Пресс-конференция руководителей Международной ассоциации Израиль-Азербайджан АзИз

İsrail jurnalistlərinin Azərbaycan təəssuratları

94
(Yenilənib 12:49 11.04.2016)
İnsanların ruh yüksəkliyi, gənclərin nümayişləri, yürüşlər, bayraq və maşınlar - bütün bunlar İsrail jurnalistlərində dərin təəssüratlar yaradıb.

İsrail jurnalistlərinin Azərbaycan təəssuratları
BAKI, 8 apr — Sputnik. Azərbaycan və İsrail arasında qarşılıqlı səfərlər bundan sonra da davam edəcək. Bu haqda Sputnik-in Mətbuat Mərkəzində çıxış edərkən İsrail azərbayanlıları konqresinin sədri, xoş məramlı səfir Aleksander Şapiro-Suliman bildirib.

Onun sözlərinə görə, İsrail terrordan əziyyət çəkən və buna görə ona qarşı çıxış edən bir ölkədir. Səfir qeyd edib ki, yaxın gələcəkdə Azərbaycanlı jurnalistlərin və digər peşə sahiblərinin İsrailə səfəri gözlənilir.

Beynəlxalq Diaspora mərkəzinin rəhbəri İsmayıl Ağayev isə İsrail nümayəndə heyətinin Azərbaycana səfərlərinin təəssüratları haqda danışıb. Onun sözlərinə görə, nümayəndə heyətinin marşrutu əvvəlcədən planlaşdırılmışdı və cəbhədə vəziyyət kəskinləşən zaman onlar artıq təyyarədə olublar. Bu səbəbdən heyət üzvləri cəbhə bölgəsinə gedib hər şeyi öz gözləri ilə görə bilmədi.

Lakin buna baxmayaraq, İsrail jurnalistləri şəhərdə baş verənləri izləyə bildilər. "İnsanların ruh yüksəkliyi, gənclərin nümayişləri, yürüşlər, bayraq və maşınlar — bütün bunlar İsrail jurnalistlərində dərin təəssüratlar yaratdı" — deyə İsmayıl Ağayev bildirib. O, eləcə də qeyd edib ki, səfər çərçivəsində İsrail nümayəndə heyəti Azərbaycan rəsmiləri ilə görüşlər keçirib, Quba məzarlığı və digər yerləri ziyarət ediblər. Rəsmi görüşlərdə onlara hazırki vəziyyət haqda məlumatlar verilib.

Tədbir çərçivəsində İsrail jurnalistlərinin Azərbaycanda görüb-eşitdikləri haqda obyektiv məlumatlar yazacağı barədə ümidlər səslənib.

Qeyd edək ki, İsrail-Azərbaycan Beynəlxalq Assosiasiyasının rəhbərlərinin mətbuat konfransı İsrail jurnalistlərinin Azərbaycana səfərlərinin nəticələrinə həsr olunub. Tədbirdə İsrail jurnalistlərilə yanaşı Beynəlxalq Diaspora mərkəzinin rəhbəri İsmayıl Ağayev, İsrail azərbayanlıları konqresinin sədri, xoş məramlı səfir Aleksander Şapiro-Suliman, "Azİz" Beynəlxalq Assosiasiyasının baş direktoru Lev Spivak və İsrail Jurnalistlər və Dövri Mətbuat Birliyinin sədri İosef Frenkel iştirak ediblər.

94
Teqlər:
Beynəlxalq Diaspora mərkəzinin rəhbəri İsmayıl Ağayev, İosef Frenkel, Lev Spivak, 'Azİz' Beynəlxalq Assosiasiyasının baş direktoru Lev Spivak, Aleksander Şapiro-Suliman, səfir Aleksander Şapiro-Suliman, İsrail, Azərbaycan
İvan Tixonov

On nəfərə bir qələbə: Azərbaycanlı idmançıların Tokioda ilk günü

12
Tokio Olimpiadasında ilk yarış gününün nəticələrinə görə, medal sıralamasında üç qızıl və bir bürünc medal qazanan Çin birincidir.

BAKI, 24 iyul - Sputnik. Tokio Yay Olimpiya Oyunlarının ilk yarış günü azərbaycanlı idmançılar üçün uğursuz keçdi. Sputnik Azərbaycan bildirir ki, onlardan yalnız biri uğurlu start götürə bilib.

Cüdo

İlk məyusedici xəbərlər cüdodan gəldi. Kəramət Hüseynov (60 kq) və Aişə Qurbanlı (48 kq) ilk pillələrdən yarışdan ayrıldılar. Hüseynov öncə britaniyalı Eşli Makkenzini udub, gürcü Luxumi Çxvmianiyə uduzdusa, Qurbanova elə ilk görüşündəcə Katarina Koştaya (Portuqaliya) məğlub oldu.

Veloyürüş

Vaxtından əvvəl yarışı dayandıranlardan biri də velosipedçi Elçin Əsədov oldu. 234 km-lik şosse yürüşünün, demək olar ki, yarısını keçəndən sonra yıxıldı. 

Güllə atıcılığı

Snayperimizi Ruslan Lunyov da uğursuzluğa düçar oldu. 10 metrlik məsafəyə pnevmatik tapançadan atəşdə 20-ci yerə düşərək finala çıxa bilmədi. Ancaq birinci gün çıxış edən idmançılarımızın çoxundan fərqli olaraq, Lunyov hələ Oyunlarda iştirakını yekunlaşdırmayıb - 25 m-lik məsafəyə xırda kaliberli tapançadan atəş yarışında da qüvvısini sınayacaq. 

Üzgüçülük

 

Üzgüçülərimiz Maksim Şemberev və Məryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

 

Məryəmdən kimsə nəticə gözləmirdi, o, Beynəlxalq Federasiyanın kvotası ilə Olimpiadaya gəlib, Şemberev isə lisenziya normativini yerinə yetirmişdi və ən azı, onun yarımfinala çıxacağına ümid edirdik.

Boks

İdman həvəskarlarına ən böyük məyusluğu isə boks yarışları yaşatdı. Titullu idmançı, Riodakı 2016-cı il Olimpiadasının gümüş mükafatçısı Lorenso Sotomayordan (69 kq), heç olmasa, medallar uğrunda mübarizə gözlənilirdi, birinci dövrədən kənarda qalmaq yox. O isə 1/16 finalda Gürcüstan təmsilçisi Əsgərxan Madiyevə uduzdu. Görüşü üçüncü raundda Sotomayorun zədəsi səbəbindən (qanaxma) saxladılar, ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

57 kq çəki dərəcəsində çıxış edən boksçumuz - Tayfur Əliyev növbəti mərhələyə adlamağa layiq idi. Çünki 1/16 mərhələdə Vyetnam təmsilçisi Duaonq Van Nquenə qarşı yaxşı döyüşürdü. Ancaq hakimlər mübahisəli qərar verərək qələbəni vyetnamlının adına yazdılar (2:3).

 

Boksçumuz Məhəmməd Abdullayev (91 kq çəki dərəcəsi) isə Azərbaycan təmsilçiləri arasında Tokiodakı Olimpiadada qələbə qazanan yeganə idmançı oldu. 1/16 finalda o, Bəhreyn təmsilçisi Denis Latipovla görüşündən 3:1 hesabı ilə qalib ayrıldı. Düzdür, püşkatmada onun heç bəxti gətirməyib: növbəti mərhələdə o, dünya çempionu, Özbəkistan təmsilçisi Bahodir Calolovla görüşəcək. Bu görüş iyulun 29-da olacaq.

İdman gimnastikası 

Təmsilçilərimizdən Tokiodakı ilk yarış günündə sonuncu çıxış edən isə idman gimnastı İvan Tixonov oldu. O, təsnifatda 45-ci yer tutaraq, adını finala yazdıran 24 nəfərin arasına düşə bilmədi.

Medal hesabı

Tokio Olimpiadasında ilk yarış gününün nəticələrinə görə, medal sıralamasında üç qızıl və bir bürünc medal qazanan Çin birincidir. İkinci yerdə Yaponiya ilə İtaliya qərarlaşıblar: hərəyə bir qızıl və bir gümüş medal. İlk onluğa həmçinin 4. Koreya (1, 0, 2), 5. Macarıstan, Kosovo, Tailand, Ekvador, İran (1, 0, 0), 10. Serbiya, Rusiya (0, 1, 1) daxildir.

12
Teqlər:
atıcılıq, gimnastika, cüdo, şosse velosipedi, üzgüçülük, boks, idmançılar, azərbaycanlı, Tokio Yay Olimpiya Oyunları

Təhsil naziri müəllimlərin imtahanı ilə bağlı söz verdi

10
Təhsil naziri əmin edib ki, araşdırmaların nəticəsinə əsasən növbəti 3 gün ərzində müvafiq qərarlar qəbul ediləcək və ictimaiyyətə açıqlanacaq.

BAKI, 24 - iyul - Sputnik. Azərbaycanın Təhsil naziri Emin Əmrullayev müəllimlərin işə qəbulu ilə əlaqədar keçirilmiş imtahanlardan narazılıqlara dair açıqlama verib.

"2021-2022-ci tədris ili üzrə müəllimlərin işə qəbulu imtahanlarında namizədlərə təqdim olunmuş test tapşırıqları haqqında sosial mediada yayılmış narazılıqlardan məlumatlıyıq. Bunları nəzərə alaraq, ekspert komissiyası tərəfindən test tapşırıqlarının müxtəlif seanslar üzrə müqayisəli elmi-statistik təhlili aparılacaq", - deyə nazir sosial şəbəkə hesabında qeyd edib.

O əmin edib ki, araşdırmaların nəticəsinə əsasən növbəti 3 gün ərzində müvafiq qərarlar qəbul ediləcək və ictimaiyyətə açıqlanacaq.

 

Qeyd edək ki, imtahanda iştirak edən müəllimlər sosial şəbəkələrdə xüsusilə ədəbiyyatdan verilən sualların məzmunundan, ümumilikdə isə suallar üçün az vaxt ayrılmasından şikayət ediblər.

Eləcə də oxuyun:

10
Teqlər:
imtahan, işə qəbul, müəllim, Emin Əmrullayev, təhsil naziri, təhsil