Milli Məclis

Əcnəbilərin Azərbaycanda xərclədiyi pulun 18 faizi özlərinə qaytarılacaq

44
(Yenilənib 14:16 24.06.2016)
Milli Məclisdə Vergi Məcəlləsinə dəyişikliklər qəbul olunub. Sözügedən dəyişiklik ölkəyə xarici turistləri cəlb edəcək.

BAKI, 24 iyun — Sputnik. Parlamentin növbədənkənar son plenar iclasında Vergi Məcəlləsində dəyişikliklərə baxılıb. Sputnik xəbər verir ki, layihə barədə millət vəkili Ziyad Səmədzadə məlumat verib. Bildirilib ki, qanun layihəsinin 1.1-1.4-cü maddələri ölkəyə xarici turistləri cəlb etmək və onlar tərəfindən ölkə ərazisində mal və məhsulun alışını təşviq etmək məqsədi daşıyır.

Azərbaycanda əcnəbilər və vətəndaşlığı olmayan şəxslər tərəfindən ölkə ərazisində alınmış, istehsal, yaxud kommersiya məqsədləri üçün nəzərdə tutulmayan mallara görə ödənilən əlavə dəyər vergisinin qaytarılması sisteminin ("Tax Free") tətbiqi əmtəə dövriyyəsinin artması ilə nəticələnməlidir. Geri qaytarılmış əlavə dəyər vergisinin məbləğinin isə, ticarətdə iqtisadi aktivliyin artması fonunda əldə ediləcək mənfəətdən (gəlirdən) tutulan vergilər hesabına kompensasiya ediləcək.

Layihənin 1.5-ci maddəsi isə Vergi Məcəlləsinin 194.1-ci maddəsinə ikinci cümlənin əlavə edilməsini nəzərdə tutur. Bu müddəa aksizli mallar üzərində vergi nəzarətinin gücləndirilməsi, aksiz vergisi tutulan (o cümlədən idxal olunan) mallara aksiz markalarının tətbiqi qaydalarının, habelə aksiz markalarının hazırlanmasına dair sifarişin verilməsi, onların satışı və uçotunun aparılması qaydalarının təkmilləşdirilməsi məqsədini daşıyır. Qanun layihəsi səsə qoyularaq qəbul edilib.

44
Teqlər:
"Tax Free", vətəndaşlığı olmayan şəxs, əlavə dəyər vergisi, ƏDV, əcnəbi, Vergi Məcəlləsi, Milli Məclis
Əlaqədar
Əcnəbilərin Azərbaycanda yaşama şərtləri dəyişdirildi
"Əcnəbilər şəhərimizin tam simasını görə biləcəklər"
Azərbaycan XİN əcnəbi jurnalistlərə xəbərdarlıq etdi
Əcnəbi jurnalistlər Azərbaycanın cəbhə bölgəsinə yolandılar
Azərbaycandakı əcnəbilər barədə maraqlı statistika

Zəngilan rayonunun Qaragöz kəndi - VİDEO

2
(Yenilənib 13:28 08.03.2021)
1993-cü ildə Ermənistan ordusu tərəfindən işğal olunan Qaragöz kəndini Azərbaycan Silahlı Qüvvələri 2020-ci il noyabrın 9-da erməni tapdağından xilas ediblər

BAKI, 8 mart — Sputnik. Azərbaycan Müdafiə Nazirliyi Zəngilan rayonunun Qaragöz kəndindən videogörüntülər yayıb.

Sputnik Azərbaycan görüntüləri təqdim edir.

Kənd Bəsitçayın sahilində, düzənlikdədir. Mənşəcə turkdilli inan tayfasının qaragöz qolunun adındandır. Hazırda qaragözlülör İranın Fars əyalətində inanlı tayfa birləşməsinin tərkibində yaşayırlar.

1993-cü ildə Ermənistan ordusu tərəfindən işğal olunan kəndi Azərbaycan Silahlı Qüvvələri 2020-ci il noyabrın 9-da erməni tapdağından xilas ediblər.

2
Teqlər:
Azərbaycan Müdafiə Nazirliyi, video, kənd, Zəngilan, Azərbaycan, Qarabağ
Polis əməkdaşı Qarabağda, arxiv şəkli

Qarabağa icazəsiz gedən azərbaycanlılar saxlanıldılar - FOTO

5
Polisin saxladığı şəxslər barəsində İnzibati Xətalar Məcəlləsinin müvafiq maddələri ilə tədbirlər görülüb.

BAKI, 8 mart - Sputnik. Səhərə yaxın Füzuli rayonu ərazisində polis işçilərinin sayıqlığını yoxlamağa cəhd edənlər saxlanılıblar. 

Daxili İşlər Nazirliyindən Sputnik Azərbaycan-a verilən məlumata görə, martın 7-də gecə saat 5 radələrində DİN-in polis əməkdaşları və Daxili Qoşunların hərbi qulluqçuları tərəfindən Füzuli rayonunun işğaldan azad olunmuş kəndlərinə nəzarət postlarından kənar yollarla daxil olmağa cəhd göstərən 2 avtomobildə olan 4 nəfər saxlanılıb və aidiyyəti üzrə Füzuli RPŞ-yə gətirilib.

© AR Ministry of Internal Affairs
İşğaldan azad edilmiş ərazilərə qanunsuz keçməyə çalışan Beyləqan sakinləri

Araşdırmalarla onların Beyləqan rayonunun 1-ci Şahsevən kənd sakinləri S.Teymurlu, H.Şirinov, C.Əşrəfli və F.Əbilov olmaları müəyyən edilib. Aşkar edilən həmin şəxslər barəsində İnzibati Xətalar Məcəlləsinin müvafiq maddələri ilə qanunamüvafiq tədbirlər görülüb.

Qeyd edək ki, DİN müvafiq icazə almadan, eləcə də nəzarət postlarından kənar yollarla işğaldan azad edilmiş ərazilərə mülki şəxslərin keçmələrinin onların həyat və sağlamlıqları üçün ciddi təhlükə olması və buna görə də belə hərəkətlərdən çəkinmələri barədə dəfələrlə xəbərdarlıq edib.

5
Teqlər:
Beyləqan, Füzuli, işğaldan azad edilmiş ərazilər, Qarabağ
Türkiyə hərbi helikopter, arxiv şəkli

Amerika Türkiyə ilə Pakistanın işinə qarışdı, müqaviləyə qadağa qoydu

0
(Yenilənib 13:54 08.03.2021)
2018-ci ilin iyulunda Türkiyə ilə Pakistan 30 ATAK zərbə vertolyotunun tədarükü barədə razılaşma imzalamışdı. Bu, müdafiə sənayesi sahəsində birdəfəlik tədarük üzrə Türkiyənin ən böyük müqavilələrindən hesab olunurdu

BAKI, 8 mart - Sputnik. ABŞ Türkiyənin 30 ədəd ATAK zərbə vertolyotunun Pakistana tədarükünə mane olub. Böyük ehtimalla həmin vertolyotları Çin alacaq. 

S-400 zenit-raket sistemi, arxiv şəkli
© AFP 2021 / DIMITAR DILKOFF

Sputnik Azərbaycan bildirir ki, bu barədə Türkiyə Prezidenti Rəcəb Tayyib Ərdoğanın sözçüsü İbrahim Kalın Bloomberg-ə Rusiyadan alınan S-400 ZRK-ya görə ABŞ-ın Türkiyəyə tətbiq etdiyi sanksiyalar barədə danışarkən deyib. 

2018-ci ilin iyulunda Türkiyə ilə Pakistan 30 ATAK zərbə vertolyotunun tədarükü barədə razılaşma imzalamışdı. Bu, müdafiə sənayesi sahəsində birdəfəlik tədarük üzrə Türkiyənin ən böyük müqavilələrindən hesab olunurdu. Dəyəri 1,5 milyard dollar qiymətləndirilən müqavilə Türkiyənin Rusiyadan S-400 ZRK aldığına görə ABŞ-ın qardaş ölkəyə mühərriklərin ixracına lisenziya verməkdən imtina etməsi səbəbilə gerçəkləşməyib. Türkiyə hazırda vertolyot mühərriklərinin işlənib-hazırlanması üzrə iş aparır.

"ABŞ bizim Pakistana vertolyot satmaq planımızı yarıda qoydu. Bunun nəticəsində, tender, çox güman ki, Çinə qismət olacaq, uduzan isə ABŞ olacaq", - Kalın söyləyib.

Kalın xatırladıb ki, Türkiyə ABŞ-ın Patriot sistemini almaq istəsə də, ABŞ-dan təsdiq cavabı gəlməmişdi. Türkiyənin NATO-dakı digər tərəfdaşı Fransa isə Еurosаm fransız-italyan konserninin HHM sistemi üzrə Ankarayla aparılan danışıqları Suriya məsələsinə görə dondurmuşdu.

"Türkiyə Rusiya ilə fikir ayrılıqlarını konstruktiv dialoq sayəsində həll edir, eyni işi ABŞ-la da görə bilərik", - Türkiyə Prezidentinin sözçüsü deyib.

 

0
Teqlər:
İbrahim Kalın, sanksiya, müqavilə, tədarük, vertolyot, helikopter, Pakistan, Türkiyә, ABŞ