Fazil Mustafa

Fazil Mustafa: "Onlara "satqın şərəfsiz" demək haqqını özümdə saxlayıram!"

118
(Yenilənib 15:48 03.06.2016)
Milli Məclisin deputatı Bundestaqın türk əsilli deputatlarını sərt tənqid etdi: "Almaniya Bundestaqında Türk adı altında ermənilərə dəstək verən, saxta "soyqırım"ın lehinə səs verən bu ləyaqətsizləri tanıyın"

BAKI, 3 iyun-Sputnik. "Almaniya Bundestaqında Türk adı altında ermənilərə dəstək verən, saxta soyqırımın lehinə səs verən bu ləyaqətsizləri hansı beynəlxalq tədbirdə görsəm, bunlara yaxınlaşıb "satqın və şərəfsiz" demək haqqını özümdə saxlayıram!"

Sputnik-in məlumatına görə, bu fikri Milli Məclisin deputatı, Böyük Quruluş Partiyasının sədri Fazil Mustafa öz facebook hesabında yayımlayıb.

Millət vəkili yazıb:

"Almaniya Bundestaqında Türk adı altında ermənilərə dəstək verən, saxta soyqırımın lehinə səs verən bu ləyaqətsizləri tanıyın:
1. Cem Özdemir
2. Cemile Yusuf
3. Mahmut Özdemir
4. Aydan Özoğuz
5. Metin Hakverdi
6. Cansel Kızıltepe
7. Gülistan Yüksel
8. Ekin Deligöz
9. Özcan Mutlu
10. Sevim Dağdelen
11. Azize Tank
Hər hansı beynəlxalq tədbirdə görsəm, bunlara yaxınlaşıb "satqın və şərəfsiz" demək haqqını özümdə saxlayıram!!!"

Xatırladaq ki, Almaniya Bundestaqının deputatları dünən "1915-1916-cı illərdə Osmanlı imperiyasında ermənilərin və digər xristian azlıqların soyqırımının anılması" adlı qətnamə qəbul ediblər. Qətnamədə 1915-ci ildə Osmanlı imperiyasında baş verən hadisələr "ermənilərə qarşı cinayət" kimi qiymətləndirilib.

Qətnamə deputatların əksəriyyətinin səsini qazanıb. Alman deputatlardan sadəcə biri qətnamənin "əleyhinə" səs verib, bir nəfər isə səsvermədən imtina edib. Bundestaqın türk deputatlarının hamısı qətnamənin lehinə səs veriblər.

Sözügedən sənəd "Yaşıllar" partiyasının təşəbbüsü ilə hazırlanıb və Bundestaqın hakim çoxluğu tərəfindən müzakirəyə çıxarılaraq birmənalı şəkildə dəstəklənib.

118
Mövzu:
Almaniyanın qondarma "erməni soyqırımını" tanıması (10)
ABŞ bayrağı, arxiv şəkli

ABŞ-ın Bakıdakı Səfirliyi terror təhlükəsi haqda xəbərdarlıq edib: Bu otellərdən uzaq olun

64
(Yenilənib 22:35 24.10.2020)
Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

BAKI, 24 oktyabr — Sputnik. ABŞ-ın Azərbaycandakı Səfirliyi, "Abşeron J.W. Marriott" kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib.

Sputnik Azərbaycan səfirliyin rəsmi saytına istinad edərək xəbər verir ki, ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, bir müddət əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq edib.

64

Hikmət Hacıyev: “Ermənilərin hədəfi kənd mülki şəxslər idi”

17
(Yenilənib 21:17 24.10.2020)
Tərtər rayonunun Kəbirli kəndinə raket atılması nəticəsində 2004-cü il təvəllüdlü İsmayılzadə Orxan Rəhbər oğlu həlak olub.

BAKI, 24 oktyabr — Sputnik. “Günün fotosu. Ermənistan tərəfindən atılan raketin zərərsizləşdirilməsi. Kəndə yaxınlaşdı. Hədəf kənd və mülki şəxslər idi. Çox güman ki, gözlənilən trayektoriyadan kənara çıxdı. Ermənistanın müharibə cinayətləri”.

Sputnik Azərbaycan xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün twitter səhifəsində yazıb.

17
Mövzu:
Azərbaycan və Ermənistan arasında müharibə

Ermənistan ordusunun döyüş texnikaları məhv edilib VİDEO

0
Rəşadətli Azərbaycan Ordusu tərəfindən işğalçıların döyüş texnikalarının məhv edilməsi davam etdirilir.

Ermənistan silahlı qüvvələrinin döyüş texnikaları məhv edilib.

Bu barədə Sputnik Azərbaycan-a Müdafiə Nazirliyindən bildirilib.

0
Mövzu:
Azərbaycan və Ermənistan arasında müharibə