Bina

Mənzillərin qiymətləri 10 il əvvəlki səviyyəyə enəcək

501
(Yenilənib 16:08 27.07.2015)
Ekspert Nüsrət İbrahimov: Daşınmaz əmlak qiymətləri 2006-2007-ci illərdəki səviyyəyə qədər enəcək.

BAKI, 27 iyul – Sputnik. Daşınmaz əmlak bazarı üzrə ekspert, "MBA Group" konsaltinq şirkətinin baş direktoru Nüsrət İbrahimov yaxın 1-2 il ərzində evlərin qiymətinin kəskin surətdə düşəcəyini bildirib.

Bu barədə Sputnik-ə açıqlama verən ekspert, mənzil almaq haqda düşünənləri tələsməməyə çağırıb. O, daşınmaz əmlak qiymətlərinin 2006-2007-ci illərdəki səviyyəyə qədər enəcəyini bildirib. 

“Hazırki qiymətlər reallığı əks etdirmir və bu səbəblə bazarda durğunluq var. Bu da uzun müddət belə davam edə bilməz” — deyə İbrahimov əlavə edib.

Misal üçün demək olar ki, hazırda paytaxt Bakı şəhərinin mərkəzində 1 otaqlı köhnə tikili mənzilin orta qiyməti 60 000 AZN-dir. 2006-cı ildə isə bu qiymət maksimum 30 000 manat səviyyəsində idi. 

Ekspertin dediklərinə əsaslansaq, mənzil bazarındakı qiymətlərin yarı-yarıya enəcəyi gözlənilir. 


501
Teqlər:
Bakıda mənzillərin qiyməti, Bakıda evlərin qiyməti, mənzillərin qiyməti, evlərin qiyməti, MBA Group, Nüsrət İbrahimov, Bakı, Azərbaycan