https://sputnik.az/20240314/putin-rusiyalilara-muraciet-edib-463247735.html

Putin rusiyalılara müraciət edib

Putin rusiyalılara müraciət edib

Sputnik Azərbaycan

Rusiyada prezident seçkiləri artıq səkkizinci dəfədir keçirilir və bu, demokratik dövlətin əsas prinsiplərindən birinin toxunulmazlığını göstərir. 14.03.2024, Sputnik Azərbaycan

2024-03-14T15:52+0400

2024-03-14T15:52+0400

2024-03-14T16:18+0400

rusiya prezidenti vladimir putin

rusiya

müraciət

xalqa müraciət

müraciət

seçkilər

seçkilər

prezident seçkiləri

https://cdnn1.img.sputnik.az/img/07e7/0c/06/461127714_0:8:3011:1702_1920x0_80_0_0_55b31f96bbeed8ee561810526fec02b2.jpg

BAKI, 14 mart — Sputnik. Rusiya Prezidenti Vladimir Putin martın 15-17-də keçiriləcək prezident seçkiləri ərəfəsində rusiyalılara videomüraciət edib. Rusiya dövlət başçısı ölkə vətəndaşlarını səsvermədə iştirak etməyə çağırıb. "Birgə irəliləmək üçün birliyimizi və qətiyyətimizi təsdiq etmək lazımdır. Səsinizin hər biri dəyərli və əhəmiyyətlidir. Ona görə də sizi növbəti üç gündə səsvermə hüququnuzdan istifadə etməyə çağırıram" - Putin bildirib. Dövlət başçısı əlavə edib ki, hər bir şəhər, qəsəbə və kənddə seçki məntəqələri açılacaq. "Əziz dostlar! Biz hamımız, çoxmillətli Rusiya xalqı, böyük ailəyik. Biz öz doğma vətənimiz üçün narahatıq, onun qayğısına qalırıq, onun firavan, güclü, azad olmasını istəyirik. İstəyirik ki, dövlətimizin səviyyəsi və keyfiyyəti yüksəlsin" - prezident bildirib. "Biz hər şeyi tam istədiyimiz kimi edəcəyik. Ona görə də sizdən xahiş edirəm, seçkilərə gəlib vətəndaş və vətənpərvər mövqeyinizi ifadə edəsiniz, seçdiyiniz namizədə, sevimli Rusiyanın uğurlu gələcəyinə səs verəsiniz" - dövlət başçısı rusiyalılara müraciət edib. Vətənpərvərliyin təzahürü Putin xatırladıb ki, səsvermə martın 15-də başlayacaq və üç gün davam edəcək. O qeyd edib ki, Rusiyada prezident seçkiləri artıq səkkizinci dəfə keçirilir və bu, demokratik dövlətin əsas prinsiplərindən birinin toxunulmazlığını göstərir. Prezident qarşıdan gələn seçkiləri mühüm, son dərəcə məsuliyyətli hadisə adlandırıb. "Seçkinin nəticələri yaxın illərdə ölkənin inkişafına birbaşa təsir göstərəcək" - Putin deyib. Dövlət başçısı vurğulayıb ki, Rusiyanın taleyini yalnız Rusiya vətəndaşları həll edirlər: "Konstitusiyada təsbit edildiyi kimi, ölkədə hakimiyyətin yeganə mənbəyi xalqdır". Putinin sözlərinə görə, bu gün ölkə vətəndaşlarının seçkilərdə iştirakı vətənpərvərlik hisslərinin təzahürüdür. "Bunu Donbass və Novorossiya sakinləri yaxşı başa düşürlər, onlar ən çətin şəraitdə referendumda Rusiya ilə bir olmağa səs veriblər və bu günlərdə də öz seçimlərini edəcəklər" - prezident qeyd edib. Xüsusi əməliyyatın iştirakçıları da səs verəcəklər. Dövlət başçısı əlavə etdi ki, onlar bütün rusiyalılar üçün nümunə olublar. Prezident bəyan edib ki, Rusiya indi çətin dövr yaşayır: "Ölkəmiz bütün sahələrdə çətin sınaqlarla üzləşir. Onlara ləyaqətlə cavab verməyə davam etmək, çətinlikləri uğurla dəf etmək üçün biz birləşməliyik və özümüzə inamlı olmalıyıq". Putin əmindir ki, rusiyalılar artıq bir yerdə olmaq, Vətənin azadlığını, suverenliyini və təhlükəsizliyini müdafiə etmək, öz dəyərlərini müdafiə etmək, vicdan və ədalətlə hərəkət etmək bacarıqlarını sübut ediblər. Rusiya Federasiyasının vətəndaşlarının necə və hansı ölkəni qurmalı, hansı planları həyata keçirməli olduqları barədə öz fikirləri var. "Bu gün bu yoldan dönməmək çox vacibdir. Nəzərdə tutulana, qarşıya qoyulan irimiqyaslı məqsədlərə nail olmaq lazımdır. Ona görə də qarşıdakı günlərdə çox şey sizdən asılıdır" - Putin fikirlərini yekunlaşdırıb. Əvvəlki illərdə Putin federal seçkilərlə bağlı səkkiz dəfə vətəndaşlara müraciət edib: 2000, 2004, 2012, 2016, 2018-ci illərdə (iki dəfə - prezident seçkiləri öncəsi və onların nəticələrinə yekun vurulduqdan sonra), 2021-ci ildə, eləcə də ümummilli seçkilərdə, Rusiya Federasiyasının Konstitusiyasına dəyişikliklərin qəbulu ilə bağlı səsvermədə (2020-ci ildə).

2024

xəbərlər

ru_AZ

rusiya prezidenti vladimir putin, müraciət, xalqa müraciət, müraciət, seçkilər, seçkilər, prezident seçkiləri