CƏMİYYƏT
Cəmiyyətin həyatında baş verən aktual hadisələr

Bu kənddə ölülər də bayram edir

© Sputnik / Hikmet OrhunQazax rayonunun Yuxarı Salahlı kəndi isə bayramın qeyd ediləməsi baxımından daha unikal bölgədir
Qazax rayonunun Yuxarı Salahlı kəndi isə bayramın qeyd ediləməsi baxımından daha unikal bölgədir - Sputnik Azərbaycan
Abunə olmaq
Azərbaycanda ən unikal Novruz şənliyinin keçirildiyi bölgə: həmin axşam kişilər qadın paltarı geyinirlər

Hikmət Orhun, Sputnik Azərbaycan

Xalqımızın qədim adət-ənənələrindən olan Novruz bayramı Azərbaycanın hər bölgəsində özünəməxsus şəkildə keçirilir. Demək olar, təxminən hər yerdə eyni cür qeyd edilsə də, hər rayonda, hər kənddə, hər şəhərdə insanlar iddia edirlər ki, "biz yazın gəlişini, təbiətin oyanışını daha gözəl qarşılayır, daha gözəl naz-nemətlər tökürük süfrəmizin üstünə".

Buməta ziyarətgahı - Sputnik Azərbaycan
CƏMİYYƏT
Sirli ziyarətgah: onu böyük daşqından kim qorudu?

Son dövrlərdə o qədər hiss olunmasa da, dədə-babadan adət belədir ki, ömründə bir adama qapı açmayan adamlar belə, Novruz olanda, çiçəklərin burnu çırtlayanda, günəş doğanda qonaqpərvərliyini nümayiş etdirir, bir növ biri-biriləri ilə yarışa girirlər. Sözsüz, hər kəsə öz adət-ənənəsi, doğmalarının başına yığıldığı yurd-yuva daha maraqlı, daha xoşdur.

Rayonlar var ki, dirilər bir çürük qozla da anılmaz. Amma Novruzu hər zaman özünəməxsus şəkildə qeyd edən Qazax rayonunun Çaylı kəndində ölülərə də bu bayramdan pay düşür.

Səhər erkəndən qapı-qapı dolaşan kənd sakinləri gün boyu il ərzində rəhmətə gedən adamların ailəsinə başsalığı verir, bir növ ölü sahibinin dərdinə şərik olduqlarını göstərir, yasdan çıxarırlar. Ölü sahibləri isə ayaqüstü qapısına baş çəkib, dərdini bölüşən insanlara şirinlik paylayırlar.

© Sputnik / Hikmet OrhunNovruz bayramı Azərbaycanın hər bölgəsində özünəməxsus şəkildə keçirilir
Novruz bayramı Azərbaycanın hər bölgəsində özünəməxsus şəkildə keçirilir - Sputnik Azərbaycan
1/4
Novruz bayramı Azərbaycanın hər bölgəsində özünəməxsus şəkildə keçirilir
© Sputnik / Hikmet OrhunÖz adət-ənənələrinə sadiq qalan Yuxarı Salahlı kəndinin sakinləri Sovet illərində də Novruzu daha canlı, daha maraqlı keçirib.
Öz adət-ənənələrinə sadiq qalan Yuxarı Salahlı kəndinin sakinləri Sovet illərində də Novruzu daha canlı, daha maraqlı keçirib - Sputnik Azərbaycan
2/4
Öz adət-ənənələrinə sadiq qalan Yuxarı Salahlı kəndinin sakinləri Sovet illərində də Novruzu daha canlı, daha maraqlı keçirib.
© Sputnik / Hikmet OrhunMaraqlı bayramı izləmək, onun iştirakçısı olmaq üçün qonşu rayonlardan, hətta paytaxtdan da bura gələnlər olur.
Maraqlı bayramı izləmək, onun iştirakçısı olmaq üçün qonşu rayonlardan, hətta paytaxtdan da bura gələnlər olur - Sputnik Azərbaycan
3/4
Maraqlı bayramı izləmək, onun iştirakçısı olmaq üçün qonşu rayonlardan, hətta paytaxtdan da bura gələnlər olur.
© Sputnik / Hikmet OrhunGənc oğlanlar müxtəlif qadın paltarları geyinib, evlərə getməklə həm ev sahiblərini əyləndirir, həm də öz sevdikləri qızları yaxından görə bilirlər.
Gənc oğlanlar müxtəlif qadın paltarları geyinib, evlərə getməklə həm ev sahiblərini əyləndirir, həm də öz sevdikləri qızları yaxından görə bilirlər - Sputnik Azərbaycan
4/4
Gənc oğlanlar müxtəlif qadın paltarları geyinib, evlərə getməklə həm ev sahiblərini əyləndirir, həm də öz sevdikləri qızları yaxından görə bilirlər.
1/4
Novruz bayramı Azərbaycanın hər bölgəsində özünəməxsus şəkildə keçirilir
2/4
Öz adət-ənənələrinə sadiq qalan Yuxarı Salahlı kəndinin sakinləri Sovet illərində də Novruzu daha canlı, daha maraqlı keçirib.
3/4
Maraqlı bayramı izləmək, onun iştirakçısı olmaq üçün qonşu rayonlardan, hətta paytaxtdan da bura gələnlər olur.
4/4
Gənc oğlanlar müxtəlif qadın paltarları geyinib, evlərə getməklə həm ev sahiblərini əyləndirir, həm də öz sevdikləri qızları yaxından görə bilirlər.

"Qara bayram" deyilən Yel çərşənbəsində min ilin ölüləri ziyarət olunur, məzar daşları təmizlənir, evdə bişən şirniyyatdan sovqat aparılır, "Quran" oxudulur. Şahidi olanlar bilirlər ki, həmin gün qəbiristanlıqda insan əlindən tərpənmək olmur, az təminatlı ailələrdən və əsasən qaraçı tayfalarından olan uşaqlar qəbirlərin üzərinə düzülən şir-şirniyyatları yığırlar.

Qazax rayonunun Yuxarı Salahlı kəndi isə bayramın qeyd ediləməsi baxımından daha unikal bölgədir. Hələ sovet rejiminin adət-ənənələrimizə qadağalar qoyduğu dövrlərdə belə, öz adət-ənənələrinə sadiq qalan kənd sakinləri müstəqillik dövründən daha canlı, daha maraqlı keçirib Novruzu.

Bahar çiçəyi - Sputnik Azərbaycan
FOTO
Novruzgülü, bənövşə, qardələn - Zaqataladan bahar mesajları

Bu kənddə keçirilən bayram ölkənin dörd tərəfinə səs salıb. Kənd sakinlərinin dediyinə görə, bir neçə ildir, əvvəlki kimi keçirilməsə də, müəyyən qayda-qanunlar yenə də qalır.

Martın 21-i Yuxarı Salahlıda hər kəsin qapı-bacası açıq olur. Kənd əhli günortadan, fəxri-fəxarəti olan xalq şairi Səməd Vurğunun doğum gününü qeyd edir, şairin muzeyinə yığılan insanları şeirlə, sazla qarşılayıb, yola salır. Hava qaralandan sonra isə axşam keçiriləcək bayram şənliyinə tədarük görür, ocaq çatır. Zurna, nağara çağırır, məclis qurur.

Maraqlı bayramı izləmək, onun iştirakçısı olmaq üçün qonşu rayonlardan, hətta paytaxtdan da bura gələnlər olur. Kəndlilər bu özfəaliyyəti "Salahlı karnavalı" adlandırırlar.

Gənc oğlanlar müxtəlif qadın paltarları geyinib, evlərə getməklə həm ev sahiblərini əyləndirir, həm də öz sevdikləri qızları yaxından görə bilirlər. Kəndin hər tərəfində alovlanan bayram tonqalları isə xüsusi gözəllik verir. Səhər saatlarına qədər davam edən "Salahlı karnavalı" görənləri təəccübləndirir.

Xəbər lenti
0