Asim Mollazadə

Asim Mollazadə: Parlament diplomatiyasından geniş istifadə edilməlidir

22
Millət vəkili deyib ki, deputatlar parlament diplomatiyasından yararlanmaqla dünyanın nüfuzlu ölkələrinin parlamentlərində siyasətçilərlə daha sıx münasibətlər qurmalı və dost qazanmalıdırlar.

BAKI, 25 noy — Sputnik. Azərbaycan parlamenti ölkənin təhlükəsizliyinin təmin edilməsində parlament diplomatiyasından daha çox yararlanmalı və bu istiqamətdə çox iş görməlidir.

Bu fikri Sputnik-ə açıqlamasında millət vəkili Asim Mollazadə Azərbaycan prezidenti İlham Əliyevin V çağırış Milli Məclisdəki ilk sessiyasında çıxışına münasibət bildirərkən deyib.
Onun sözlərinə görə, ölkə başçısı haqlı olaraq qeyd edib ki, həm bölgəmizdə, həm də dünyada çox təhlükəli proseslər gedir.

"Ona görə də Azərbaycan öz təhlükəsizliyini təmin etmək üçün bir neçə istiqamətdə iş aparmalıdır. Parlament Azərbaycanın Silahlı Qüvvələrinin daha da təkmil formalaşması, müasir texnikalarla təmin olunması istiqamətində böyük işlər görməlidir" — deyə millət vəkili qeyd edib.

Milət vəkili bildirib ki, Azərbaycanın haqlı mövqeyinin dünyaya çatdırılmasında və dost qazanmasında parlamentarilərin üzərinə böyük məsuliyyət düşür: "Belə ki, deputatlar parlament diplomatiyasından yararlanmaqla dünyanın nüfuzlu ölkələrinin parlamentlərində siyasətçilərlə daha sıx münasibətlər qurmalı və dost qazanmalıdırlar. Bu yolla parlamentarilərimiz Azərbaycanın haqlı və ədalətli mövqeyini bütün beynəlxalq təşkilatlarda müdafiə etməyə çalışmalıdırlar. Bu istiqamətdə biz parlamentarilər ölkəmizin siyasi nöqteyi nəzərdən təhlükəsizliyini təmin etmək üçün çox işlər görməliyik."

Azərbaycan prezidenti İlham Əliyev noyabrın 24-də V çağırış Milli Məclisində çıxış edib. O, qeyd edib ki, Azərbaycan dünyada gedən proseslərə hazır olmalıdır. Azərbaycanın təhlükəsizliyi təmin edilməlidir. 

22
Teqlər:
Parlament, Azərbaycanın Silahlı Qüvvələri, İlham Əliyev, Milli Məclis, Demokratik İslahatlar Partiyası, Asim Mollazadə, Azərbaycan

İki gün əvvəl ordudan tərxis olunan könüllü əsgər ölüb

17
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

17
Qəza, arxiv şəkli

Cəlilabadda ağır yol qəzası olub, ölən yaralananlar var

14
Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir. Ölən və yaralananların şəxsiyyəti dəqiqləşdirilir.

BAKI, 17 yanvar - Sputnik. Cəlilabad rayonunda ağır yol nəqliyyat hadisəsi baş verib.

"Report"un məlumatına görə, qəza axşam saatlarında rayonun Alar kəndi ərazisində qeydə alınıb.

İlkin məlumata görə, hərəkətdə olan "Niva" markalı minik avtomobilinin aşması nəticəsində 1 nəfər ölüb, 3 nəfər yaralanıb. Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir.

Ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

14