İldırım

Balakəndə evə ildırım düşüb

52
(Yenilənib 11:55 12.09.2015)
İldırım nəticəsində yanan evdə ata və azyaşlı körpə yanıb.

BAKI, 12 sent-Sputnik. Balakəndə fərdi yaşayış evinə ildırım düşməsi nəticəsində ev külə dönüb, ev sahibi və onun körpə övladı yanıq xəsarəti alıblar.

Sputnik xəbər verir ki, Fövqəladə Hallar Nazirliyi Balakəndə evə ildırım düşməsi nəticəsində baş verən yanğınla bağlı məlumat yayıb.
Məlumata görə, Balakən rayonu, Gərəkli kəndində (rayon mərkəzindən 5 km aralı) vətəndaşa məxsus ümumi sahəsi 156 kv.m olan birmərtəbəli, 4 otaqlı kürsülü evin yanar konstruksiyaları və ev əşyaları yanıb.

Yanğın zamanı ev sahibi və onun azyaşlı övladı müxtəlif dərəcəli yanıq xəsarətləri alıb. Yaxınlıqdakı tikililər yanğından mühafizə olunub. Yanğın saat 08:37-də yanğınsöndürənlər tərəfindən söndürülüb.

Bu gün səhər saat 06.00 radələrində rayonun Gərəkli kəndində Teymur Xipiyevə məxsus ümumi sahəsi 156 kv.m olan 4 otaqlı fərdi yaşayış evinə ildırım düşüb. Nəticədə evdə yanğın başlayıb. Hadisə yerinə Fövqəladə Hallar Nazirliyinin (FHN) Balakən rayon Dövlət Yanğından Mühafizə Hissəsinin texnikası və canlı qüvvəsi cəlb edilib. Yanğın nəticəsində evin yanar konstruksiyaları ev əşyaları ilə birlikdə yanaraq yararsız hala düşüb. Yaxınlıqdakı digər tikililər yanğından mühafizə olunub. Yanğın zamanı ev sahibi T. Xipiyev və onun 2015-ci il təvəllüdlü qızı Olqa Xipiyeva müxtəlif dərəcəli yanıq xəsarətləri alıblar və Balakən Rayon Mərkəzi Xəstəxanasına yerləşdiriliblər.

Xəstəxanadan bildirilər ki, T. Xipiyevə 3-cü dərəcəli, körpəyə isə 2-ci dərəcəli termik yanıq xəsarətləri diaqnozu qoyulub. Faktla bağlı FHN-nin Balakən rayon DYMH-də araşdırma aparılır.

 

52
PPX avtomobili, arxiv şəkli

Bərdədə koronavirus xəstəsi qayda pozub, məsuliyyətə cəlb edildi

4
(Yenilənib 15:34 05.12.2020)
Faktla bağlı Bərdə rayon prokurorluğunda Cinayət Məcəlləsinin 139-1.1-ci maddəsi ilə cinayət işi başlanaraq istintaqın aparılması üçün aidiyyəti üzrə Bərdə rayon Polis Şöbəsinə göndərilib

BAKI, 5 dekabr — Sputnik. Koronavirus infeksiyasının yayılmasının qarşının alınması məqsədi ilə ölkəmizdə elan edilən xüsusi karantin rejiminin müxtəlif yollarla pozulması hallarına qarşı prokurorluq orqanları tərəfindən kompleks və ardıcıl tədbirlər davam etdirilir.

Sputnik Azərbaycan Bərdə Rayon Prokurorluğunun məlumatına istinadla xəbər verir ki, Bərdə rayon sakini, 1996-cı il təvəllüdlü Alışanov Amil Ədalət oğlu COVID-19 virusu ilə bağlı test analizi verməklə testin nəticəsinin pozitiv olmasını bilə-bilə xüsusi karantin rejiminə əməl edərək həmin müddəti evdə keçirməli olduğu halda, 03.12.2020-ci il tarixdə yaşadığı evi qanunsuz tərk etməklə karantin rejimini kobud surətdə pozub, yeni növ koronavirus infeksiyasının yayılması üçün real təhlükə yaradıb.

Faktla bağlı Bərdə rayon prokurorluğunda Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanaraq istintaqın aparılması üçün aidiyyəti üzrə Bərdə rayon Polis Şöbəsinə göndərilib.

Hazırda iş üzrə zəruri istintaq hərəkətləri davam etdirilir.

4
Teqlər:
qayda, xəstə, COVID-19, Koronavirus, epidemiya
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Təqvim,  arxiv şəkli

Yeni ildə beş gün olmayacaq

11
(Yenilənib 15:37 05.12.2020)
Yanvarın 2-si şənbə gününə təsadüf etdiyindən, Əmək Məcəlləsinə əsasən, yanvarın 4-ü də qeyri-iş günü olacaq

BAKI, 5 dekabr - Sputnik. 2021-ci ildə Yeni il bayramı ilə əlaqədar qeyri-iş günləri məlum olub.

Sputnik Azərbaycan APA-ya istinadən bildirir ki, 31 Dekabr - Dünya Azərbaycanlılarının Həmrəylik günü, 1, 2 yanvar - Yeni il bayramı qeyri-iş günüdür.

2 yanvar şənbə gününə təsadüf etdiyindən, Əmək Məcəlləsinə əsasən, yanvarın 4-ü də qeyri-iş günü olacaq.

Beləliklə, Yeni il bayramı ilə əlaqədar 5 gün ardıcıl (31 dekabr, 1, 2, 3, 4 yanvar) iş olmayacaq.

11
Teqlər:
qeyri-iş günləri, bayram, Yeni il