Ekoloji fəlakət

"Azərbaycanlılar böyük ekoloji fəlakətlə qarşı-qarşıyadırlar"

3088
Rasif Bağırov: Bu fəlakətlər təkcə təbiətdən deyil, həm də dövlətin və insanların özünün ekologiyaya münasibətindən irəli gəlir.

BAKI, 23 yan — Sputnik. “Azərbaycan insanı böyük ekoloji fəlakətlər burulğanındadır. Bu fəlakətlər təkcə təbiətdən deyil, həm də dövlətin və insanların özünün ekologiyaya münasibətindən irəli gəlir.”

Bu fikirləri qış aylarında respublika ərazisində anormal hava şəraitinin və bu fonda ümumi ekoloji durumun ölkə vətəndaşlarının səhhəttinə təsirini Sputnik-ə şərh edərkən həkim-ekspert Rasif Bağırov deyib. 

R.Bağırov ölkədəki qida təhlükəsizliyinə diqqət çəkərək deyib: “Biz ekoloji vəziyyəti tibbi nöqteyi-nəzərdən təhlil edərkən həm yaşadığımız mühiti, həm qidaları, həm də geyimlərin ekoloji vəziyyətini təhlil etməliyik. Əlbəttə havanın ekoloji təmiz, yaxud çirkləndirilmiş olması, rütubətli, yaxud quru olması və s. insanın səhhətinə öz təsirini göstərir. Bununla yanaşı Azərbaycanda insanlar üçün ən böyük təhlükəni qida təhlükəsizliyi sahəsindəki problemlər yaradır. Bu gün Azərbaycanda yediyimiz qidalar ekoloji cəhətdən təmiz deyil, tərkibində çoxlu kanserogen maddələr var ki, bu da müxtəlif xəstəliklərin, xüsusilə də şiş xəstəliklərinin – xərçəngin növlərinin artmasına gətirib çıxarır. Bu gün xərçəng xəstələrinin statistikasının qorxunc səviyyədə olması məhz ölkə əhalisinin qida təhlükəsizliyi ilə bağlıdır. Bu sahədə ictimai nəzarətin olmaması, dövlət qurumlarının bu sahəni gözardı etməsi, qida sahəsinin sadəcə gəlir əldə etmək məqsədi güdən inhisarların əlində olması və s. ölkə əhalisinin insan orqanizmi üçün ziyanlı, kimyəvi maddələrlə yüklənmiş, genləri dəyişdirilmiş qidalarla qidalanmasına səbəb olur. Eyni zamanda ölkədə süni qidaların bolluğu fonunda orqanik qida çatışmazlığı mövcuddur. Bu da nəticədə insan orqanizmində müxtəlif neqativ dəyişikliklərə, o cümlədən, genetik dəyişiklərə səbəb olur, insanların müxtəlif xəstəliklərə qarşı dözümlülüyünün, immunitetinin möhkəmlənməsini əngəlləyir.” 

Ekspert Çin və İrandan gətirilən keyfiyyətsiz geyimlərin də ekoloji fəlakətin bir hissəsi olduğunu qeyd edib: “Son zamanlarda geyimlər də müxtəlif xəstəliklərin daşıyıcıları funksiyasını yerinə yetirir. Çindən, İrandan keyfiyyəti aşağı olan, sintetik, kimyəvi maddələrlə qorunan geyimlər gətirilir. İnsanlar həm ucuz olduğu üçün, həm də bazarda başqa alternativlərin olmaması səbəbində bu aşağı keyfiyyətli geyimlərdən istifadə etməyə məcbur olurlar. Nəzərə alınmır ki, bu geyimlər müxtəlif xəstəliklərin potensial yaradıcılarıdır”. 

Rasif Bağırov son illərdə Bakı şəhərində aparılan təmir-tikinti və abadlaşdırma işləri zamanı da ekologiyaya ciddi ziyan vurulduğunu ifadə edib. “Binalar tikilərkən çox vaxt şəhərin “ağ ciyərləri” rolunu oynayan ağaclar kəsilib, yaşılıq məhv edilib. Eyni zamanda binaların sıxlığı şəhərdə havanın çirklənməsinə, tozun artmasına, havanın sirkulyasiyasının pozulmasına gətirib çıxarıb. Bu da müxtəlif xəstəlikləri, xüsusilə də ağ ciyər xəstəliklərini artırıb. Buna paralel olaraq da məişət tullantıları, maşınların hərəkəti zamanı ayrılmış zərərli qazlar da ekoloji vəziyyətin ağırlaşmasına səbəb olur. Kanalizasiya sularının nizamsız hərəkəti, yağışların yağmasından sonra Bakı kəndlərində yağış sularının toplanması, çürüməsi və s. nəticəsində də müxtəlif xəstəlikləri yaradan orqanizmlər çoxalır ki, bu da insana təsir edir. Bu gün Azərbaycanda zərərli tullantıları olan emal zavodlarının sayı azdır. Amma sadaladığımız digər faktorlar imkan verir ki, ölkədə yaşam göstəriciləri aşağı olsun.” – deyən ekspertin fikrincə, əslində bu hallarla mübarizə aparmaq mümkündür. Əgər dövlətdə normal ekologiya sistemi qurularsa, şəhərsalma ilə bağlı problemlər aradan qalxarsa, binaların tikintisi zamanı havanın sirkulyasiyası nəzərə alınarsa, qidalara, geyimlərə nəzarət olunarsa, ekoloji problemlər də azalar.

Sputnik-in “Sizcə ölkədəki bu ekoloji fəlakətlərin qarşısının alınmasında əsas ağırlıq kimin üzərinə düşür, dövlətin, yoxsa vətəndaşların?” sualına cavabında R.Bağırov deyib:  

“Azərbaycan kimi ölkələrdə insanların şüur səviyyəsi hələ o qədər yüksək deyil ki, onlar dövlət qarşısında, iş adamları qarşısında ekoloji tələblər qoysunlar. Avropada, Amerikada insanlar ekoloji məsələlərə çox diqqət yetirirlər və öz sağlamlarını tələblərinin 1-ci sırasına qoyurlar. Azərbaycanda isə buna fikir verilmir. Bu gün ölkəyə xaricdən 4-cü növ buğda unu və çörəyi gətirilir. Hansı ki, bu insan yox, heyvan qidasıdır. Eyni şeyi xaricdən gətirilən digər qida məhsulları, ət, yağ, düyü, kartof, konservləşdirilmiş məhsullar və s. haqqında da demək olar. Elə ölkəmizdə əkilən buğdalar da 3-4-cü növ buğdalardır. İnsanlar dövlətdən tələb etməlidirlər ki, onların sağlam qidalarla, sağlam geyimlə təchiz edilməsinə fikir versin. Yəni bizdə insanlar ekoloji standartlar uğrunda qətiyyən mübarizə aparmırlar. Və bu problemlərin qarşısını almaqda acizdirlər. Onların sərhəddən keçib gələn qidaların, geyimlərin, digər tələbat mallarının  keyfiyyətinə nəzarət etmək imkanları, bunun üçün lazım olan mexanizmləri yoxdur. İnkişaf etmiş ölkələrdə dövlət özü insanların sağlam qidalarla, geyimlə təchiz olunmasına, havanın çirklənməsinin qarşısının alınmasına diqqət yetirir. Və insanların da dövlətdən bu istiqamətdə tələbləri olur. Azərbaycanlılarınsa heç vaxt ağlına gəlmir ki, onun səhhətti, həyatı, gələcəyi ilə bağlı son dərəcə vacib olan ekoloji problemlərin aradan qaldırılması üçün dövlət qarşısında tələb qoysun.”

3088
İlham Əliyev, arxiv şəkli

Dövlət başçısı: Hər gün bayrağımız yeni bir yaşayış məntəqəsində ucaldılır

18
Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

BAKI, 21 oktyabr — Sputnik. "Öz doğma torpaqlarını görməyən, işğaldan sonra dünyaya göz açan hər bir azərbaycanlı həmin torpaqlara qayıtmaq arzusu ilə yaşayıb".

Sputnik Azərbaycan xəbər verir ki, bu barədə Azərbaycan Prezidenti İlham Əliyev öz "Twitter" hesabında yazıb.

Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

"Hər gün bayrağımız yeni bir yaşayış məntəqəsində ucaldılır. Budur Azərbaycan dövlətinin, Azərbaycan xalqının gücü", - deyə o əlavə edib.

18
Mövzu:
Azərbaycan və Ermənistan arasında müharibə
Bakıda yağışlı hava

Sabaha hava proqnozu açıqlandı

12
Tibbi-meteoroloji proqnoza gəldikdə isə, oktyabrın 22-23-də Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir.

BAKI, 21 oktyabr — Sputnik. Sabah Bakıda və Abşeron yarımadasında havanın dəyişkən buludlu olacağı, arabir tutulacağı, günün birinci yarısında bəzi yerlərdə duman olacağı, çiskinli yağış yağacağı gözlənilir. Mülayim cənub küləyi əsəcək.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, havanın temperaturu Bakıda və Abşeron yarımadasında gecə 12-14, gündüz 18-20 dərəcə isti olacaq. Atmosfer təzyiqi normadan yüksək 771 mm civə sütunundan 767 mm civə sütununa enəcək, nisbi rütubət gecə 70-80, gündüz 55-60 faiz təşkil edəcək.

Oktyabrın 22-də Azərbaycanın rayonlarında hava şəraitinin əsasən yağmursuz keçəcəyi, lakin gecə və səhər bəzi yerlərdə duman olacağı, yağış yağacağı gözlənilir. Mülayim şərq küləyi əsəcək. Havanın temperaturu gecə 10-15, gündüz 18-23, dağlarda gecə 3-7, gündüz 14-18 dərəcə isti olacaq.

Tibbi-meteoroloji proqnoza gəldikdə isə, oktyabrın 22-23-də Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir.

12
Rusiya XİN-nin binası, arxiv şəkli

Rusiya XİN: döyüşlər dərhal dayandırılmalıdır

0
(Yenilənib 14:25 21.10.2020)
Rusiya Xarici İşlər nazirinin müavini Andrey Rudenko bildirib ki, döyüşlər dərhal dayandırılmalı və dinc əhalinin zərər çəkməsinin qarşısı alınmalıdır.

BAKI, 21 oktyabr — Sputnik. Rusya Azərbaycan və Ermənistan rəhbərlərinin barışıq niyyətini alqışlayır. Sputnik Azərbaycan-ın RİA Novostiyə istinadən verdiyi xəbər görə, bu fikri Rusiya Xarici İşlər nazirinin müavini Andrey Rudenko səsləndirib.

"Biz hər iki tərəfin fikrini eşitdik (Azərbaycan və Ermənistan nazirlərinin Rusiya Federasiyasına səfər etməyə hazır olduqları barədə). Onların sülhə nail olmaq arzusunu alqışlayırıq", – deyə Rudenko jurnalistlərə bildirib.

Onun sözlərinə görə, döyüşlər dərhal dayandırılmalı və dinc əhalinin zərər çəkməsinin qarşısı alınmalıdır.

Bir qədər bundan əvvəl Azərbaycan və Ermənistan Xarici İşlər nazirlərinin Rusiyaya səfər etdiyi barədə məlumat verilmişdi.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

https://ria.ru/20201021/vizit-1580795863.html

0
Mövzu:
Azərbaycan və Ermənistan arasında müharibə