Azərbaycan Respublikasının Prezidenti İlham Əliyev

İkinci Dünya Müharibəsi iştirakçılarına maddi yardım ediləcək

44
(Yenilənib 19:19 20.04.2016)
Prezident sərəncam imzalayıb: İkinci Dünya müharibəsində Qələbənin 71-ci ildönümü ilə əlaqədar İkinci Dünya müharibəsi iştirakçılarına 1000 manat məbləğində yardım edilsin

BAKI, 20 apr — Sputnik. Azərbaycan Prezidenti İlham Əliyev 1941-1945-ci illər İkinci Dünya müharibəsi iştirakçılarına, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi haqqında sərəncam imzalayıb.

Sputnik-in məlumatına görə, sərəncamda qeyd olunur ki, 1941-1945-ci illər İkinci Dünya müharibəsində Qələbənin 71-ci ildönümü ilə əlaqədar İkinci Dünya müharibəsi iştirakçılarına 1000 manat məbləğində, İkinci Dünya müharibəsində həlak olmuş və ya sonralar vəfat etmiş döyüşçülərin dul arvadlarına, həmin dövrdə arxa cəbhədə fədakar əməyinə görə orden və medallarla təltif edilmiş şəxslərə, İkinci Dünya müharibəsi illərində döyüş cəbhələrinin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçilərinə, İkinci Dünya müharibəsi dövründə Leninqrad şəhərinin müdafiəsinə görə müvafiq medal və döş nişanı ilə təltif edilmiş şəxslərə, habelə Leninqrad şəhərinin mühasirəsi iştirakçılarına 500 manat məbləğində birdəfəlik maddi yardım verilsin.

Bu sərəncamın 1-ci hissəsinin icrası məqsədilə Azərbaycan Respublikasının 2016-cı il dövlət büdcəsində nəzərdə tutulmuş Azərbaycan Prezidentinin ehtiyat fondundan 9,0 (doqquz) milyon manat ayrılır. Maliyyə Nazirliyinə həmin vəsaitin Əmək və Əhalinin Sosial Müdafiəsi Nazirliyinin xüsusi hesabına köçürülməsini təmin etmək; Əmək və Əhalinin Sosial Müdafiəsi Nazirliyinə birdəfəlik maddi yardımın bu sərəncamın 1-ci hissəsində nəzərdə tutulmuş şəxslərə çatdırılmasını təmin etmək; Nazirlər Kabinetinə bu sərəncamdan irəli gələn məsələləri həll etmək tapşırılıb.

44
Teqlər:
maddi yardım, İkinci Dünya Müharibəsi, sərəncam, Prezident, İlham Əliyev
Mövzu:
Faşizm üzərində qələbə (6)
Əlaqədar
Əhməd Davudoğlu III Dünya Müharibəsindən danışdı
Beynəlxalq şərait Birinci dünya müharibəsi ərəfəsindəkindən pisdir
İkinci Dünya Müharibəsində ilk milli diviziyamız
Birinci Dünya müharibəsi
Yeni dünya müharibəsi olmayacaq, amma dəyərlər gözdən düşəcək