Dünya Azərbaycanlılarının IV Qurultayı

Dünya azərbaycanlıları Bakıda bir araya gəliblər

66
(Yenilənib 13:09 03.06.2016)
Dünya Azərbaycanlıları Konqresinin IV Qurultayında 49 ölkədən 500-dən çox diaspor nümayəndəsi və qonaq iştirak edir. Qurultay öz işini iyunun 4-də yekunlaşdıracaq.

BAKI, 3 iyun — Sputnik. Bu gün Bakıda baş tutan Dünya Azərbaycanlılarının IV Qurultayı müstəqil dövlətimizin tarixində yadda qalan hadisədir. Bu barədə Sputnikə Diaspora ilə iş üzdə Dövlət Komitəsindən bildiriblər.

Komitədən verilən məlumata görə, qurultayda 49 ölkədən 500-dən çox diaspor nümayəndəsi və qonaq iştirak edir. Qonaqların içərisində xarici ölkələrin Azərbaycana dost münasibəti ilə tanınan nüfuzlu siyasətçiləri, ictimai xadimləri, elm adamları və bir neçə ölkənin yüksək vəzifəli şəxsləri, parlament üzvləri də var. 

Xaricdən dəvət edilən qonaqlarla yanaşı, Qurultayın işində Azərbaycanın müxtəlif dövlət və hakimiyyət strukturları, qeyri-hökumət təşkilatları, elm, təhsil, mədəniyyət və digər yaradıcı qurumların, siyasi partiyaların təmsilçilərindən ibarət 360 nəfərlik nümayəndə heyəti də iştirak edir.

Xaricdən dəvət edilən qonaqlarla yanaşı, Qurultayın işində müxtəlif dövlət və hakimiyyət strukturları,siyasi partiyaların təmsilçilərindən ibarət 360 nəfərlik nümayəndə heyəti də iştirak edir
© Photo : Azərbaycan Prezidentinin Rəsmi internet səhifəsi
Xaricdən dəvət edilən qonaqlarla yanaşı, Qurultayın işində müxtəlif dövlət və hakimiyyət strukturları,siyasi partiyaların təmsilçilərindən ibarət 360 nəfərlik nümayəndə heyəti də iştirak edir

Komitədən bildiriblər ki, rəsmi açılış mərasimindən sonra qurultay öz işini panel iclaslarla davam etdirəcək. İclaslarda diaspor rəhbərləri müasir dövrdə informasiya müharibəsi, bu sahədə yeni fəaliyyət mexanizmlərinin tətbiqi, Azərbaycan diaspor hərəkatında gənclərlə bağlı yeni strategiyanın hazırlanması, yeni qlobal iqtisadi tendensiyalar fonunda lobbi quruculuğu, cəmiyyətə inteqrasiya, siyasi həyatda iştirak və digər bu kimi əhəmiyyətli mövzularda fikir mübadiləsi aparacaq, rəy və təkliflərini səsləndirəcəklər.

Rəsmi açılış mərasimindən sonra qurultay öz işini panel iclaslarla davam etdirəcək
© Photo : AZƏRBAYCAN PREZİDENTİNİN RƏSMİ İNTERNET SƏHİFƏSİ
Rəsmi açılış mərasimindən sonra qurultay öz işini panel iclaslarla davam etdirəcək

Dünya Azərbaycanlılarının IV Qurultayında priotitet məsələlər Azərbaycan həqiqətlərinin dünya ictimaiyyətinə çatdırılması sahəsində qarşıda duran vəzifələr, təbliğat işində müasir metodların və informasiya texnologiyalarının tətbiqi, soydaşlarımızın hüquq və azadlıqlarının qorunması istiqamətində mövcud olan problemlər və onların həlli yolları, eləcə də digər məsələlər olacaq.

Tədbir çərçivəsində Azərbaycan diasporu nümayəndələrinin Azərbaycanın dövlət və hökumət strukturlarının rəhbərləri ilə görüşü də planlaşdırılır. Görüşdə xaricdə yaşayan soydaşlarımızın problemlərinin həlli ilə bağlı müvafiq dövlət strukturlarının üzərinə düşən vəzifələr müzakirə ediləcək.

Qurultay öz işini iyunun 4-də yekunlaşdıracaq.

66
Teqlər:
nümayəndə, dünya azərbaycanlıları, Dünya Azərbaycanlılarının IV Qurultayı, qurultay, Bakı
Əlaqədar
Rusiyadakı azərbaycanlıların biznesinə zərbə vuracaq qərar
Gürcüstan azərbaycanlılarından Prezidentə müraciət: "Qətiyyətli addım atmasanız..."
Azərbaycanlıların böyük əksəriyyəti Qarabağda sülhməramlıları görmək istəmir
Amerika azərbaycanlılarından Obamaya məktub: "Bu, böyük təhdiddir"
"Azərbaycanlılar böyük ekoloji fəlakətlə qarşı-qarşıyadırlar"
Sputnik dünya azərbaycanlılarını bayram münasibətilə təbrik edir
9 ayda azərbaycanlılar 148 ölkə ilə alver ediblər
Alimlər koronavirusdan vaksin tapmağa çalışırlar, arxiv şəkli

Azərbaycanda koronavirus əleyhinə vurulan vaksinlərin sayı açıqlandı

4
(Yenilənib 17:31 18.04.2021)
Ölkədə vurulan vaksinlərin ümumi sayı 1 33 73 61, birinci mərhələ üzrə vaksinasiya olunanların ümumi sayı 889 216, ikinci mərhələ üzrə vaksinasiya olunanların sayı isə 448 145 təşkil edir.

BAKI, 18 aprel - Sputnik. Azərbaycanda son sutkada koronavirus (COVID-19) əleyhinə 12 327 vaksin vurulub.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, bir gündə birinci mərhələ üzrə vaksinasiya olunanların sayı 9 860, ikinci mərhələ üzrə vaksinasiya olunanların sayı 24 67 nəfərdir.

Ölkədə vurulan vaksinlərin ümumi sayı 1 33 73 61, birinci mərhələ üzrə vaksinasiya olunanların ümumi sayı 889 216, ikinci mərhələ üzrə vaksinasiya olunanların sayı isə 448 145 təşkil edir.

4

Sabah ölkədə havanın temperaturu 29 dərəcəyədək yüksələcək

180
(Yenilənib 12:21 18.04.2021)
Tibbi-meteoroloji proqnoza görə, aprelin 19-da  Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

BAKI, 18 aprel - Sputnik. Aprelin 19-da Azərbaycanın bəzi yerlərdə havanın temperaturu 29 dərəcəyədək yüksələcək. 

Sputnik Azərbaycan Milli Hidrometeorologiya Xidmətinin məlumatına istinadla bildiri ki, sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Mülayim şimal küləyi gündüz cənub küləyi ilə əvəz olunacaq. Havanın temperaturu gecə  10-13 dərəcə, gündüz 19-24 dərəcə isti, Bakıda gecə 11-13 dərəcə, gündüz 20-22 dərəcə isti olacaq.

Atmosfer təzyiqi 761 mm civə sütunu təşkil edəcək. Nisbi rütubət gecə 70-80, gündüz 50-55 faiz olacaq. 

Aprelin 19-da  Azərbaycanın rayonlarında havanın əsasən yağmursuz keçəcəyi, lakin gündüz bəzi dağlıq ərazilərdə şimşək çaxacağı, qısamüddətli  yağış yağacağı ehtimalı var. Mülayim qərb küləyi  əsəcək. Havanın temperaturu gecə  10-15 dərəcə  isti, gündüz  24-29 dərəcə isti, dağlarda gecə 7-12 dərəcə isti,  gündüz 15-20,  bəzi yerlərdə 23-25 dərəcə isti olacaq.

Tibbi-meteoroloji proqnoza görə, aprelin 19-da  Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

180

Çexiya ilə Rusiya arasında diplomatik qalmaqal: Səfir XİN-ə çağırıldı

0
Səfir rəsmi Praqanın rus diplomatlarının ölkədən çıxarılması ilə bağlı qərarına etiraz bildirmək üçün XİN-ə dəvət edilib. 

BAKI, 18 aprel - Sputnik. Bu gün Çexiyanın Rusiyadakı səfiri Xarici İşlər Nazirliyinə çağırılıb.

Sputnik Azərbaycan RİA Novosti-yə istinadla xəbər verir ki, səfir rəsmi Praqanın rus diplomatlarının ölkədən çıxarılması ilə bağlı qərarına etiraz bildirmək üçün XİN-ə dəvət edilib. 

Bundan əvvəl diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0