Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).

Leyla Əliyeva: Tariximiz xalqların bərabərhüquqlu dialoquna nümunədir

541
(Yenilənib 07:36 01.11.2015)
Moskvada Rusiya Azərbaycanlı Gənclər Birliyinin VI Forumu keçirilib.

BAKI, 1 noy — Sputnik. AMOR təşkilatı Rusiyada doğulub, yarandığı gündən multikultural dialoq və millətlərarası əməkdaşlıq ideyalarına sadiqdir.

Bunu Rusiya paytaxtında keçirilən Rusiya Azərbaycanlı Gənclər Birliyinin (AMOR) VI Forumunda çıxış edən təşkilatın sədri, Heydər Əliyev Fondunun vitse-prezidenti Leyla Əliyeva deyib.

L. Əliyeva AMOR-un Rusiyada yaşayan və çalışan Azərbaycan gəncliyini birləşdirdiyini, onların Rusiya cəmiyyətinə inteqrasiyası və müasir cəmiyyətin üzvü olmağa kömək etdiyini söyləyib: "Məhz buna görə bizim üçün qarşılıqlı mədəni əlaqələr bütün səviyyələrdə vacibdir. Bizim ölkənin tarixi xalqlar arasında bərabərhüquqlu dialoqa nümunədir. Azərbaycan sivilizasiyalar və mədəniyyətlərin qovşağında yerləşir. Biz Qərblə Şərq arasında yerləşirik və bu bizim tariximizə, mentalitetimizin formalaşmasına aydın təsir edib. Bizim ölkədə tolerantlıq sonradan qazandığımız keyfiyyət deyil, xalqımızın təbii özəlliyidir. Bu gün Azərbaycan beynəlxalq forumların, turnirlərin və tədbirlərin keçirildiyi ölkəyə çevrilib. Bu ilin yayında Bakıda baş tutan Birinci Avropa oyunları möhtəşəm keçdi. Payızda Azərbaycan paytaxtı Şahmat üzrə dünya çempionatını qəbul etdi. 2016-cı ildə isə Bakıda Şahmat Olimpiadası keçiriləcək. Gələn il Bakıda ilk dəfə "Formula 1" yarışı təşkil olunacaq. 2017-ci ildə isə Bakı İslam oyunlarına ev sahibliyi edəcək. Bütün bunlar dünyanın bizim ölkəyə inam və hörmətinin ən yaxşı sübutudur".

Rusiya-Azərbaycan münasibətlərindən danışan AMOR sədri bu münasibətlərin hər zaman dostluq və mehriban qonşuluq ruhunda olduğunu vurğulayıb: "Tarix göstərir ki, Azərbaycan və Rusiya arasında fərqlilikdən daha çox oxşarlıq var. Azərbaycan və Rusiya hər zaman çoxmillətli və çoxmədəniyyətli dövlətlər olub, belə də qalacaq. Bizim ölkələrdə bir çox dinlərinin, müxtəlif millətlərin və xalqların nümayəndələrinə rast gəlmək mümkündür. Bu insanlar sülh və qarşılıqlı hörmət şəraitində yaşayırlar. Biz bu təcrübəni bütün dünya ilə bölüşməyə hazırıq. Azərbaycan prezidenti İlham Əliyevin Bakıda keçirilən III Ümumdünya Mədəniyyətlərarası Dialoq Forumunda qeyd etdiyi kimi, multikulturalizmə alternativ yoxdur. Biz hər zaman qonşuluq şəraitində yaşamışıq və yaşayacağıq. Bir-birimizin seçiminə hörmət etməyə borcluyuq".

L. Əliyeva Azərbaycanda rus dilinə göstərilən diqqətdən də danışıb: "25 illik müstəqilliyimiz tarixində Azərbaycanda rus dilli bir məktəb də bağlanmayıb. Ali məktəblərdə Azərbaycan dili ilə yanaşı, rus dilində də tədris aparılır. Azərbaycanda rus dilinin avtoritetinin yüksək olmasının göstəricisi Bakı Slavyan Universitetinin, Lomonosov adına Moskva Dövlət Universitetinin Bakı filialının və Seçenov adına Birinci Tibb Universitetinin filiallarının açılmasıdır. Bizim ölkələrin nə qədər yaxın olmasını AMOR-un bütün fəaliyyəti də təsdiq edir. Bizim gənclik hər zaman Rusiya ilə bizi birləşdirən ümumi dəyərləri qoruyub saxlamağa çalışır. AMOR gəncləri yaşadığı, təhsil aldığı ölkənin tarixi və mədəni dəyərlərinə hörmət ruhunda tərbiyə edir. Bu gün AMOR-un Rusiyanın 70-dən çox regionunda nümayəndəliyi fəaliyyət göstərir. AMOR-çular Rusiyada yaşamalarına baxmayaraq, heç vaxt milli köklərini, tarixlərini unutmurlar.

Tarixin parlaq səhifələri olduğu kimi, qəmgin, faciəvi səhifələri də var. Erməni təcavüzkarları tərəfindən törədilən Xocalı soyqırımı ilə bağlı AMOR-un təşəbbüsü ilə bütün dünyada "Xocalıya ədalət" aksiyası keçirilir. Bu il biz Qarabağ müharibəsinin ən faciəvi səhifəsinin 23-cü ildönümünü qeyd etdik. Biz Xocalı hadisələrinə dünya ictimaiyyəti tərəfindən hüquqi və siyasi qiymətin verilməsini tələb edirik. İnanırıq ki, ədalətin bərpa olunmasına nail olacağıq. Dünya Xocalı soyqırımını tanıyacaq. AMOR hər il Beynəlxalq uşaqların hüquqlarının müdafiəsi gününə həsr olunmuş xeyriyyə aksiyası da keçirir. Valideyn himayəsindən məhrum olmuş uşaqlar üçün bayram şənlikləri keçirilir, hədiyyələr paylanılır. AMOR təkcə uşaqlara kömək etmir. Hər il bizim təşkilatın təşəbbüsü ilə "Qanın milliyyəti yoxdur" aksiyası keçirilir".

Leyla Əliyeva AMOR-un fəaliyyətinin ümumilikdə maraqlı və uğurlu olduğunu qeyd edib: "Lakin biz əldə etdiklərimizlə kifayətlənməyəcəyik. Bizə daha da böyümək lazımdır. Qarşıda bizi uzun yol və çoxlu maraqlı layihələr, ideyalar gözləyir. Əminəm ki, biz birlikdə bütün problemlərin öhdəsindən gələ, ölkələrimiz və xalqlarımızın rifahı naminə daha çox şey edə bilərik".

  • Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).
    Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).
    © Sputnik
  • Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).
    Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).
    © Sputnik
  • Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).
    Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).
    © Sputnik
  • Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).
    Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).
  • Вице-президент Фонда Гейдара Алиева Лейла Алиева на форуме АМОР в Москве
    Вице-президент Фонда Гейдара Алиева Лейла Алиева на форуме АМОР в Москве
    © AZƏRTAC
1 / 5
© Sputnik
Председатель АМОР, президент Фонда Гейдара Алиева Лейла Алиева на VI Форуме Азербайджанского молодежного объединения России (АМОР).

Forumda çıxış edən Gənclər və idman naziri Azad Rəhimov Azərbaycan gənclərinin Rusiya cəmiyyətinə inteqrasiyasında Rusiyanın Azərbaycanlı Gənclər Birliyinin rolunu yüksək qiymətləndirib. O qeyd edib ki, Azərbaycanda dövlət gənclər siyasətinin istiqamətlərindən biri gənclərin əməkdaşlığını və ölkə hüdudlarından kənarda gənclər təşkilatlarının inkişafını dəstəkləməkdir.

Təhsil naziri Mikayıl Cabbarov isə təhsil sahəsində qonşu Rusiya ilə hər zaman münasibətlərin yüksək olduğunu söylədi. "Azərbaycanda Respublikasında təhsilin inkişafı Dövlət Strategiyası” üzrə aparılan islahatlar barədə məlumat verən nazir, bu proses çərçivəsində iki ölkə arasında təcrübə mübadiləsinin həyata keçirildiyini vurğulayıb.

Rusiya Federasiya Şurasının sədr müavini İlyas Umaxanov Bakıda keçirilən Birinci Avropa oyunlarının Qafqaz və Rusiya üçün əhəmiyyətindən və Rusiya-Azərbaycan münasibətlərinin möhkəmlənməsindən danışıb. Azərbaycan gənclərinin Rusiyanın ictimai həyatında hər zaman fəal olduğunu qeyd edib.

Dövlət dumasının deputatı Leonid Slutski isə AMOR-un çoxşaxəli fəaliyyətini və onun rəhbəri Leyla Əliyevanın şəxsi töhfəsini yüksək qiymətləndirib. Azərbaycanın günü gündən inkifaşını vurğulayan Leonid Slutski ölkə rəhbəri İlham Əliyevi Azərbaycanı inamla irəli apardığını söyləyib.

Rusiya Prezidentin humanitar məsələləri üzrə xüsusi nümayəndəsi Mixail Şvıdkoy isə gənclər hərəkatının lideri Leyla Əliyevanın Rusiyanın gənclər təşkilatları ilə əməkdaşlığından, Rusiya-Azərbaycan humanitar əlaqələrinin möhkəmlənməsinə istiqamətlənmiş fəaliyyətindən danışdıb.

Azərbaycanın Rusiyadakı səfiri Polad Bülbüloğlu çıxışında qeyd edib ki, azərbaycanlı gənclər müxtəlif tədbirlər keçirməklə bu ölkənin cəmiyyətinə inteqrasiya edirlər və bu, çox vacibdir. Diplomat Heydər Əliyev Fondunun Rusiyadakı nümayəndəliyi Leyla Əliyevanın rəhbərliyi ilə bu ölkədə xeyriyyəçilik layihələrinin həyata keçirdiyini xüsusi vurğulayıb. 

Forum çərçivəsində AMOR-un hesabat-seçki konfransı da keçirilib.

Forumda “Azərbaycan və yeni dövrün çağırışları”, “İDEA — bir bir torpaq, bir gələcək”, “Ədalət səfiri ol”, “Turizmin və diyarşünaslığın inkişafı gənclərin vətənpərvərlik və mənəvi-əxlaqi tərbiyəsinin vasitəsi kimi”,  “Gənclər karyera inkişafı: sahibkarlıq və uğura aparan yol” mövzularında bölmələr təşkil olunub.

Forumun sonunda Leyla Əliyeva tərəfindən Rusiya ali məktəblərində əlaçı olan tələbələr mükafatlandırılıb.

Qeyd edək ki, forumun yekununda Azərbaycan və Rusiya incəsənət nümayəndələrinin iştirakı ilə konsert proqramının təşkili planlaşdırılsa da, AMOR sədri Leyla Əliyeva Misirin Sinay yarımadasında 224 nəfərin olduğu Rusiya təyyarəsinin qəzaya uğraması nəticəsində həlak olanların xatirəsinə hörmət əlaməti olaraq konsert proqramı ləğv edilib.

541
XİN-nin binası, arxiv şəkli

XİN: Azərbaycanla UNESCO arasındakı dialoqa üçüncü tərəf müdaxilə edə bilməz

8
(Yenilənib 23:46 15.01.2021)
XİN: Son onilliklər ərzində Ermənistan beynəlxalq missiyaların Azərbaycanın işğal altındakı ərazilərinə səfər etməsinə maneçilik törədib

BAKI, 15 yanvar - Sputnik. Xarici İşlər Nazirliyinin mətbuat xidməti idarəsinin rəisi Leyla Abdullayeva Ermənistan Xarici İşlər Nazirliyinin nümayəndəsinin Azərbaycan Respublikası Prezidentinin ICESCO Baş direktoru ilə görüşü zamanı çıxışına dair bəyanatını şərh edib.

Xarici İşlər Nazirliyinin mətbuat xidməti idarəsindən bildiriblər ki, Leyla Abdullayeva şərhində bildirib: “Azərbaycan Respublikasının Prezidenti bu il yanvarın 13-də ICESCO-nun Baş katibi ilə keçirdiyi görüş zamanı çıxışında ölkəmizin işğaldan azad olunmuş ərazilərində Ermənistan tərəfindən onilliklər ərzində həyata keçirilən, Azərbaycanın tarixi, maddi-mədəni irsinin məhv edilməsinə hədəflənən məqsədyönlü siyasəti növbəti dəfə ifşa etdi.

Bu ərazilərdə Azərbaycan xalqına məxsus hər bir şeyi məhv edərək, azərbaycanlıların öz evlərinə geri qayıtmasına imkan verməmək məqsədini güdən Ermənistan tərəfindən 30 ilə yaxın işğal altında qalan ərazilərdə tarixi, mədəni və dini abidələrin dağıdılması, talan edilməsi, onların mənşəyinin dəyişdirilməsi istiqamətində fəaliyyət hərbi cinayətlərə bərabərdir. Əlbəttə, bu cinayətlərə görə Ermənistan məsuliyyət daşıyır və beynəlxalq məhkəmələr qarşısında cavab verməlidir.

Qədim erməni dini və dünyəvi abidələrinə gəldikdə, Qafqaz etnoslarına aid olmayan və Qafqaza kütləvi şəkildə XIX əsrdə köçürülən ermənilərin bu kimi abidələri bəlkə də haradasa mövcuddur. Bizim bölgəyə aidiyyəti olmadığı üçün bu məsələni şərh etməzdim.

O ki, qaldı Ermənistan XİN-in guya Azərbaycanın beynəlxalq təşkilatların, xüsusilə də UNESCO-nun əraziyə səfər etməyə icazə verməməsinə dair əsassız ittihamlarına, Ermənistan XİN-in yadına salırıq ki, son onilliklər ərzində məhz Ermənistan beynəlxalq missiyaların Azərbaycanın işğal altında olan ərazilərinə səfər etməsinə maneçilik törədib. Bu fakt hətta UNESCO-nun 2005-ci ildə dərc etdiyi fəaliyyət hesabatında aydın şəkildə əks olunub. Belə ki, hesabatda Azərbaycan hökumətinin Dağlıq Qarabağ və işğal olunmuş digər ətraf ərazilərdə mədəni irsin mühafizəsi ilə bağlı narahatlığını ifadə edərək bu ərazilərə fakt araşdırma missiyasının göndərilməsi müraciəti etdiyi, lakin Ermənistanın hərbi işğalı səbəbindən bu missiyanın həyata keçirilməsinin mümkün olmadığı göstərilir.

Azərbaycan tərəfi UNESCO missiyasının təşkili ilə bağlı cavabını qarşı tərəfin diqqətinə çatdırıb. Ümumiyyətlə, Azərbaycanla UNESCO arasındakı dialoq prosesinə heç bir üçüncü tərəf müdaxilə edə bilməz.

Əminik ki, UNESCO/ICESCO missiyası Ermənistanın 30 illik işğal dövründə törətdiyi vandalizm əməllərini obyektiv əsaslarla və real faktlarla beynəlxalq ictimaiyyətin diqqətinə çatdırılması üçün əlverişli imkan olacaqdır.

Azərbaycan multikultural ölkədir və Qarabağdakı bütün müsəlman və xristian-alban abidələri Azərbaycan xalqının tarixi, mədəni və dini irsinə məxsusdur. Azərbaycan ərazisindəki bütün abidələr dövlət səviyyəsində qorunur. Ölkəmizin zəngin irsinin mühafizəsi bundan sonra da yüksək səviyyədə təmin ediləcək, o cümlədən işğaldan azad olunmuş ərazilərdəki abidələrin bərpası, təmiri və yenidən qurulması işləri həyata keçiriləcək.

8

İqtisadi Şuranın 2021-ci ildə ilk iclası keçirilib

5
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

5
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0