıqları əldə etməklə yanaşı psixoloji, əyləncəli və intellektual oyun və yarışlarda iştirak edirlər. Bunun nəticəsində onlar liderlik, nizam-intizamlılıq, özünü ifadə və vətənpərvərlik kimi keyfiyyətləri də əldə etmiş olurlar.

237
Teqlər:
düşərgə, skaut, Beynəlxalq Skaut Düşərgəsi, "Wonderland Azərbaycan 2016", Hacıkənd qəsəbəsi, Gəncə
Əlaqədar
ASAN Könüllülərinin "Həmrəylik Düşərgəsi" açıldı
TİKA az gəlirli qaçqın ailələrin uşaqları üçün yay düşərgəsi salıb
Qaçqın düşərgələrinin ləğv olunmasının başlanğıcı

İlham Əliyev: "Milli iradəmizin zəfər çaldığı gün - 20 Yanvar"

17
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

17
Аллея Шехидов в Баку

20 Yanvar faciəsindən 31 il ötür

9
(Yenilənib 00:10 20.01.2021)
Yanvar faciəsi ümumxalq hüznü olmaqla yanaşı, həm də Azərbaycan xalqının iradəsinin sarsılmazlığını, mətinliyini göstərdi.

BAKI, 20 yanvar - Sputnik. Azərbaycanda 1990-cı il yanvarın 20-də baş vermiş faciədən 31 il keçir.

1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib. Sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıq və misli görünməmiş vəhşiliklə müşayiət edilib. Fövqəladə vəziyyətin tətbiqi əhaliyə elan olunanadək hərbçilər 82 nəfəri amansızcasına qətlə yetirib, 20 nəfəri ölümcül yaralayıb. Fövqəladə vəziyyət elan edildikdən sonra isə bir neçə gün ərzində Bakı şəhərində 21 nəfər öldürülüb. Fövqəladə vəziyyətin elan olunmadığı rayon və şəhərlərdə - yanvarın 25-də Neftçalada və yanvarın 26-da Lənkəranda daha 8 nəfər qətlə yetirilib.

Beləliklə, qoşunların qanunsuz yeridilməsi nəticəsində Bakıda və ətraf rayonlarında 131 nəfər öldürülüb, 744 nəfər yaralanıb. Həlak olanların arasında qadınlar, uşaqlar və qocalar, həmçinin təcili yardım işçiləri və milis nəfərləri olub.

Qoşunların qanunsuz yeridilməsi həm də dinc əhali arasında kütləvi həbslərlə müşayiət olunub. Əməliyyatların gedişi boyunca paytaxt Bakı və respublikanın digər şəhər və rayonlarından 841 nəfər qanunsuz həbs edilib, onlardan 112-si SSRİ-nin müxtəlif şəhərlərindəki həbsxanalara göndərilib. Hərbi qulluqçular tərəfindən 200 evə, 80 avtomobilə, o cümlədən təcili yardım maşınlarına atəş açılıb, yandırıcı güllələrin törətdiyi yanğınlar nəticəsində külli miqdarda dövlət və şəxsi əmlak məhv edilib.

1990-cı il yanvar qurbanları simvolik olaraq “20 Yanvar şəhidi” adlanır. Ümumilikdə, Azərbaycanın 150 nəfər “20 Yanvar şəhidi” var.

Yanvar faciəsi ümumxalq hüznü olmaqla yanaşı, həm də Azərbaycan xalqının iradəsinin sarsılmazlığını, mətinliyini göstərdi. Sovet ordusunun amansızlığına və qəddarlığına, Bakıda fövqəladə vəziyyət tətbiq edilməsinə baxmayaraq, Azərbaycan xalqı yanvarın 22-də paytaxtın “Azadlıq” meydanında 20 Yanvar şəhidlərinin dəfni ilə əlaqədar matəm yürüşü keçirib. Şəhidlər xiyabanındakı dəfn mərasimində 2 milyona yaxın insan iştirak edib. Xalqın tələbi ilə Azərbaycan SSR Ali Sovetinin fövqəladə sessiyası çağırılıb və Bakı şəhərində fövqəladə vəziyyətin ləğv edilməsi haqqında qərar qəbul edilib, lakin xalqın qəzəbindən qorxuya düşən respublikanın əksər rəhbər vəzifəli şəxsləri həmin sessiyada iştirak etməyib.

1994-cü il martın 29-da 20 Yanvar faciəsinə ali qanunvericilik orqanı – Milli Məclis səviyyəsində ilk dəfə hüquqi-siyasi qiymət verilib.

O vaxtdan 20 yanvar Azərbaycanda hər il Ümumxalq hüzn günü kimi qeyd olunur. Hər il yanvarın 20-də rəsmi şəxslər, sıravi vətəndaşlar Şəhidlər xiyabanında 20 Yanvar faciəsi qurbanlarını ziyarət edirlər.

Xüsusi tədbirlər planına uyğun olaraq, ziyarətçilərin təhlükəsizliyini təmin etmək məqsədilə yanvarın 20-si saat 07:00-dan mərasim başa çatanadək Şəhidlər xiyabanı istiqaməti üzrə küçə və prospektlərdə nəqliyyat vasitələrinin hərəkəti məhdudlaşdırılacaq.

Bu istiqamətdə şəxsi avtomobillərdən mümkün qədər az istifadə edilməsi, ictimai nəqliyyata üstünlük verilməsi tövsiyə olunur.

Yanvarın 20-də Bakı vaxtı ilə saat 12.00-da ölkə ərazisində şəhidlərin xatirəsi bir dəqiqəlik sükutla yad ediləcək, gəmilər, avtomobillər və qatarlar səs siqnalları verəcək. Həmin gün ölkə ərazisində matəm əlaməti olaraq Azərbaycanın dövlət bayraqları endiriləcək.

Dünya ictimaiyyətinin diqqətini Qanlı Yanvar faciəsinə yönəltmək üçün Azərbaycanın xarici ölkələrdəki səfirlikləri, diplomatik nümayəndəlikləri, Azərbaycan icmaları tərəfindən də müvafiq tədbirlər həyata keçirilir.

9