Mingəçecir Polis Şöbəsi

DİN: Bəhruz Hacıyevi şöbəyə gətirən polislərin izahatı alınıb

61
(Yenilənib 15:53 24.08.2015)
DİN Baş İctimai Təhlükəsizlik İdarəsinin rəisi, polis general-mayoru Cavanşir Məmmədov: Prokurorluğun müstəntiqi və polis şöbəsinin baş leytenantına müxtəlif bədən xəsarətləri yetirilməsi ilə bağlı da cinayət işi başlanılıb.

BAKI, 24 avq — Sputnik. Mingəçevirdə narkotik vasitələrin istifadəsinə və satışına görə şübhəli şəxs qismində saxlanılaraq dindirilmək üçün Mingəçevir şəhər Polis Şöbəsinə aparılan 1988-ci il təvəllüdlü Hacıyev Bəhruz Dilsuz oğlunun ölümü ilə bağlı araşdırmalar davam etdirilir.

Bunu APA-ya açıqlamasında Daxili İşlər Nazirliyinin (DİN) Baş İctimai Təhlükəsizlik İdarəsinin rəisi, polis general-mayoru Cavanşir Məmmədov deyib.

C. Məmmədov bildirib ki, hadisə ilə bağlı polis baş leytenantı Şahlar Şahlarzadə işdən çıxarılıb və barəsində Cinayət Məcəlləsinin 125-ci (özünü öldürmə həddinə çatdırma) və 308.2-ci (vəzifə səlahiyyətlərindən sui-istifadə) maddələri ilə cinayət işi açılıb, araşdırma aparılır: "O, dindirilmə zamanı vətəndaşı nəzarətsiz buraxaraq hal şahidi gətirməyə getməklə səhlənkarlığa yol verib və intihar hadisəsi baş verib. Ona görə də Şahlar Şahlarzadə həbs edilib. Həmçinin, Bəhruz Hacıyevi saxlayaraq polis şöbəsinə gətirən 3 polis əməkdaşının izahatı alınıb, araşdırma davam etdirilir”.

Mingəçevir şəhər Polis Şöbəsinin rəisi Ələsgər Bədəlov isə bildirib ki, prokurorluğun müstəntiqi Rəşadət Orucov morqda meyiti müayinə edərkən mərhumun yaxınları tərəfindən döyülüb: " Həmçinin, polis şöbəsinin baş leytenantı Ramin Abakarova da hücum edərək ona müxtəlif bədən xəsarətləri yetiriblər. Hər iki faktla bağlı saxlanılan şəxslər barəsində Cinayət Məcəlləsinin 315-ci maddəsilə (Hakimiyyət nümayəndəsinə qarşı müqavimət göstərmə və ya zor tətbiq etmə) cinayət işi açılıb, araşdırma aparılır".

Polis rəisinin bildirdiyinə görə, B. Hacıyevin dəfn mərasimindən sonra bir qrup şəxs şəhərin mərkəzi küçəsinə toplaşaraq yürüş etməyə cəhd edib: "Onlar polis əməkdaşlarına daş və digər əşyalar ataraq xəsarət yetiriblər. Hadisə zamanı daha 9 polis əməkdaşı xəsarət alıb. Ümumilikdə bu hadisələrlə bağlı 20-ə yaxın vətəndaş saxlanılıb. Onlardan 10 nəfərin işi prokurorluğa təqdim olunub, qalanları isə məhkəmə qərarı ilə inzibati qaydada cərimələniblər. Saxlanılanların bir çoxu əvvəllər müxtəlif cinayət hadisələrinə görə məhkum olunanlardı. Onların arasında narkotik vasitə istifadəsinə və satışına görə həbs edilənlər üstünlük təşkil edir. Hadisə zamanı polis şöbəsinin bir avtomobili də yararsız hala salınıb”.

Polis rəisi ona da qeyd edib ki, B. Hacıyevin əvvəllər məhkumluğu olmayıb.

Hazırda şəhərdə tam sakitlik olduğunu deyən Ə. Bədəlov saxlanılan şəxslərin şöbədə döyülməsi barədə yazılanların həqiqəti əks etdirmədiyini bildirib. O, mərhumun atası Dilsuz Hacıyevlə 8 dəfə görüşdüyünü və onun bütün tələblərinə əməl edildiyini deyib: " Onun istəyinə uyğun olaraq ekspert dəyişdirilib və başqa yerdən gətirilib. Saxlanılan şəxslərin yaxınlarını da qəbul edərək dinləmişik. Biz dəfn mərasimindən əvvəl və sonra qarşıdurmanın yaranmaması üçün mərhumun yaxınları ilə görüşdük”.

Polis rəisi bildirib ki, Mingəçevirdə narkotik vasitələrin qanunsuz əldə edilməsi, saxlanılması və satışına görə polis əməkdaşları tərəfindən əməliyyat tədbirləri bundan sonra da davam etdiriləcək.

Ə. Bədəlov Mingəçevirdə narkomaniya hallarının artması ilə bağlı narahatlığını bildirərək qeyd edib ki, bunun qarşısını almaq üçün polis-vətəndaş münasibətləri sıx olmalıdır. O, bu ilin 8 ayı ərzində Mingəçevirdə narkotik vasitələrlə bağlı 25 cinayət faktının qeydə alındığını bildirib. “Əvvəllər şəhərin parklarında, binaların giriş hissəsində narkomanların istifadə etdikləri əşyalara rast gəlinirdi. Bu da valideynləri, ziyalıları, gəncləri narahat edirdi. Hazırda Mingəçevirdə belə hallar yoxdur.”


61
Teqlər:
DİN-in Baş İctimai Təhlükəsizlik İdarəsinin rəisi, Daxili İşlər Nazirliyinin Baş İctimai Təhlükəsizlik İdarəsinin rəisi, Bəhruz Hacıyevin öldürülməsi, Mingəçecir Polis Şöbəsi, Cavanşir Məmmədov, Bəhruz Hacıyev, Mingəçevir
İşsiz adam, arxiv şəkli

Bir çox sahələrdə işsizlik olacaq - Bu da elmi-texniki tərəqqinin Azərbaycana "töhfəsi"

54
(Yenilənib 20:18 04.03.2021)
"Bu gün dünyada ticarət sektorunda da böyük dəyişikliklər baş verir. Bizdə hələ də böyük alış-veriş mərkəzlərinə maraq qalsa da, yaxın gələcəkdə həmin məkanların da boş qalacağını görəcəyik" - Natiq Cəfərli.

Nigar İsgəndərova, Sputnik Azərbaycan

BAKI, 4 mart — Sputnik. "Texnoloji kəşflərin tətbiqi çoxdan başlayıb. Sadəcə olaraq son bir ildə bu təsir daha da sürətləndir. Təbii ki, burada pandemiyanın da təsiri oldu".

İqtisadçı-ekspert Natiq Cəfərli Sputnik Azərbaycan-a açıqlamasında süni intellektin ölkəmizə təsiri haqda danışarkən belə deyib. 

Onun fikrincə, təxminən 10-12 il öncə başlayan proses yaxın gələcəkdə daha da sürətlənəcək.

"Biz süni intellektin təsirini ilk olaraq bankçılıq sahəsində gördük. Onlayn bankçılıq bank şöbələrinə ehtiyacı azaltdı, hətta qeyd edim ki, 2012-2013-cü illərdə Böyük Britaniyada ciddi böhran yaşandı. Təqribən 200 minə yaxın bank işçisi ixtisar oludu. Bu tendensiya bu gün də davam edir. Son illər Azərbaycanda da yeni texnologiyaların tətbiqi tendensiyası özünün göstərməyə başlayıb. Azərbaycanda da bank sektoruna işçi sayının azalması müşahidə olunacaq", - ekspert deyib.

O bildirib ki, bank sektoru ilə yanaşı süni intellekt digər sahələri də vuracaq:

"Süni intellekt həm hesablamalarda, həm qərarvermə mexanizmlərinin yaranmasında, həm də insan faktoru olmadan sənaye xərclərinin yaradılmasında da geniş istifadə olunacaq. Azərbaycanda isə ehtimal ki, insan əməyinin daha çox istifadə olunduğu sahələrdə süni intellekt tətbiq olunacaq. Bunlardan biri aqrar sektordur. Bizdə aqrar sektorda əl əməyindən hələ də çox yüksək səviyyədə istifadə olunur ki, bu da rentabelliliyi aşağı salır. Bir çox ölkələrdə isə digər sahələrdə olduğu kimi kənd təsərrüfatında da əl əməyini dronlar əvəz edir. Yəni, komputer özü qərar verir ki, nə vaxt gübrə vermək lazımdır, nə vaxt sulamaq lazımdır və məhsulun yetişməsi üçün hansı tədbirlər görülməlidir".

Cəfərlinin sözlərinə görə, aqrar sektor qeyri-neft sektorunda lokomativ sayıldığından gələcəkdə bu sahədə iş yerlərinin azalmasına hazır olmaq lazımdır.

"Urbanizasiya hələ də başa çatmayıb. Rəsmi rəqəmlərə görə, bizdə kənd əhalisi ölkə əhalisinin 44 faizini təşkil edir ki, bu da çox böyük rəqəmdir. İnkişaf etmiş ölkələrdə isə bu rəqəm 7-8 faiz civarındadır", - deyə N.Cəfərli bildirib.

Ekspert deyir ki, işsizliyin qarşısını almaq üçün indidən bu barədə düşünmək lazımdır. Lakin yaranacaq bu vəziyyətdən qorxmaq da lazım deyil: "Vaxtı ilə liftçi qız, telefonçu qız var idi. İndi isə nə liftçi qıza ehtiyac var, nə də telefonçu qıza. Bu isə o deməkdir ki, texnologiya inkişaf etdikcə, zamanla bəzi peşələrin tarixə qovuşması baş verir".

Bu gün dünyada ticarət sektorunda da böyük dəyişikliklərin baş verdiyini qeyd edən iqtisadçı bildirib ki, Azərbaycanda hələ də böyük alış-veriş mərkəzlərinə maraq qalsa da, yaxın gələcəkdə həmin məkanların boş qalacağını görəcəyik.

"Bir müddətdən sonra bu böyük alış-veriş mərkəzləri də tarixə qovuşacaq. Evdən çıxmadan süni intellektin yaratdığı imkanlarla virtual geyinib-soyunma otaqları da artıq mövcuddur. Yəni, bir geyimin, ayaqqabının üzərində necə göründüyünü görə bilirsən. Bu səbəbdən dünyada gedən tendensiya ilə bir müddətdən sonra Azərbaycanda da böyük alış-veriş mərkəzlərinin boş qalma ehtimalı var. Bu da müəyyən bir işsiz kütlənin yaranacağı deməkdir", - deyə ekspert əlavə edib.

Qeyd edək ki, Azərbaycanda elektron ticarətin (e-ticarət) həcmi son 3 ildə (2018-2020-ci illər ərzində) 5 dəfə artıb.

54
Zəngilan rayonunun Keçikli kəndi

Zəngilan rayonunun Keçikli kəndi - VİDEO

4
(Yenilənib 21:49 04.03.2021)
Keçikli kəndi 2020-ci il noyabr ayının 9-u Azərbaycan Silahlı qüvvələri tərəfindən işğaldan azad edilib.

BAKI, 4 mart — Sputnik. Azərbaycan Müdafiə Nazirliyi Zəngilan rayonunun Keçikli kəndindən videogörüntülər yayıb.

Sputnik Azərbaycan görüntüləri təqdim edir.

Keçikli kəndi Əsgülüm dağının yamacındadır. Yerli əhalinin məlumatına görə, yaşayış məntəqəsi XIX əsrdə Cənubi Azərbaycanın Qaradağ mahalından gəlmiş Məmmədkərimli tirəsinə mənsub ailələr və Naxçıvanın Husulu kəndindən çıxmış ailələr tərəfindən dağda kecid yerində salınıb. Oykonim keçik (keçid) sözündən və -li mənsubluq şəkilçisindən düzəlib. Bəzi tədqiqatçılar isə kəndin adını mənşəcə oğuz tayfalarından olan Keçililərin adı ilə bağlayırlar.

Keçikli 1993-ci ildə Ermənistan ordusu tərəfindən işğal edilib. 2020-ci il noyabr ayının 9-u Azərbaycan Silahlı Qüvvələri kəndi erməni tapdağından azad edib.

4