ABŞ səfiri Robert Sekuta və QMİ sədri Allahşükür Paşazadə

Görün Allahşükür Paşazadə ABŞ səfirinə dedi

2113
Qafqaz Müsəlmanlarının lideri Kris Smitin Konqresə təqdim etdiyi sənədlə bağlı səfirə etirazını bildirib.

BAKI, 23 dek-Sputnik. Kris Smitin ABŞ Konqresinə təqdim etdiyi, Azərbaycanda dini vəziyyətlə bağlı həqiqətə uyğun olmayan məqamların əksini tapdığı qanun layihəsi qəbul edilməzdir.

Qafqaz Müsəlmanları İdarəsinin (QMİ) sədri şeyxülislam Allahşükür Paşazadə ABŞ-ın Azərbaycandakı səfiri Robert Sekuta ilə görüşündə belə deyib.

Sputnik Azərtac-a istinadən xəbər verir ki, Paşazadə görüşdə səfiri və bütün Amerika xalqını qarşıdan gələn Milad bayramı münasibətilə təbrik edib, xoş arzularını bildirib. QMİ-nin sədri Azərbaycanda mövcud tolerantlıq mühiti, dinlərarası dialoq və əməkdaşlıq sahəsində əldə olunan nailiyyətlər, habelə dövlət-din münasibətlərinin yüksək səviyyəsi barədə səfirə məlumat verib. Deyib ki, müstəqilliyini bərpa etdikdən sonra ölkəmizdə bu sahədə görülən işlər yüksək qiymətləndirilir.

Paşazadə Heydər Əliyevin müstəqil Azərbaycanda dini dəyərlərə ehtiramlı münasibətin, tolerantlığın dövlət səviyyəsində həyata keçirilməsinin əsasını qoyduğunu vurğulayıb. O, dövlət başçısı İlham Əliyev tərəfindən dini-mənəvi dəyərlərə qayğı və diqqətin davam etdirilməsindən, multikultural dəyərlərimizin dünya miqyasında tanıdılması istiqamətində həyata keçirilən tədbirlərin önəmindən danışıb.

Səfir Robert Sekuta isə fəaliyyət müddəti ərzində Azərbaycanda müşahidə etdiyi dinlərarası və məzhəblərarası səmimi münasibətlərdən, ölkəsində olduğu kimi, Azərbaycanda da tolerantlıq mühitinin mövcudluğundan məmnunluğunu vurğulayıb. O bildirib ki, səfir olaraq öz vəzifəsini Azərbaycanla ABŞ arasında əlaqələrin bütün sahələrdə daha da inkişaf etdirilməsi istiqamətində səy göstərməkdə görür.

Səfirin Azərbaycandakı tolerantlıq haqqında söylədiyi fikirləri yüksək dəyərləndirdiyini bildirən QMİ sədri konqresmen Kris Smitin bu yaxınlarda ABŞ Konqresinə təqdim etdiyi, Azərbaycanda dini vəziyyətlə bağlı həqiqətəuyğun olmayan məqamların əksini tapdığı qanun layihəsinin qəbuledilməz olduğunu bildirib. Şeyxülislam Azərbaycan dindarlarının mövqeyini ifadə edərək, belə bir qeyri-obyektiv sənəd layihəsinin meydana gəlməsinin ikitərəfli münasibətlərə xələl gətirə biləcəyini diqqətə çatdırıb.

Səfir də öz növbəsində ABŞ-da bu cür qanun layihələrinin gündəmə gəlməsi və qəbulu mexanizmi barədə Şeyxülislama məlumat verib.

2113
Mövzu:
Amerikaya Azərbaycanın cavabı (8)
Əlaqədar
Smitin hazırladığı sənəd erməni lobbisinin başının altından çıxıb
Azərbaycan ABŞ siyasi elitasını ölkəyə buraxmaya bilər
ABŞ-ın Azərbaycan planı
ABŞ Azərbaycanı diz çökdürmək istəyir
Tibb işçisi Dövlət Gömrük Komitəsinin hospitalında, arxiv şəkli

Azərbaycanda koronavirusla bağlı son statistika açıqlanıb

3
(Yenilənib 23:53 05.08.2020)
Son 4 gün ərzində aktiv xəstələrin sayı 5 229-dan düşərək, hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

BAKI, 5 avqust – Sputnik. Avqustun 5-də Azərbaycanda koronavirusa yeni yoluxma hallarının müəyyənləşdirilməsi ilə əlaqədar 7 883 test aparılıb. Ötən müddət ərzində aparılan testlərin sayı 759 229-a çatıb.

Bu barədə Sputnik Azərbaycan-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

Avqustun 1-də isə aktiv xəstə sayı 5 229-a bərabər idi.

Xəstələrdən 255 nəfəri reanimasiyadadır ki, onlardan da 51-i süni tənəffüs cihazına qoşulub.

Xatırladaq ki, avqustun 5-də Azərbaycanda koronavirus infeksiyasına daha 193 yoluxma faktı qeydə alınıb, 492 nəfər müalicə olunaraq sağalıb və evə buraxılıb.

COVID-19 üçün götürülən analiz nümunələri müsbət çıxmış üç nəfər vəfat edib.

3
Mövzu:
Azərbaycanda koronavirus: son xəbərlər
Beyrutdakı partlayışda

Azərbaycan Livana 1 milyon dollar yardım ayırdı

26
(Yenilənib 23:19 05.08.2020)
Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

BAKI, 5 avqust — Sputnik. Baş vermiş faciənin nəticələrinin aradan qaldırılması üçün Livan Respublikasının humanitar yardıma ehtiyacını nəzərə alaraq, həmin ölkəyə maliyyə yardımının göstərilməsi məqsədilə Azərbaycan Respublikasının 2020-ci ilin dövlət büdcəsində nəzərdə tutulmuş ehtiyat fondundan Azərbaycan Respublikasının Xarici İşlər Nazirliyinə 1 000 000 (bir milyon) ABŞ dollarının manat ekvivalenti məbləğində vəsait ayrılacaq. Sputnik Azərbaycan-ın məlumatına görə, bu barədə Baş Nazir Əli Əsədov Livan Respublikasına maliyyə yardımının göstərilməsi barədə sərəncam imzalayıb. 

Sərəncama əsasən, Azərbaycan Respublikasının Maliyyə Nazirliyi bu ayrılan vəsaitin müəyyən olunmuş qaydada ödənilməsini təmin etməlidir.

Bu Sərəncam imzalandığı gündən qüvvəyə minir.

26
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

0
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

0