Helikopter

Azərbaycan Rusiyadan yeni hərbi helikopterlər alıb

260
Yaxın 1 ildə Moskva Bakıya özüyeriyən artilleriya qurğuları, reaktiv atəş sistemləri və digər hərbi texnika satacaq. Ekspertlərin hesablamalarına görə, bu il ərzində Rusiyanın Azərbaycana satacağı silahların məbləği 1 milyard dollar təşkil edəcək.

BAKI, 21 apr — Sputnik. Azərbaycan mövcud hərbi-texniki əməkdaşlıq müqavilələri çərçivəsində "Rusiya helikopterləri" holdinqindən 6 hərbi-nəqliyyat "Mi 17B-1" helikopteri alıb. Sputnik-in xəbərinə görə, bu barədə Rusiyanın Kommersant qəzeti məlumat dərc edib.

Məlumata görə, "Rusiya helikorterləri" 2015-ci ilin maliyyə hesabatlarını açıqlayıb. Şirkət 2015-ci il ərzində 212 helikopter satıb ki, bu say əvvəlki illə müqayisədə 59 ədəd azdır. Lakin valyuta kurslarının kəskin dəyişməsi və ixrac sifarişləri ilə bağlı holdinq, gəlirlərini 50 milyard rubl, xalis gəlirini isə iki dəfə artıra bilib.

Holdinqin BMHS üzrə (Beynəlxalq Maliyyə Hesabatları Standartları) açıqladığı hesabata görə, 2015-ci ildə "Rusiya helikorterləri"nin gəlirləri 220 mlrd. rubl olub. Bunun da 177 mlrd. rublunu helikorterlərdən gələn gəlirlər təşkil edib, satışdan sonrakı xidmətlərin dəyəri isə 38,3 mlrd. rubl olub. EBITDA (Earnings Before Interest, Taxes, Depreciation and Amortization — faizlərin, vergilərin və amortizasiya xərclərinin çıxılmasından əvvəlki gəliri göstərən analitik göstərici) üzrə bu rəqəm 65,6 mlrd. rubla qədər, gəlir isə demək olar ki, 104% — 20,7 mlrd-dan 42,4 mlrd. rubla qədər artıb.

"Yüksək nəticələrin əldə olunmasına rublun devalvasiyası və valyuta ilə bağlanmış ixraca yönəlik sifarişlər portfeli təsir göstərib" — deyə holdinqin baş direktoru Aleksandr Mixeyev bildirib.

"Ъ" agentliyinin məlumatına görə, 2015-ci ildə "Rusiya helikopterləri" sifarişçilərə 212 helikopter satıb ki, onların da böyük əksəriyyəti hərbi sifarişlərdir. Hərbi-texniki əməkdaşlığın xətti ilə əvvəl bağlanmış müqavilələrə əsasən Hindistana Mi-17В-5 (23 ədəddən az olmayaraq) və 6 ədəd modernləşdirilmiş Ka-31 satılıb. İndoneziya, Banqladeş, Peru, İraq, Şri-Lanka və Kuba holdinqdən modifikasiya olunmuş "Mi-171" helikopterləri satın alıb. Cənubi Koreya 3 ədəd Mi-172 sərnişin helikopteri, Azərbaycan 6 ədəd hərbi-nəqliyyat "Mi 17B-1" helikopteri, Əlcəzair 6 ədəd ağır Mi-26T2 alıb.

2015-ci ildə "Rusiya helikopterləri"nin əvvəlki ilə nisbətən 59 ədəd az satılmasını Mixeyev dünya bazarında baş verən tendensiya ilə izah edib. Onun sözlərinə görə, hazırda dünyanın helikopter bazarında hərbi büdcələrin ixtisarı ilə əlaqədar olaraq potensial sifarişçilərin sayı azalıb.

"Biz düşünürük ki, bu proses hələ uzunmüddətli perspektivdə də davam edəcək. Bu fonda mürəkkəb beynəlxalq siyasi vəziyyət nəzərə alınmaqla biz satışların gələcək həcmini kifayət qədər mühafizəkar qiymətləndiririk və mülki təyinatlı maşınların satışının artımına ümid edirik", — deyə o bildirib.

"Ъ"-ın mənbəsi qeyd edib ki, 2015-ci ildə "Rusiya helikopterləri" satışdan sonrakı xidmət sistemini və xidmət mərkəzləri şəbəkəsini fəal şəkildə inkişaf etdirməyə başlayıb. Artıq Misir və İranda iki xidmət mərkəzi açıb. Analoji layihələr Çin, Peru, Hindistan, Qazaxıstan, Cənubi Koreya və Braziliyada həyata keçirilir.

"İstismarçılar hələ ki, istifadəyə yararlı olan köhnəlmiş helikopterləri sertifikatlaşdırılmış mərkəzlərdə təmir etdirməkdə maraqlıdırlar", — deyə Mixeyev bildirib.

Holdinqin məlumatına görə, 2015-ci ilin sifariş portfelində 494 helikopter var və onların qiyməti 396,1 mlrd. rubldur. 2016-cı ildə bu sifarişlərin hamısı 100% yerinə yetiriləcək. 2016-cı ildə məhsulların Çinə (Ka-32AА11VS və Mi-171E), Əlcəzairə (Ми-28NE), Pakistana (Mi-35M) və Serbiyaya (Mi-17V-5) göndərilməsi panlaşdırılır.

"Eksport voorujeniy" ("Silahların ixracı") jurnalının baş redaktoru Andrey Frolov hesab edir ki, Suriya və İraqdakı vəziyyət ola bilsin, helikopter bazarını silkələsin. Söhbət Rusiyada qadağan olunmuş, İŞİD terrorçuları ilə mübarizədə istifadə olunan Mİ-28H və Ka-52 helikopterlərinin bazarından gedir.

"Ola bilsin, onların fəaliyyəti bu məhsullara Yaxış Şərq ölkələri və MDB ölkələri bazarında tələbatı artırsın", — deyə Frolov bildirib.

Xatırladaq ki, bir müddət əvvəl Rusiya baş nazirinin müavini Dmitri Roqozin bəyan etmişdi ki, Rusiya Azərbaycana silah və hərbi texnika satmaqda davam edəcək. Roqozin müqavilədə nəzərdə tutulduğu kimi, 2017-ci ilə qədər bütün hərbi məhsulların Azərbaycana veriləcəyini deyib.

Yaxın 1 ildə Moskva Azərbaycana 3 T-90C batalyonu və 3 PDM-3 batalyonu (100 ədəd), həmçinin özüyeriyən artilleriya qurğuları, reaktiv atəş sistemləri və s. satacaq. Ekspertlərin hesablamalarına görə, bu il ərzində Rusiyanın Azərbaycana satacağı silahların məbləği 1 milyard dollar təşkil edəcək.

Azərbaycan 2000-ci illərdən başlayaraq Rusiyadan fəal şəkildə silahların alışına başlayıb. Bu sahədə ən irihəcmli müqavilə 2010-cu ilin əvvəllərində imzalanıb və onun həcmi 4 milyard dollardan çox olub.

Həmin müqaviləyə əsasən, Bakı 100-ə yaxın Т-90С, 100 PDM-3, 18 SAU 2C19М1 "Msta-S", 18 SAU 2S31 "Vena", 18 PСЗО 9А52 "Smerç", həmçinin 18 ağır odsaçan sistem ТОС-1А "Solntsepek", 10 ədəd "Xrizontema- C" özüyeriyən tank əleyhinə kompleks zirehli maşını, həmçinin 300 PZRK "İqla-С" 1500 raket döyüş kompleksi və böyük mühəndis-minaaxtaran texniki dəsti alıb.

Bununla yanaşı, Azərbaycana iki diviziya uzaqvuran zenit raket sistemi С-300, PMU-2 "Favorit" və bir neçə "Тор-М2Э" zirehli zenit kompleks batareyası verilib. Azərbaycan Silahlı Qüvvələri 60 ədəd Ми-17 nəqliyyat vertolyotları və 24 ədəd Ми-35М zərbə vertolyotları alıb.

260
Teqlər:
Rusiya, Azərbaycan, hərbi, "Rusiya helikopterləri" holdinqi, helikopter, hərbi-texniki əməkdaşlıq
Əlaqədar
Rusiyada sərnişin helikopteri qəzaya uğrayıb
ABŞ helikopteri qəzaya uğradı
Kəşmirdə Hindistan helikopteri qəzaya düşdü
HHQ döyüş helikopterlərinin uçuş-taktiki təlimləri keçirilib
Liviyada helikopter vuruldu
Azərbaycan-Türkiyə təlimlərinə yeni helikopter və təyyarələr qoşulub
ABŞ-da hərbi helikopter qəzaya uğrayıb

Qəbul imtahanlarında pulsuz iştirak edəcək vətəndaşların siyahısı genişləndirilib

6
Yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

BAKI, 7 may - Sputnik. Ali və orta ixtisas təhsili müəssisələrinə tələbə qəbulunu stimullaşdırmaq və əhalinin sosial müdafiəsini daha da gücləndirmək məqsədi ilə “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamında dəyişiklik edilib.

Bu barədə Dövlət İmtahan Mərkəzindən (DİM) məlumat verilib.

Dəyişikliyə əsasən “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli 2694 nömrəli Sərəncamının (Azərbaycan Respublikasının Qanunvericilik Toplusu, 2017, № 2, maddə 271) 1.2-ci bəndinin sonunda nöqtə işarəsi nöqtəli vergül işarəsi ilə əvəz olunub və aşağıdakı məzmunda 1.3 – 1.7-ci bəndlər əlavə edilib:

“1.3. Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqları;

1.4. şəhid ailəsinin üzvləri;

1.5. valideynlərini itirmiş və valideyn himayəsindən məhrum olmuş uşaqlar;

1.6. məcburi köçkün statusu olan şəxslər;

1.7. I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar.”.

Beləliklə, yeni Sərəncamla ali və orta ixtisas təhsili müəssisələrinə qəbul imtahanlarında iştirakı dövlət büdcəsinin vəsaiti hesabına həyata keçirilən kateqoriyaya aid vətəndaşların siyahısı daha da genişləndirilib.

Xatırladaq ki, “Azərbaycan Respublikasında ali və orta ixtisas təhsili müəssisələrinə tələbə qəbulu imtahanlarının təşkilinin tənzimlənməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 24 fevral tarixli Sərəncamına əsasən orta ixtisas təhsili müəssisələrinə və ali təhsil müəssisələrində ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı DİM-in keçirdiyi imtahanlarda iştirak etmək üçün Tarif (qiymət) Şurasının müəyyən etdiyi qiymətlərə uyğun olaraq, ümumi təhsil müəssisələrini bitirən aşağıdakı kateqoriyadan da olan Azərbaycan Respublikası vətəndaşlarının imtahanlarda iştirakı üçün tələb edilən məbləğin ödənilməsi dövlət büdcəsinin vəsaiti hesabına həyata keçirilir:

1.1. ilk dəfə orta ixtisas təhsili müəssisələrinə tələbə qəbulu ilə bağlı imtahanda iştirak üçün müraciət etmiş abituriyentlər;

1.2. ilk dəfə ali təhsilin bakalavriat (tibb təhsili üzrə əsas təhsil) səviyyəsinə tələbə qəbulu ilə bağlı imtahanda iştirak üçün müraciət etmiş abituriyentlər.

6
WhatsApp loqosu, arxiv şəkli

"Whatsapp"a tamam, yoxsa davam - sosial şəbəkəyə hansı məlumatlarımız lazımdır?

18
(Yenilənib 19:47 07.05.2021)
"Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox" - Fərid Pərdəşünas.

Nigar İsgəndərova, Sputnik Azərbaycan

BAKI, 7 may — Sputnik. "Whatsapp"la bağlı yayılan xəbərlər əslində səhv başa düşülür. Burada məlumatların ötürülməsindən söhbət getmir. 

Lakin istifadəçilər elə bilirlər ki, bu sosial şəbəkədəki şəxsi məlumatlar, video və fotolar yayılır, xeyr".

Bu barədə Sputnik Azərbaycan-a açıqlamasında texnobloger Fərid Pərdəşünas son günlər adıçəkilən sosial şəbəkənin idarəetmə sistemindəki dəyişikliklər, mesajların, şəxsi məlumatların yayılmasına münasibət bildirərkən deyib.

O, "Whatsapp" tərəfindən "Facebook"a ötürüləcək məlumatlara isə bu cür aydınlıq gətirib:

"Burada söhbət ad, soyad, şəxsin sonuncu dəfə onlayn olma vaxtı, sosial şəbəkədəki davranış tarixçələrindən gedir. Yəni şəxs hansı müddətdə bu sosial şəbəkəyə daxil olur və s. bu tip məlumatlar "Whatsapp" tərəfindən "Facebook"a göndərilir və reklam alətlərində, "Whatsapp Biznes"də bizneslərin optimallaşdırılması, hədəf auditoriyalarının müəyyən olunmasında istifadə olunacaq. Yəni fərdi məlumatların ötürülməsi ilə bağlı heç bir təhlükə yoxdur".

Həmsöhbətimiz deyir ki, bu proses illərdir belə davam etsə də, artıq sosial şəbəkə bunu rəsmi olaraq elan etməyə başlayıb: "Sosial şəbəkə istifadəçilərə öncədən bu haqda məlumat verir. Bu, əslində, belə olmalıdır və istifadəçilər bununla razılaşmalıdırlar. Bu səbəbdən düşünürəm ki, platforma dəyişməyə, başqa sosial şəbəkə platformasına axın etməyə, söz-söhbət yaratmağa ehtiyac yoxdur. Əgər bu şərtlərlə razılaşmaq istəmirsinizsə, o zaman "Telegram", "Signal" və bu kimi digər paltformalardan isitfadə etmək olar. Lakin bununla bilmək olmaz ki, həmin platformalar da gələcəkdə bu siyasətdən istifadə edəcək, ya yox".

18
Teqlər:
istifadəçi, ekspert, siyasət, yeni, "Whatsapp"
Qanvermə, arxiv şəkli

Mütəmadi olaraq qan vermək infarkt xərçəng riskini azaldır

0
(Yenilənib 23:15 07.05.2021)
Mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür.

BAKI, 7 may — Sputnik. Mütəmadi şəkildə qan vermək infarkt və xərçəng riskini azaldır, ürək-damar xəstəliklərinin qarşısını alır, xolesterolu və qandakı şəkərin səviyyəsini normallaşdırır. Bu barədə Türkiyə Səhiyyə Elmləri Universitetinin müəllimi, hematologiya üzrə mütəxəssis, professor Erdal Kurtoğlu Anadolu Agentliyinə müsahibəsində bildirib. Onun sözlərinə görə, qan vermək hüceyrələrin yenilənməsinə səbəb olur.

Donorlardan alınan qanın fərqli komponentlərə ayrıldığını bildirən professor qeyd edib ki, beləliklə, könüllü şəkildə verilən hər vahid qan eritrosit, trombosit və plazma şəklində üç nəfərin həyatını xilas edir.

Kurtoğlu onu da bildirib ki, qan vermək üçün maneə yaratmayan hər hansı bir sağlamlıq problemi olmayan 18-65 yaş arası hər kəs donor kimi qan verə bilər.

Temperaturun yüksəlməsi ilə müşayiət olunan xəstəlik keçirən insanlardan isə ən azı 2 həftə qan alınmamalıdır. Bundan başqa, cərrahiyyə əməliyyatı keçirənlərin, akupunktura, döymə, və pirsinq etdirənlərin də 12 ay ərzində donor kimi qan verməsi qadağandır.

"Kişilər 90 gündən bir, qadınlar isə 120 gündən bir donor kimi qan verə bilərlər", – deyə professor qeyd edib.

Mütəxəssis onu da bildirib ki, COVID-19-a qarşı peyvənd olunanlar da donor kimi qan verə bilərlər. Özü də bunun üçün peyvəndin üstündən müəyyən müddətin keçməsinə ehtiyac yoxdur.

Kurtoğlu qan donorluğunun insanlara mənəvi rahatlıq bəxş etdiyini də bildirib.

"Mütəmadi qan donorluğunu tövsiyə edirik. Çünki bunun infarkt və xərçəng riskini azaltması, qan-damar xəstəliklərinin qarşısını alması, xolesterolu və qan şəkərini balanslaşdırmasına dair tibbi məlumatlar mövcuddur. Bundan başqa, mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür. Ən əsası isə qan vermək, beləliklə də, insanlara faydalı olduğunu bilmək adama mənəvi rahatlıq bəxş edir", – deyə o vurğulayıb.

0