Qandallar

Sahibkarlıq fəaliyyətinə qanunsuz müdaxilənin qarşısı alınıb

37
(Yenilənib 22:06 12.10.2015)
"VS Hüquqların Müdafiəsi Mərkəzi" MMC-nin əməkdaşlarının özlərini İqtisadiyyat və Sənaye Nazirliyinin tabeliyində olan qurumun nümayəndələri kimi təqdim edərək sahibkarlıq subyektlərinin fəaliyyətinə yoxlama adı ilə qanunsuz müdaxilə etdiyi məlum olub.

BAKI, 1 okt — Sputnik. Daha bir şirkətin sahibkarlıq fəaliyyətinə qanunsuz müdaxiləsinin qarşısı alınıb.

Bu barədə məlumat Sputnik-ə İqtisadiyyat və Sənaye Nazirliyinin Mətbut xidmətindən bildirilib.

Nazirlikdən bildirilib ki, sahibkarlıq fəaliyyətinə qanunsuz müdaxilə və dövlət qurumlarına şikayət olunacağı ilə hədələnmə barədə İqtisadiyyat və Sənaye Nazirliyinə daha bir müraciət daxil olub.

Araşdırmalar zamanı "VS Hüquqların Müdafiəsi Mərkəzi" MMC-nin əməkdaşlarının özlərini İqtisadiyyat və Sənaye Nazirliyinin tabeliyində olan qurumun nümayəndələri kimi təqdim edərək sahibkarlıq subyektlərinin fəaliyyətinə yoxlama adı ilə qanunsuz müdaxilə etdiyi, "yoxlamanın" nəticələri ilə bağlı tədbir görülməməsi müqabilində obyekt sahiblərinə müəyyən məbləğ ödəməklə müqavilə bağlanmasını tələb etdikləri, tələbin yerinə yetirilmədiyi təqdirdə müvafiq dövlət qurumlarına şikayətlə hədələdikləri müəyyən olunub.

Bu məsələ ilə əlaqədar toplanmış materiallar hüquqi qiymət verilməsi üçün Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinə göndərilib.

İqtisadiyyat və Sənaye Nazirliyi bir daha sahibkarlara yoxlamaların qanunvericiliyin tələblərinə uyğun təyin edilməsinə xüsusi diqqət yetirmələrini, "Sahibkarlıq sahəsində aparılan yoxlamaların vahid məlumat reyestri"ndə qeydiyyata alınmamış yoxlamanın və yoxlama suallarında göstərilməmiş mövzular üzrə, eləcə də özlərini yoxlayıcı dövlət orqanlarının əməkdaşları və ya yoxlayıcı dövlət orqanları ilə əməkdaşlıq edən qurumun nümayəndələri kimi təqdim edən şəxslər tərəfindən istənilən yoxlamaların aparılmasına imkan verməməyi tövsiyə edir.

Bu cür hallarla rastlaşdıqda sahibkarlardan (012) 4300306, (012) 5989501, (055) 2273107 nömrəli telefonlarla İqtisadiyyat və Sənaye Nazirliyinə və ya hüquq-mühafizə orqanlarına məlumat vermələri xahiş olunur.

37
Taxıl biçini, arxiv şəkli

Taxıl biçini başlayacaq - Kombaynlara GPS qoşulur

6
(Yenilənib 23:29 08.05.2021)
May ayının sonundan etibarən Azərbaycanda taxıl biçininə başlanılacaq. Hazırda biçinə cəlb ediləcək kombaynlar üzərində sazlama işləri aparılır.

BAKI, 8 may — Sputnik. May ayının sonundan etibarən Azərbaycanda taxıl biçininə başlanılacaq. Bununla əlaqədar "Aqroservis" ASC tərəfindən biçinə hazırlıq işlərinin əsas mərhələsinə start verilib.

Sputnik Azərbaycan xəbər verir ki, hazırda biçinə cəlb ediləcək kombaynlar üzərində sazlama işləri aparılır. Bütün rayonlar üzrə mövcud kombaynlara texniki baxış keçirilir, nasaz vəziyyətdə olan texnikalarda təmir işləri həyata keçirilir.

Həmçinin, biçin zamanı düzgün dislokasiya planının qurulması üçün kombaynlar GPS nəzarət sistemi ilə təchiz edilir. Bu innovativ nəzarət sistemi biçin zamanı düzgün dislokasiya yaradılması, operativliyin təmin edilməsi, prosesə nəzarət edilməsi və şəffaf idarəetmə mexanizminin qurulmasına imkan yaradır.

Qeyd edək ki, taxıl biçininə hazırlıqların ilkin mərhələsində cari ildə taxıl biçininin itkisiz və mütəşəkkil həyata keçirilməsi məqsədilə kombaynları idarə edəcək mexanizatorlara ödənişsiz təlimlər keçirilib. Müxtəlif markalı kombaynlar üzrə ümumlikdə 263 mexanizator təlimlərdə iştirak edib. Təlimlərdə yüksək nəticə əldə edən mexanizatorlar sertifikat ilə təmin ediliblər.

6
Şuşa şəhəri, arxiv şəkli

Şuşada yeni məktəb tikiləcək

16
Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməlidir.

 

BAKI, 8 may — Sputnik. Prezident İlham Əliyev Şuşa şəhərində yeni ümumtəhsil məktəbinin tikintisi ilə bağlı tədbirlər haqqında sərəncam imzalayıb.

Sərəncama əsasən Şuşa şəhər 1 nömrəli 960 şagird yerlik tam orta məktəbin layihələndirilməsi və tikintisi məqsədilə Azərbaycan Respublikasının 2021-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Təhsil Nazirliyinə ilkin olaraq 3,0 (üç) milyon manat vəsait ayrılıb.

Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməlidir.

Nazirlər Kabineti bu Sərəncamdan irəli gələn məsələləri həll etməlidir.

16