Uşaq

AQUPDK-dan əhaliyə çağırış: Kimsəsiz uşaqları övladlığa götürün

78
(Yenilənib 14:37 19.08.2015)
Elgün Səfərov: Övladlığa götürmə ilə bağlı yaranan problemlər Azərbaycanın demoqrafik vəziyyətinə mənfi təsir göstərir.

BAKI, 19 avq – Sputnik. “2006-2015-ci illəri əhatə edən “Dövlət uşaq müəssisələrindən uşaqların ailələrə verilməsi və alternativ qayğı Dövlət Proqramı”nda ailələrə verilən uşaqların sayının artması, dövlət uşaq müəssisələrində olan uşaqların və belə müəssisələrin, eləcə də dövlət uşaq müəssisələrinə yerləşdirilən uşaqların sayının azalması qarşıya məqsəd qoyulmuşdu. Amma təəssüf ki, biz bu gün Dövlət Proqramında qarşıya qoyulan məqsədə çatmamışıq”.

Sputnik xəbər verir ki, bunu APA-ya 

Elgün Səfərov
apa
Elgün Səfərov
 Elgün Səfərov deyib.

O, bildirib ki, övladlığa götürmə ilə bağlı yaranan problemlər Azərbaycanın demoqrafik vəziyyətinə mənfi təsir göstərir: “Azərbaycan dövləti bu gün valideyn himayəsindən məhrum uşaqlara öz qayğısını göstərir və bu işi davam etdirəcək. Ancaq bütün dünyada uşağın ailədə böyüməsi daha müsbət qəbul olunur. Digər tərəfdən Azərbaycanda övladlığa götürmə sahəsində yaradılan süni problemlərin birbaşa demoqrafik vəziyyətə təsiri var. Düzdür, Avropa ölkələrində olduğu kimi bizdə bu sahədə böhran yaşanmır, əhalinin sayında artım var. Lakin uşağın ailə mühitində böyüməsi gələcəkdə onun özünün ailəyə münasibətində müsbət təsirini göstərəcək. Ailədə böyüyən uşaq gələcəkdə həm fiziki, həm də psixoloji sağlam olacaq. Bu da öz növbəsində cəmiyyətin xeyrinədir”.

Şöbə müdirinin sözlərinə görə, hazırda uşaq övladlığa götürmək istəyən ailələrin sayı çox olsa da, onlar problemlə üzləşirlər: “Bütün dünyada olduğu kimi Azərbaycanda da övladlığa götürmə faktı məhkəmə qərarı ilə təsdiq edilir. Biz postsovet ölkəsi, həm də kontinental hüquqi sistemə aid olduğumuza görə övladlığa götürmə ilə bağlı qərar verərkən yerli qurumların rəyi əsas götürülür. Bir qayda olaraq daxili övladlığa götürmədə yerli icra hakimiyyəti orqanlarının, ölkələrarası övladlığa götürmədə isə Ailə, Qadın və Uşaq Problemləri üzrə Dövlət Komitəsinin rəyi əsas götürülür. Ailələr yerli icra hakimiyyətlərinə müraciət edirlər. Lazım olan sənədləri yığandan sonra rəyin verilməsi gecikdirilir. Bu süni bürokratik əngəllərin qarşısının alınması məqsədilə təkmilləşdirmə işləri davam etdirilməlidir. Bu gün yerli icra hakimiyyətində övladlığa götürmə işi ilə məşğul olan insanlar 6-7 vəzifəni bir yerdə icra edirlər. Ona görə də yerli icra hakimiyyətlərində çalışan insanlar yalnız övladlığa götürmə məsələsi ilə məşğul olmayacaqsa, problem qalmaqda davam edəcək. Onu da qeyd edim ki, süni əngəllərə baxmayaraq, hər il ölkədə 800-900 övladlığa götürmə faktı qeydə alınır ki, bu da özlüyündə müsbət məqamdır”.

Səfərov qeyd edib ki, bu sahədə yaranmış problemi həll etmək üçün qanunvericilik sahəsində islahatlar aparılmalıdır: “Eyni zamanda, yerli icra hakimiyyətlərində övladlığa götürmə ilə məşğul olan şəxslər bu sahə üzrə ixtisaslaşmalıdır. Həm də bu işdə uşaq hüquqlarının müdafiəsi sahəsində ixtisaslaşan xüsusi vəkillər olmalıdırlar ki, onlar ancaq bu fəaliyyətlə məşğul olsun. Problemdən çıxış yolu kimi, övladlığa götürmə işini bələdiyyələrə də həvalə etmək olar. Məsələn, Türkiyədə bu işlə bələdiyyələr məşğul olur”.

78

Xalq artisti Eldar Quliyev harada dəfn olunacaq?

3
Nazirlikdən o da bildirilib ki, mərhum sənətkarımızın qızı xarici ölkədə yaşadığına görə dəfn onun gəlişinə kimi müvəqqəti təxirə salınıb.

BAKI, 16 aprel — Sputnik. Xalq artisti, rejissor Eldar Quliyev "Qurd qapısı" qəbristanlığında dəfn ediləcək. Bu barədə Sputnik Azərbaycan-a Mədəniyyət Nazirliyindən bildirilib.

Qeyd olunub ki, onun dəfn yeri ailəsi tərəfindən, özünün vəsiyyəti ilə mərhum həyat yoldaşının dəfn olduğu Bakı şəhərindəki "Qurd qapısı" qəbristanlığı müəyyən edilib. Nazirlikdən o da bildirilib ki, mərhum sənətkarımızın qızı xarici ölkədə yaşadığına görə, dəfn onun gəlişinə kimi müvəqqəti təxirə salınıb.

Allah rəhmət eləsin!

3
Teqlər:
dəfn, Eldar Quliyev
Rusiya ilə sərhəd

Azərbaycan polisindən xəbərdarlıq: Rusiyada qanun dəyişib

4
(Yenilənib 11:30 16.04.2021)
Rusiya Federasiyasının (RF) "Beynəlxalq avtomobil daşımalarının həyata keçirilməsinə dövlət nəzarəti və həmin daşımaların icrası qaydalarının pozulmasına görə məsuliyyət haqqında" federal qanunvericiliyində dəyişiklik edilib.

BAKI, 16 aprel — Sputnik. Baş Dövlət Yol Polisi İdarəsi (BDYPİ) sürücülərə müraciət edib.

BDYPİ-dən Sputnik Azərbaycan-a daxil olan müraciətdə deyilir:

"Avtomobil nəqliyyatı ilə beynəlxalq sərnişin və yük daşımalarını həyata keçirən nəqliyyat vasitələri sahiblərinin və sürücülərin nəzərinə!

Tərəfdaş qurumlar tərəfindən verilmiş rəsmi məlumata istinad edərək bildiririk ki, Rusiya Federasiyasının (RF) "Beynəlxalq avtomobil daşımalarının həyata keçirilməsinə dövlət nəzarəti və həmin daşımaların icrası qaydalarının pozulmasına görə məsuliyyət haqqında" federal qanunvericiliyində dəyişiklik edilib.

Belə ki, hazırda qüvvədə olan dəyişikliyə əsasən, xarici daşıyıcıya məxsus nəqliyyat vasitəsi Rusiya Federasiyasının (RF) dövlət sərhəd buraxılış məntəqəsinə daxil olduğu zaman həmin nəqliyyat vasitəsilə əvvəllər RF ərazisində törədilən inzibati xətaya görə nəzərdə tutulan inzibati cərimənin ödənilməməsi halı aşkarlanarsa, qeyd olunan nəqliyyat vasitəsinin RF ərazisində hərəkətini davam etdirməsinə yalnız sözügedən inzibati cərimənin ödənilməsindən sonra icazə verilir.

Xarici daşıyıcı və ya onu təmsil edən nümayəndə nəqliyyat vasitəsi Rusiya Federasiyasının dövlət sərhəd buraxılış məntəqəsinə daxil olduqdan sonra 3 saat ərzində inzibati cərimə öhdəliyini yerinə yetirməlidir. Əks təqdirdə həmin nəqliyyat vasitəsinin Rusiya Federasiyasının ərazisindən xaric edilməsi üçün qanunla müəyyən olunmuş tədbirlər görüləcəkdir.

Bununla yanaşı, sözügedən qanunun müvafiq müddəalarının qüvvəyə minəcəyi 2021-ci il 7 iyul tarixindən etibarən eyni qaydaların Rusiya Federasiyasını tərk etmək istəyən xarici daşıyıcıya məxsus nəqliyyat vasitələrinə də şamil olunacağı nəzərdə tutulub. Yəni xarici daşıyıcıya məxsus nəqliyyat vasitəsilə Rusiya Federasiyasının ərazisində törədilmiş inzibati xətaya görə nəzərdə tutulan inzibati cərimə ödənilmədiyi təqdirdə həmin nəqliyyat vasitəsinin Rusiya Federasiyasının ərazisini tərk etməsinə məhdudiyyət tətbiq ediləcəkdir.

Eyni zamanda bildiririk ki, Rusiya Federasiyası Daxili İşlər Nazirliyinin Dövlət Yol Müfəttişliyinin rəsmi internet səhifəsində (гибдд.рф) xarici dövlət qeydiyyat nişanlı nəqliyyat vasitələrinin ödənilməmiş inzibati cərimələri haqqında məlumat əldə etmək imkanı yaradılıb".

4
Teqlər:
qanun, cərimə, dəyişiklik, Rusiya, müraciət, sürücülər, DYP