Seyran Hüseynov, Rusiyada fəaliyyət göstərən Azərbaycan diasporunun liderlərindən biri

500 donbaslıya sahib çıxan azərbaycanlı

646
(Yenilənib 17:08 15.02.2016)
Seyran Hüseynov: "Rusiyanin zəngilinliyi xalqlar dostluğunda, tolerantlıqda və vətənpərvərliyindədir. Bu gün Avropa Şərq ölkələrindən gələn qaçqınların problemini həll edə bilmir. Amma Rusiyada 2 milyona yaxın qaçqın var"

BAKI, 15 fev — Sputnik. "Rusiya öz gücünü xalqlar dostluğu, tolerantlıq və vətənpərvərlik kimi dəyərlərdən alır". Bunu Sputnik-ə açıqlamasında, Rusiyada fəaliyyət göstərən Azərbaycan diasporunun liderlərindən biri, "Marsey" idman klubunun rəhbəri Seyran Hüseynov deyib.

Moskvadadkı Novo-Oqarevo prezident rezidensiyasında Liderlər Klubunun üzvləri ilə görüş zamanı Putinin söylədiyi "Vətənpərvərlik mili fikrin özəyidir. Vətənpərvərlikdən başqa birləşdirici fikir yoxdur" sözlərini dəyərləndirən iş adamı S.Hüseynov bildirib ki, Rusiyanı zəngin edən müxtəlif xalqlar arasındakı dostluq, dinlərarası dialoq, toerantlıq və vətənpərvərlikdir.

"Rusiya toplumunun bu gün birlik və bərabərlik içində olması çox əhəmiyyətlidir. Dolayisi ilə cənab Putinin bu fikrini dəstəkləyirik. Əslində Rusiyanın bügünkü inkişafı Putinin siyasətinin nəticəsidir", —deyə S. Hüseynov bildirib.

Dmitrovda "Marsey" idman klubunu yaratdığını deyən iş adamının sözlərinə görə, bu idman klibunda müxtəlif millətlərin nümayəmdələri məşq edirlər: "Bizdə "millət" sözü yoxdur. Bizdə sadəcə "Rusiya vətəndaşı" anlayışı var. Klubumuzda 200-ə yaxın idmançı yetişir. Bunlar arasında 5 Dünya çempionumuz var ki, onlar Rusiyanın idman şərəfini qoruyaraq, milli bayrağını yüksəklərə qaldırdı. Mənə görə vətənpərvərlik budur!".

"Bizim məqsədimiz də buna xidmət etməkdir. Bu idmançıların anaları, ataları dəfələrlə boynumuza sarılaraq bizə minnətdarlıq edirlər. Niyə? Çünki onlar övladlarının pis işlərlə deyil, idmanla məşğul olduqları üçün bundan məmnundurlar", —deyə həmsöhbətimiz vurğulayıb.

Ukraynanın şərqindəki Donbasda döyüşdən qaçaraq Rusiyaya pənah gətirən 500-ə yaxn qaçqına sahib çıxdığını bildirən S. Hüseynov, Dmitrovda 506 qaçqını qida və gündəlik məişət əşyaları ilə təmin edib. Bir neçə ailənin qalması üçün evinin qapılarını açıb.

"Rus dostlarımla birlikdə 100-ə yaxın qaçqına iş tapmasında yardım etdik. Bir azərbaycanlı kimi rus dostlarımla birlikdə ehtiyacı olan o qaçqınlara yardım etmək mənim üçün şərəfdir. Təbii ki, bu işin mənəvi tərəfi də var. Bu da insanlıq borcudur. Bu gün Avropa Şərq ölkələrindən gələn qaçqınların problemini həll edə bilmir. Amma Rusiyada 2 milyona yaxın qaçqın var. Rus xalqı insanpərvər xalqdır", —deyə biznesmen vurğulayıb.

1994-cü ildən Rusiyada yaşadığını deyən S. Hüseynovun sözlərinə görə, ən yaxşı dostları da, məhz rus xalqının nümayəndələridir: "Biz bir ailəyik. Ümumi olaraq Rusiyada yaşayan biz azərbaycanlılar Rusiya cəmiyyətinin ayrılmaz bir parçasıyıq. Rusiya cəmiyyəti zəhmətkeş insana çox dəyər verir. Əvvəllər televiziyalarda belə azərbaycanlılar haqqında pis danışırdılar. Bir mənfi imic formalaşmışdı. Amma bu gün Rusiya lideri Putinin siyasəti nəticəsində pis xalq imici təbliğatına son qoyulub. Bu gün məni daha çox sevindirən yeni nəsil azərbaycanlılarının burada təhsil almasıdır. Mən özüm 42 azərbaycanlı gəncin ali təhsil almasına yardım etmişəm. Düşünün, Dmitrov şəhərində 5 min azərbaycanlı yaşayır və bunların arasından 42 gəncin təhsil almasına bilavasitə yardımçı olmaq nə deməkdir".

Dmitrov şəhərində müxtəlif xeyriyyəçilik kampaniyalarında fəal iştirak etdiyini vurğulayan S. Hüseynov həbsxanadakı məhkumlara da yardım etdiyini deyir: "Qadın həbsxanalarında keçirilən gözəllik yarışmalarının sponsorluğunu üzərimə götürmüşəm. Kilsə ilə birlikdə xeyriyyəçi kampaniyalarda da yer almışıq. Rusiya Ortodoksal Kilsəsi buna görə dəfələrlə bizə təşəkkürünü bildirib. Biz Azərbaycan diasporu olaraq Rusiyada dinlərarası dostluğun yaranmasına bir balaca yardımımız olubsa, bu bizi çox sevindirir. Çünki bizlər güclü Rusiya ailəsinin ayrılmaz parçasıyıq".

646
Teqlər:
Seyran Hüseynov, "Marsey" idman klubu, Rusiyada fəaliyyət göstərən Azərbaycan diasporu, Rusiya
Əlaqədar
Azərbaycan diaspor təşkilatının sədr müavini intihar edib
Donbassda vəziyyət gərginləşsə, ABŞ əlavə vasitələrdən istifadə edəcək
Luqanskda azərbaycanlı iş adamı qətlə yetirilib
Xersonda və Krımda daha iki azərbaycanlı iş adamı öldürülüb

"Qafqazın Xirosiması" - fransız kanalı Ağdamı belə adlandırdı

12
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

12
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam
Füzuli rayonunda minaya düşən mülki avtomobil

Füzulidə minaya düşən şəxslərin meyitləri ailələrinə təhvil verilib

63
(Yenilənib 21:42 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

© Azerbaijan National Agency for Mine Action
Füzuli rayonunda minaya düşən mülki avtomobil

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

© Azerbaijan National Agency for Mine Action
Füzuli rayonunda minaya düşən mülki avtomobil

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

63
Teqlər:
mina, Füzuli rayonu, Füzuli, ANAMA