Minsk-Bakı videokörpü

Belarusda möhtəşəm Azərbaycan günü

107
(Yenilənib 14:24 14.06.2016)
Belarus Opera və Balet Teatrında SSRİ Xalq artisti Polad Bülbüloğlunun "Eşq və ölüm" baletinin premyerası baş tutacaq

Belarusda möhtəşəm Azərbaycan günü
BAKI, 10 iyun — Sputnik. İyunun 9-da Belarusun Opera və Balet Teatrında "Eşq və ölüm" baletinin son məşqləri olub. Bunu Azərbaycanın Rusiyadakı səfiri, SSRİ Xalq artisti Polad Bülbüloğlu "Eşq və ölüm" baletinin premyerasına həsr olunmuş Minsk-Bakı videokörpüsündə deyib.
Minsk-Bakı videokörpüsü
© Sputnik / Murad Orujov

Onun sözlərinə görə, teatrın rəhbərlik və işçiləri əsərin hazırlanmasına böyük diqqətlə yanaşıblar. Möhtəşəm dekorasiyalar qurulub, geyimlər, eləcə də əsas rolları ifa edən üç heyət ayrılıb.

Səfir qeyd edib ki, bir neçə il əvvəl həmin teatrda onun müəllimi, görkəmli Azərbaycan bəstəkarı Qara Qarayevin əfsanəvi "Yeddi gözəl" baleti səhnələşdirilib: "Orada bu yaradıcı əməkdaşlığın davam etdirilməsi ideyası yarandı. Azərbaycan tərəfi mənim baletimi təklif etdi, və bir il sonra o, səhnələşdirildi. Mən fəxr edirəm ki, mənim baletim müəllimimin əsərindən sonra səhnəyə qoyulacaq".

Polad Bülbüloğlunun sözlərinə görə, münaqişələrin həllində, xalqlar arasında əlaqələrin dərinləşməsində mədəniyyətin rolu böyükdür: "Bəzən mədəniyyətin, dialoqun və bu kimi tədbirlərin rolunu tam dəyərləndirmirlər. Bu insanlar öz istedad və yaradıcılıqları ilə bütün insanları, mədəniyyətləri və xalqları birləşdirirlər. Heç bir təcrid olunmuş mədəniyyət inkişaf edə bilməz. O, mütləq digər mədəniyyətlərlə əlaqədə olub, öz yaxşı xüsusiyyətləri ilə bölüşməli, onda olmayanları isə digər mədəniyyətlərdən götürməlidir".

Tədbirdə çıxış edən musiqişünas və diplomat Nigar Axundova "Eşq və ölüm" baletini möhtəşəm hədiyyə adlandırıb: "Xatırlatmaq istəyirəm ki, 11 iyun tarixində Azərbaycan və Belarus arasında diplomatik əlaqələrin qurulması günündən 23 il keçir. Mən inanıram ki, keçiriləcək premyera bu tarix üçün möhtəşəm bir hədiyyə olacaq", — deyə o bildirib.

Belarus haqda çox müsbət fikirlər bildirən tanınmış bəstəkar Fərhad Bədəlbəyli Polad Bülbüloğlunu "Eşq və ölüm" baletinin premyerası münasibətilə təbrik edib: "Sabah mənim üçün bayram olacaq, çünki dostumun əsərinin premyerası keçiriləcək. Bu, bütün MDB məkanında böyük bir bayram olacaq. Dostumu premyera münasibərilə təbrik edirəm. Azərbaycandakı və dünyadakı dostlarımı da bu bayrama dəvət edirəm. Minskə gəlin, bura çox gözəl şəhərdir".

Qeyd edək ki, Sputnik Mətbuat Mərkəzində keçirilən Minsk-Bakı videokörpüsündə 11 iyun 2016-cı il tarixində Minskdə keçiriləcək MDB ölkələrinin humanitar mükafatı olan "Birlik ulduzları"nın təqdim ediləcəyi tamaşanın premyerasından söhbət açılıb.

107
Teqlər:
Nigar Axundova, Qara Qarayev, "Eşq və ölüm", Fərhad Bədəlbəyli, Belarus, Polad Bülbüloğlu, Opera və Balet Teatrı, Azərbaycan
Əlaqədar
"İnsanları məcburi şəkildə teatra aparmaq savabdır"
"Regionda Rusiyanın rolu böyükdür"
"Şərq dünyasında ilk baleti Əfrasiyab Bədəlbəyli yazıb"
"Minskə gəlin, bura çox gözəl şəhərdir"
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

16
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

16
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN