Dini Qurumlarla İş üzrə Dövlət Komitəsinin sədri Mübariz Qurbanlı İranın Ali Rəhbərinin nümayəndəsi Ayətullah Müctəid Möhsün Şəbüstəri ilə Təbrizdə görüşüb

Xameneyinin nümayəndəsi: "Dağlıq Qarabağ Azərbaycana qaytarılmalıdır"

38
Dini Qurumlarla İş üzrə Dövlət Komitəsinin sədri İranda səfərdədir. Mübariz Qurbanlının Ali Dini Rəhbərinin nümayəndəsi Ayətullah Müctəid Möhsün Şəbüstəri ilə görüşündə önəmli açıqlamalar verilib.

BAKI, 24 may — Sputnik. "Bu gün dünyada baş verən münaqişələr multikulturalizm ideyalarını aktuallaşdırıb. Azərbaycan prezidenti İlham Əliyev 2016-cı ili ölkədə "Multikulturalizm ili" elan edib. Azərbaycan həmişə dünyada müxtəlif xalqların dinc və yanaşı yaşamasının tərəfdarı olub. Bu gün Azərbaycanda azsaylı xalqların mehribanlıq şəraitində yaşaması digər ölkələr üçün nümunədir".

Bu fikirləri Təbriz şəhərində səfərdə olan Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı, mayın 23-də İranın Ali Dini Rəhbərinin nümayəndəsi Ayətullah Müctəid Möhsün Şəbüstəri ilə görüşündə söyləyib. DQİDK-nın mətbuat xidmətindən Sputnik-ə verilən məlumata görə, Komitə sədri deyib: "Təəssüf ki, dünyanın bəzi regionlarında dini və etnik zəmində qarşıdurmalar mövcuddur və bu qarşıdurmalar nəticəsində minlərlə insan qətlə yetirilir. Silahlı qruplaşmalar İslam dini adından sui-istifadə edərək terrorçuluqla məşğul olurlar. Bunların qarşısını almaq üçün İslam dinini düzgün təbliğ etmək lazımdır".

"Azərbaycan xalqının Ümummilli Lideri Heydər Əliyev xalqın təkidli tələbi ilə ölkə rəhbərliyinə qayıtdıqdan sonra cəmiyyətdə, xüsusilə gənclər arasında milli-mənəvi dəyərlərin möhkəmlənməsini diqqət mərkəzində saxlayırdı. Azərbaycan xalqının mənəvi dəyərləri İslam dini üzərində formalaşıb. Uzun müddət Sovet İttifaqının ateizmi təbliğ etməsinə baxmayaraq, xalqımız dini dəyərlərini unutmayıb", — M. Qurbanlı vurğulayıb.

İslam dininin Azərbaycan xalqının dünyagörüşündə mühüm yeri olduğunu deyən Komitə sədri vurğulayıb ki, müstəqilliyin ilk illərində ölkəmizdə cəmi 17 məscid var idi: "Bu gün isə Azərbaycanda məscidlərin sayı 2050-yə çatıb. Prezident İlham Əliyevin təşəbbüsü ilə tikilib istifadəyə verilən Heydər məscidi möhtəşəmliyi ilə diqqəti cəlb edir. Bu məsciddə, eyni zamanda 7 min insan ibadət edə bilər".

Ermənistanın Azərbaycana qarşı təcavüzünə toxunan M.Qurbanlı deyib ki, erməni vandalları Şuşada, Ağdamda və işğal altında qalan digər rayonlardakı məscidləri dağıdıb, təhqir ediblər: "Ermənilər məscidləri dağıtmaqla yalnız Azərbaycana qarşı deyil, həmçinin, İslam dininə etiqad edənlərə qarşı təhqiramiz hərəkət ediblər. Bunlar cavabsız qalmamalıdır".

Dağlıq Qarabağın Azərbaycana məxsus olduğunu qeyd edən Ayətullah Şəbüstəri bildirib ki, işğal olunan torpaqlar qaytarılmalıdır. O, dünyada müsəlmanlara qarşı ayrı-seçkiliyin mövcud olduğunu deyib, İslam həmrəylinin zəruriliyini vurğulayıb.

Qeyd edilib ki, gənclərin düzgün yönləndirilməsi onların radikal qruplaşmalara qoşulmasının qarşısını ala bilər. Azərbaycanda məscidlərin bərpasını və dini dəyərlərin qorunmasını yüksək qiymətləndirən Ayətullah Şəbüstəri qonşu və dost ölkənin inkişaf etməsinin sevindirici olduğunu bildirib.

38
Teqlər:
Ayətullah Müctəid Möhsün Şəbüstəri, multikulturalizm, Mübariz Qurbanlı, Dini Qurumlarla İş üzrə Dövlət Komitəsi, İran, Ermənistan, Azərbaycan
Əlaqədar
"Dini radikalizmə qarşı mübarizəni gücləndirməliyik"
Azərbaycanda qeydiyyatdan keçmiş neçə dini icma var?
"Dini ekstremizmə qarşı mübarizə haqqında" qanun I oxunuşdan keçib
Robert Sekuta: Azərbaycan dini tolerantlığın canlı nümunəsidir
Mehriban Əliyeva: tolerantlıq ənənələri bizim ölkədə indi də yaşayır

Qarabağda sülhməramlılar üçün cür şərait yaradılır - VİDEO

3
(Yenilənib 16:31 04.03.2021)
Arxa cəbhədə işləyən mütəxəssislər, Qarabağda hərbi xidmət göstərən rus sülhməramlıları üçün modul tipli şəhərciklər inşa edilib. Rusiya hərbi kontingentinin necə şəraitdə xidmət apardığını videoda izləyin.

Rusiya Müdafiə Nazirliyinin məlumatına görə, şəhərciklər Xankəndi və Xocavənddə inşa edilib.

Modul tipli qəsəbələr sülhməramlı heyətinin rahatlığı üçün məişət xidməti daşıyan bütün yaşayış şəraiti yaradılıb. Şəhərciklərin ərazisində istirahət məkanı, idman zalı, yeməkxana, camaşırxanalar, hamamlar və s. obyektlər var.

3

Azərbaycanda bir gündə 314 nəfər COVID-19-a yoluxub

7
Azərbaycanda indiyədək ümumilikdə 235647 nəfər koronavirus infeksiyasına yoluxub. Onlardan 229267 nəfər müalicə olunaraq sağalıb

BAKI, 4 mart — Sputnik. Azərbaycan Respublikasında koronavirus (COVID-19) infeksiyasına 314 yeni yoluxma faktı qeydə alınıb, 124 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

Azərbaycanda indiyədək ümumilikdə 235647 nəfər koronavirus infeksiyasına yoluxub. Onlardan 229267 nəfər müalicə olunaraq sağalıb, 3232 nəfər vəfat edib, aktiv xəstə sayı 3148 nəfərdir.

Ölkədə son sutka ərzində 9183, hazırkı dövrədək isə 2627991 test aparılıb.

7
Bakıda avtobus, arxiv şəkli

Daha bir avtobusda gediş haqqı "BakıKart" vasitəsilə ödəniləcək

0
(Yenilənib 17:30 04.03.2021)
Sərnişinlərin rahatlığı nəzərə alınaraq Yeni Günəşli qəsəbəsi üzrə zəruri ərazilərdə ümumilikdə 5 ədəd "BakıKart"ın balansını artırmaq üçün ödəmə pos-terminalları qoyulacaq.

BAKI, 4 mart — Sputnik. Martın 5-dən 64 nömrəli marşrut xətti ( "Neftçilər" m/s – Yeni Günəşli qəs. (D yaş.mas.) ) üzrə hərəkət edən avtobuslarda da gediş haqqı "BakıKart" vasitəsilə ödəniləcək. Sputnik Azərbaycan-a Bakı Nəqliyyat Agentliyindən verilən məlumata görə, bununla da gün ərzində orta hesabla 13.000 nəfərdən artıq sərnişinin rahat daşınması təmin olunacaq:

"Bütün digər xidmət sahələrində olduğu kimi sərnişindaşımalarda da nağdsız hesablaşmaların tətbiqi prioritet məsələlərdəndir. Dövlət başçısının tapşırığına uyğun olaraq son beş ildə bu istiqamətdə mühüm addımlar atılıb. Paytaxtın marşrut şəbəkəsində istismarda olan avtobusların 48 %-i nağdsız ödəniş sisteminə inteqrasiya edilib. Hazırda gündəlik olaraq 590 min nəfərə yaxın sərnişinin (ümumi sərnişinlərin 33%) nağdsız ödəmə sisteminin xidmətlərindən istifadə edir.

Nağdsız ödəniş sisteminin tətbiqi dövriyyənin şəffaflaşdırılması, vergi ödəmələrinin artırılması, əmək münasibətlərinin rəsmiləşdirilməsi, sürücülərin və digər çalışanların sosial rifahının yaxşılaşdırılması baxımından olduqca faydalıdır. Sərnişindaşımalarda təhlükəsizlik kimi vacib məsələlərin həlli baxımından əhəmiyyətli olan nağdsız ödəniş sistemi həmçinin bu sektorda sahibkarlığın inkişafında struktur və keyfiyyət dəyişikliyinə də müsbət təsir göstərməkdədir.

Sərnişinlərin rahatlığı nəzərə alınaraq Yeni Günəşli qəsəbəsi üzrə zəruri ərazilərdə ümumilikdə 5 ədəd "BakıKart"ın balansını artırmaq üçün ödəmə pos-terminalları qoyulacaq. İş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək".

0
Teqlər:
Bakı Nəqliyyat Agentliyi