Следственный изолятор. Архивное фото

QHT rəhbəri dələduzluğa görə 10 il azadlıqdan məhrum edilib

50
(Yenilənib 10:49 13.04.2016)
Sosial şəbəkələrdə Azad Başbuğ adı ilə tanınan QHT rəhbəri dələduzluq ittihamı ilə azadlıqdan məhrum edilib.

BAKI, 13 apr — Sputnik. Azərbaycanda dələduzluqda təqsirləndirilən və özünü hüquq müdafiəçisi kimi təqdim edən şəxs haqqında məhkəmə hökm çıxarıb.

APA-nın xəbərinə görə,  Şirvan şəhərində fəaliyyət göstərən “Regional İnsan Hüquqları və Ekologiya Müdafiə Mərkəzi” İctimai Birliyinin sədri, 1970-ci il təvəllüdlü Azad Vəlyəddin oğlu İskəndərli Azərbaycan Respublikası Cinayət Məcəlləsinin 178.2.2 178.2.4 (dələduzluq), 182.2.2-ci (hədə-qorxu ilə tələb etmə) maddələri ilə təqsirləndirilib. Lənkəran Ağır Cinayətlər Məhkəməsində hakim Mehdixan Abdullayevin sədrliyi ilə keçən məhkəmənin qərarı ilə o, 10 il müddətinə azadlıqdan məhrum edilib.

A.İskəndərli daha əvvəl isə Cinayət Məcəlləsinin 182.1, 228.1, 228.4, 66.3-cü maddələri ilə təqsirləndirilərək 3 il 6 ay müddətinə azadlıqdan məhrum edilib.

A.İskəndərli özünü hüquq müdafiəçisi kimi təqdim edərək, hüquq təhsili olmadığı halda qanunsuz vəkil xidmətləri göstərməklə vətəndaşları aldatmaqda ittiham edilib.

İstintaq zamanı ittiham olunan şəxsin etibardan sui-istifadə etmə, aldatma və şantaj yolu ilə özgənin xeyli miqdarda əmlakını ələ keçirməklə təkrar dələduzluq və özgənin əmlakını hədə-qorxu ilə tələb etmə cinayətlərinin törətdiyi müəyyənləşdirilib.

A.İskəndərli 2008-ci ilin oktyabr ayında Şirvan şəhərində fəaliyyət göstərən “Sərvət” Şadlıq sarayının sahibi İbrahim Əli oğlu Qasımovdan 2500 manat borc pul alıb və qaytarmayıb. O, sahibkarı şantaj edərək hər ay 300 manat ödəməsini tələb edib. Ə.Məmmədov isə bununla razılaşmayıb.

Bundan başqa, A.İsgəndərli Salyan rayonunun Bəşirbəyli kənd sakini Seymur Çingiz oğlu Həşimovdan 1200 (min iki yüz) manat, Bakı şəhərinin Suraxanı rayon sakini Nazilə İskəndər qızın Dəmirovadan, onun övladları Simrand və İlkin Dəmirovlardan 4350 manat məbləğində pulu aldatma yolu ilə alıb.

Azad İskəndərlinin sosial şəbəkələrdə Azad Başbuğ adlı profili də var.

50
Qonaqlıq, arxiv şəkli

Əvvəllər yeyib-içənləri tuturdular, indi onun şəklini paylaşanları

2
(Yenilənib 12:35 13.08.2020)
Polis əməkdaşları tərəfindən orada iştirak etmiş 11 nəfər barəsində İnzibati Xətalar Məcəlləsinin müvafiq maddəsi ilə protokollar tərtib olunaraq cərimə ediliblər.

BAKI, 13 avqust — Sputnik. Saatlı rayonundakı fərdi yaşayış evlərinin birində bir qrup şəxs toplaşaraq yeyib-içmək məclisi təşkil edərək xüsusi karantin qaydalarını kobudcasına pozublar.

Sputnik Azərbaycan DİN-in Mətbuat Xidmətinin Bərdə regional qrupundan verilən məlumata istinadla xəbər verir ki, daha sonra həmin şəxslər təşkil etdikləri məclisin fotoşəkillərini çəkərək sosial şəbəkələrdə paylaşıblar. Saatlı RPŞ-nin əməkdaşlarının keçirdiyi tədbirlər nəticəsində yeyib-içmək məclisi təşkil edən həmin şəxslər müəyyən edilib. Polis əməkdaşları tərəfindən orada iştirak etmiş 11 nəfər barəsində İnzibati Xətalar Məcəlləsinin müvafiq maddəsi ilə protokollar tərtib olunaraq cərimə ediliblər.

2
İsmayıllıda aşkarlanan nadir tapıntılar

Prezidentin sərəncamı sərvətlərimizi üzə çıxardı

52
(Yenilənib 12:45 13.08.2020)
İcra başçısı: "Bu ərazi qədim görməli yerlərlə doludur. İstisna deyil ki, yerin altında bu bölgənin turizminin inkişafı üçün gələcəkdə istifadə edə biləcəyimiz oxşar qədim əlamətlər saxlanılır

BAKI, 13 avqust — Sputnik. İsmayıllıda yerin altında bu bölgənin turizminin inkişafı üçün gələcəkdə istifadə edə biləcəyimiz oxşar qədim əlamətlərin saxlandığı istisna deyil. Bu sözləri İsmayıllı rayonunun icra hakimiyyətinin başçısı rəhbəri Nahid Bağırov Sputnik Azərbaycan-a Basqal kəndi yaxınlığındakı qiymətli arxeoloji tapıntıdan danışarkən deyib. O qeyd edib ki, yerin alt qatında olan qədim sübutlar təsadüfən səthə çıxıb. O, bu kəşfin birbaşa prezidentin sərəncamının nəticəsi olduğunu bildirib.

Belə ki, prezident İlham Əliyevin sərəncamı əsasında İsmayıllı rayonunda Basqal–Qıçatan–Tağlabiyan-Kəlfərəc-Zeyvə–Kürdüvan–Xankəndi–Mücü–Sərsurə–Kələzeyvə–Sulut avtomobil yolunun tikintisinə başlanıb. Ağır texnika işə salınıb. Lakin yolun çəkilişi zamanı inşaatçılar divar aşkar ediblər. Divarın yanında "La ilahə İllalah" yazısı olan daş da aşkarlanıb. Nadir tapıntıların aşkar olunduğu ərazidə tikinti işləri dayandırılıb, ərazi nəzarətə götürülüb.

© Photo : Executive Power of Ismayilli region
İsmayıllı rayon icra hakimiyyətinin başçısı Nahid Bağırov

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin əməkdaşları ərazidə olublar, aşkar olunmuş maddi-mədəniyyət nümunələrinə baxış keçiriblər.

Yolun Kürdüvan kəndindən keçən hissəsində görülən işlər zamanı XI-XIII əsrlərə aid həndəsi, nəbati və zoomorf təsvirli şirli və şirsiz saxsı məmulatlar, şüşə qolbaq, sferokonus aşkar olunub. Ərazidən Elxanilər dövrünə aid müxtəlif pul vahidləri də tapılıb. Eyni zamanda həmin ərazinin yaxınlığında Antik dövrə aid xeyli sayda saxsı qablar və bəzək əşyaları aşkar olunub. Aşkar olunan maddi-mədəniyyət nümunələrindən birinin üzərində ərəbcə yazılar var.

© Photo : Executive Power of Ismayilli region
İsmayıllıda aşkarlanan nadir tapıntılar

Dövlət Xidmətinin rəis müavini Könül Cəfərova qeyd edib ki, ərazidə ilkin arxeoloji tədqiqat işlərinin aparılması nəzərdə tutulub. Arxeoloqların verəcəyi rəy əsasında daha geniş tədqiqat işlərinin aparılmasına qərar veriləcək.

Məsələ ilə bağlı aidiyyəti dövlət qurumlarına müvafiq rəsmi müraciətlər olunub. Artıq sözügedən ərazi məhdudlaşdırıcı giriş lenti ilə bağlanıb, mülki şəxslər və polis əməkdaşları tərəfindən mühafizəsi təmin olunub.

İcra başçısı Nahid Bağırov özü əmindir ki, bu cür tarixi artefaktlar yalnız rayonun xeyrinədir. Buradakı tarixi abidələrdən turizmin inkişafı üçün fəal şəkildə istifadə edilə bilər.

© Photo : Executive Power of Ismayilli region
İsmayıllıda aşkarlanan nadir tapıntılar

"Bu ərazi qədim görməli yerlərlə doludur. İstisna deyil ki, yerin altında bu bölgənin turizminin inkişafı üçün gələcəkdə istifadə edə biləcəyimiz oxşar qədim əlamətlər saxlanılır", - deyə İsmayıllı rayonunun icra başçısı bildirib.

Onu da qeyd edək ki, tarixçi-alim Sara Aşurbəyli "Şirvanşahlar dövləti" haqqında əsərində orta əsr mənbələrinə əsasən Kürdüvan əhalisini "Şirvanşahların xəzinə rəncbərləri" olaraq qeyd edib. Ehtimal edilir ki, bu ərazidə olan tikili həmin dövrlərə aid məscidin qalıqlarıdır. Xankəndi inzibati ərazi dairəsinə daxil olan Kürdüvanda orta əsrlərə aid məscid olduğu bildirilir. Yerli sakinlərin sözlərinə görə, həmin məscid məhz bu ərazidə yerləşib.

52
Elmi mərkəzdə seysmoqraf, arxiv şəkli

İstirahət mərkəzinin yaxınlığında yer silkələndi

0
Bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələlərin tədqiqatı bürosundan verilən məlumatda bildirilib.

BAKI, 13 avqust — Sputnik. Bu gün yerli vaxtla saat 09:21-də Pirqulu stansiyasindan 14 km cənub-qərbdə Ağsu ərazisində zəlzələ olub.

Bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələlərin tədqiqatı bürosundan Sputnik Azərbaycan-a verilən məlumatda bildirilib. Qeyd olunub ki, maqnitudası 3.7, dərinliyi 15 km olan təkanlar hiss olunmayıb. 

0