Kredit götürmək istəyən şəxs evini girov qoymalı olacaq

Bundan sonra 1000 manat kredit götürmək istəyən şəxs 50 minlik evini girov qoymalı olacaq

311
(Yenilənib 15:06 18.05.2016)
Samir Əliyev: "Palatanın 1000 manatlıq kredit kartı üçün 40-50 min manatlıq evi girov qoymaq təşəbbüsü gülməli olmaqla yanaşı, həm də təhlükəlidir"

BAKI, 18 may — Sputnik. "Ölkədə nağdsız ödənişlər kəskin azalıb və proses bundan sonra da azalmaqda davam edəcək. Devalvasiyanın zərbəsinin fasadları aradan qalxmamış Maliyyə Bazarlarına Nəzarət Palatası nağdsız ödənişlərə növbəti zərbəni vurdu".

Sputnik-in məlumatına görə, bunu iqtisadçı-ekspert Samir Əliyev Maliyyə Bazarlarına Nəzarət Palatasının (MBNP) nağdsız ödənişlərlə bağlı verdiyi qərarı şərh edərkən deyib. Onun sözlərinə görə, Palata əvvəlcə xarici valyutada istehlak kreditinin verilməsini bir aylıq dayandırıb, sonra isə kredit şərtlərini ağırlaşdırmaqla vətəndaşların kreditə, o cümlədən kredit kartlarına əlçatanlığını pisləşdirib.

Samir Əliyev, iqtisadçı-ekspert
© Sputnik / Murad Orujov
Samir Əliyev, iqtisadçı-ekspert

"Proses belə davam edərsə, kredit kart istifadəçilərinin sayı kəskin azalacaq. Bu isə nağdsız ödənişlərin inkişafını tormozlayır. İlk devalvasiyadan bəri kredit kartlarının sayı 2 dəfəyədək azalaraq 1322 mindən 780 minə düşüb. Kredit kartlarının ümumi plastik kartlarda payı isə bu müddətdə 22%-dən 14%-ə düşüb. Əhalinin hər 12 nəfərinin cəmisi 1-nin cibində kredit kartı var. Bu gedişlə ancaq hər 20-ci şəxs kredit kartına malik ola biləcək. Halbuki devalvasiyadan əvvəl hər 7-ci şəxs kredit kartına malik idi", — S. Əliyev bildirib.

Ekspertin fikrincə, kredit kartlarının azalması həm onlarla aparılan əməliyyatların həcminə, həm də onların sayına mənfi təsir göstərib: "Kredit kartları vasitəsilə aparılan əməliyyatların həcmi ötən ilin I rübündə 644 milyon AZN olduğu halda 2016-cı ilin müvafiq dövründə 446 milyon AZN-ə düşüb. Belə kartlarla aparılan əməliyyatların sayı ötən ilin yanvar-mart aylarında 4761 olduğu halda bu ilin ilk üç ayında 2737-yə düşüb".

S.Əliyevin sözlərinə görə, devalvasiya ödəniş kartları vasitəsilə verilən istehlak kreditlərinin həcminə də mənfi təsir göstərib: "2015-ci ilin yanvar ayından, devalvasiyadan əvvəlki ay belə kreditlərin həcmi 685,2 milyon AZN olsa da, aprelin 1-i tarixinə 611 milyon AZN-ə düşüb. Son statistik məlumata görə, kredit kartları üzrə kreditlərin 362,7 milyon AZN-i milli, 248,3 milyon AZN-i isə xarici valyutaların payına düşür. Palatanın qəbul etdiyi qaydalardan sonra ən azı xarici valyutada olan kredit kartlarının sayı kəskin azalacaq".

"Çünki aylıq gəlirləri milli valyutada olan şəxslər xarici valyutada kredit götürə bilməyəcəklər. Bundan başqa milli valyuta kreditləri şərtlərinin ağırlaşdırılması ödəniş kart sahiblərinin sayını əhəmiyyətli dərəcədə azaldacaq", — iqtisadçı vurğulayıb.

Ekspertin fikrincə, Palatanın misal üçün, 1000 manatlıq kredit kartı üçün 40-50 min manatlıq evi girov qoymaq təşəbbüsü gülməli olmaqla yanaşı, həm də təhlükəlidir: "DTİ (borcun gəlirə nisbəti) əmsalının aşağı salınması, aylıq gəlir olaraq ancaq xalis gəlirin götürülməsi, yaşayış minimumun nəzərə alınması, zaminlərin kredit ötürənlərə bərabər tutulması və s. kimi məhdudlaşdırıcı qaydalar tezliklə bankomatların və POS terminalların xidmətinə ehtiyacı kəskin azalda bilər. Mərkəzi Bankın 2016-cı ilin II rübü üzrə statistik hesabatında bu azalma özünü daha qabarıq şəkildə göstərəcək. Ona görə də Palata qaydalara yenidən baxmalı, nağd kreditləşmədən fərqli olaraq ödəniş kartlar vasitəsilə kreditləşmə şərtlərini yumşaltmalıdır".

311
Teqlər:
Maliyyə Bazarlarına Nəzarət Palatası, Samir Əliyev, kredit, bank, girov
Əlaqədar
Dollar kreditləri ilə bağlı təkliflər paketi açıqlandı
AMB 1 milyard krediti kimlərə verib?
Şəhid hərbçilərimizin kredit borcları bağlandı
Banklara kredit qadağası nəyə hesablanıb?
Kredit faizlərinin aşağı salınmasını gözləyənlər, ümidlənməyin!
Kredit borclarının törətdiyi dəhşətlər
Qarğabazar kəndi

Tayfanı quşa "döndərən" dilimiz: Füzulinin Qarğabazarı indi necə görünür - VİDEO

3
(Yenilənib 14:10 22.01.2021)
Füzuli şəhəri oktyabrın 17-də, bütövlükdə rayon isə noyabrın 7-dək erməni işğalçılarından təmizlənib.

BAKI, 22 yanvar — Sputnik. Füzuli rayonunun Qarğabazar kəndindən videogörüntülər yayılıb.

Sputnik Azərbaycan Müdafiə Nazirliyinə istinadən görüntüləri təqdim edir.

Оrta əsrlərə bağlı qaynaqlarda kəndin adı Qarğabazarı yazılıb. 1727-ci ildə Оsmanlı qaynağında Qarğabazarı kəndinə aid bilgi var. Kənd Xırdapara-Dizaq mahalına bağlı idi. Qarğabazar kəndi öncə İbrahimxəlil xanın böyük oğlu Məhəmmədhəsən ağa Cavanşirin idi. Sonra onun oğlu Cəfərqulu xan idarə etməyə başladı. Mehdiqulu xan İrandan dönəndən sonra bu kəndin xəzinəyə bağlı rəiyyətlərindən bölərək Qasım bəy Məhəmmədxan bəy oğlu Hacılı-Cavanşirə, Əli bəy Mirzalı bəy oğlu Kəbirliyə və V. Q. Madatova verib.

Qarğabazar kənd adının mənşəyi ilə bağlı bəzi rəvayətlər mövcuddur. Deyilənə görə, burada böyük bir bazar olub. O, həddən artıq səs-küylü imiş. Elə bu səbəbdən də buraya gəlmiş tacirlər kəndin adını "qarğalıbazar" qoymuşlar (yəni buradakı qarışıq səslər qarğa-quş səs-küyünə bənzədilib).

1724-cü ildə Türkiyə dövlətinin göstərişi ilə tərtib olunmuş, Dağlıq Qarabağın Xəmsə adı ilə məşhur olan beş mahalından (1. Talış, 2. Gülüstan mahalı, 3. Xaçın mahalı, 4. Çiləbörd mahalı, 5. Dizaq mahalı) birində Xaçın mahalına mənsub olan kəndlər sırasında "Qarqar" kəndinin adı var. Mənbələrdən məlumdur ki, Qarqar tayfaları (Alban dövründə) indiki Mil düzündən tutmuş Qarabağın bütün bölgələrində yaşamışlar. Haqqında söhbət apardığımız "Qarğabazarı" kəndinin bu siyahıda məhz "Qarqar" deyil, "Qarğabazarı" kimi verilməsi, əlbəttə, burada bazarın olmasına işarədir. Kənd Xudafərin körpüsündən keçən Şəki-Qarabağ-Təbriz-Hindistan və s. istiqamətli, ipək ticarəti üçün çox əhəmiyyətli olan qədim karvan yolu üzərində yerləşir. Bu isə böyük bazarların yaranmasına səbəb olurdu. Söz yox ki, burada bazarın olması ilə əlaqədar olaraq sonralar kəndin adı "Qarqar bazarı" və ya "Qarqarlar bazarı" olub. Lakin zaman keçdikcə "Qarqar" və ya "qarqarlar" sözünün sonundakı "r" və "lar" hərfləri danışıq zamanı dildən düşüb və sadəcə olaraq kəndin adı "Qarqabazarı" kimi bizə gəlib çatıb.

Bu kənd təbii daş yataqları ilə zəngin olan İlanlı dağına çox yaxın olduğundan buradakı xalq yaşayış binaları lap qədimlərdən daşla bir və ya ikimərtəbəli tikilib. Kəndin salındığı yer dağətəyi olduğu üçün əksər evlərin birinci mərtəbələri yarımzirzəmi formadadır.

Xatırladaq ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb.

Düşmən tərəfindən yaşayış məntəqələrinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüblər.

Azərbaycan Ordusu əks-hücum əməliyyatı başlayandan sonra 44 gün ərzində Qarabağımız düşmən tapdağından azad olunub. Füzuli şəhəri oktyabrın 17-də, bütövlükdə rayon isə noyabrın 7-dək erməni işğalçılarından təmizlənib.

3
Teqlər:
video, kənd, Azərbaycan, Qarabağ, Füzuli
Distant təhsil, arxiv şəkli

Virtual dərslərə qoşulmayan müəllimləri hansı cəza gözləyir

1
"Təhsil Nazirliyinin mətbuata açıqlamasında virtual dərslərə qoşulmayan müəllimlərlə növbəti illərdə bağlanacaq əmək müqaviləsi zamanı bu amilin nəzərə alınacağı bildirilmişdi"

BAKI, 22 yanvar — Sputnik. "Virtual dərslərə girməyən müəllimlər nəzarətdə saxlanılırlar". Sputnik Azərbaycan-ın məlumatına görə, bu sözləri bu gün keçirilən brifinqdə Təhsil Nazirliyinin Ümumi və məktəbəqədər təhsil şöbəsinin müdiri Vəfa Yaqublu bildirib. Onun sözlərinə görə, həm şagirdlərin, həmçinin də müəllimlərin onlayn dərslərdəki davamiyyəti məktəblər tərəfindən nəzarətdə saxlanılır: "Düşünürəm ki, hər bir şəxs sosial məsuliyyətini dərk etməlidir. Bəzi müəllimlərin internetə çıxış imkanı yoxdur. Düzdür, biz müəllimlərin hər birini sistemdən görürük, amma hər biri ilə bağlı araşdırma mümkün deyil. Bir həftədə 6,2 milyon onlayn dərs verə bilmişik, bu kifayət qədər yaxşı dinamikadır".

Xatırladaq ki, Təhsil Nazirliyinin mətbuata açıqlamasında virtual dərslərə qoşulmayan müəllimlərlə növbəti illərdə bağlanacaq əmək müqaviləsi zamanı bu amilin nəzərə alınacağı bildirilmişdi.

1