https://sputnik.az/20240301/su-anbarini-yudurtmayan-mtk-lari-hansi-ceza-gozleyir-resmi-aciqlama-462960052.html
Su anbarını yudurtmayan MTK-ları hansı cəza gözləyir? Rəsmi açıqlama
Su anbarını yudurtmayan MTK-ları hansı cəza gözləyir? Rəsmi açıqlama
Sputnik Azərbaycan
Qurum nümayəndəsi bildirib ki, qəza hallarında suyun keyfiyyətində problemlər müşahidə oluna bilər. 01.03.2024, Sputnik Azərbaycan
2024-03-01T10:21+0400
2024-03-01T10:21+0400
2024-03-01T10:50+0400
su anbarı
mtk
cəmiyyət
yuma
cərimə
respublika gigiyena və epidemiologiya mərkəzi
"azərsu" asc
deputat
standart
manat
https://cdnn1.img.sputnik.az/img/42222/08/422220887_0:160:3072:1888_1920x0_80_0_0_eed5e046b5c6e7b7bba18fe94363252f.jpg
BAKI, 1 mart — Sputnik. "Azərsu" Açıq Səhmdar Cəmiyyəti suyun keyfiyyəti ilə bağlı səsləndirilən iradlara münasibət bildirib. Cəmiyyətin baş texnoloqu Cəmil Babayev Sputnik Azərbaycan-a açıqlamasında bildirib ki, suyun tərkibində 3,9% bakterioloji göstəricilərin qeydə alınması norma çərçivəsindədir. "Suyun keyfiyyətini təyin etmək üçün 110 anlayış var. Suyun keyfiyyəti tək bir göstərici ilə təyin olunmur. "İçməli su. Gigiyenik tələblər və keyfiyyət üzrə nəzarət" AZS 929:2023 dövlət standartının tələblərinə əsasən bu göstərici 5 faizi keçməməlidir. Fiziki-kimyəvi göstəricilərin isə kənaraçıxması mərkəzləşdirilməmiş su mənbələrində suyun ümumi codluğunun yüksək olması ilə bağlıdır. Müəyyən qədər kənarlaşma insan orqanizminə davamlı istifadə zamanı təhlükə yaratmır". C.Babayev deyib ki, "Azərsu" ASC-nin işi suyu satmaqdır. Yaşayış binalarında əhaliyə verilən suyun keyfiyyətinə isə MTK-lar cavabdehdir. Qurum nümayəndəsi həmçinin bildirib ki, qəza hallarında suyun keyfiyyətində problemlər müşahidə oluna bilər. Amma digər hallarda əhaliyə verilən suyun keyfiyyət göstəriciləri normaya uyğundur.Qeyd edək ki, Milli Məclisin Təbii ehtiyatlar, energetika və ekologiya və Aqrar siyasət komitələrinin birgə təşkilatçılığı ilə keçirilən "Ölkənin su təsərrüfatı: problemlər və yeni çağırışlar" mövzusunda dinləmədə deputat Məlahət İbrahimqızı bildirib ki, Bakıda binalarda olan su çənlərinin təmizlənməsinə nəzarət edilmir. Deputat bildirib ki, bu çənlər təmizlənir, təmizlənmir, bilinmir:Deputat İltizam Yusifov isə deyib ki, emal etdiyimiz, xərc çəkdiyimiz təmiz içməli suyu insanlara çatdıra bilmirik:"Binalarda su çirkli çənə tökülür və insanlar qumlu, çirkli su içir. Bu gün 600 min tondan artıq içməli suyu insanlar alır. Evlərdə qablaşdırılmış sulardan əhali istifadə edir. Biz içməli təmiz su emal ediriksə, bu, əhali üçün çox böyük xərcdir. Texniki suyun içməli sudan ayrılması məsələsi diqqətə alınmalıdır. Bu, böyük xərc tələb edən prosesdir. Biz bundan əvvəl çoxmənzilli binalarda müəyyən format müəyyənləşdirməliyik ki, yağış sularından istifadə edərək texniki suyla bunu əvəzləmiş olaq. Bu, həm də daha az xərc tələb edər". Səhiyyə Nazirliyinin Respublika Gigiyena və Epidemiologiya Mərkəzinin Kommunal Gigiyena bölməsinin müdiri Eldar Abdullayev Sputnik Azərbaycan-a açıqlamasında bildirib ki, MTK-lar sahibkarlıq subyektidir. Yaşayış binalarının su anbarları isə MTK-ların balansındadır. O, əlavə edib ki, yaşayış binalarının sakinləri binanın komendantından anbarın hansı tarixdə yuyulub-təmizlənməsi barədə məlumatı tələb edə bilərlər:Apardığımız araşdırma zamanı məlum oldu ki, su anbarlarının yuyulması qiymətləri 500 manatdan başlayır. Su anbarının ortalama tutumu adətən 300-500 kubmetr arasında olur. Bu həcmdə anbarların yuyulması isə 700-800 manat arasında dəyişir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rosiya Segodnya“
2024
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
su anbarı, mtk, yuma, cərimə, respublika gigiyena və epidemiologiya mərkəzi, "azərsu" asc, deputat, standart, manat
su anbarı, mtk, yuma, cərimə, respublika gigiyena və epidemiologiya mərkəzi, "azərsu" asc, deputat, standart, manat
Su anbarını yudurtmayan MTK-ları hansı cəza gözləyir? Rəsmi açıqlama
10:21 01.03.2024 (Yenilənib: 10:50 01.03.2024) Qurum nümayəndəsi bildirib ki, qəza hallarında suyun keyfiyyətində problemlər müşahidə oluna bilər.
BAKI, 1 mart — Sputnik. "Azərsu" Açıq Səhmdar Cəmiyyəti suyun keyfiyyəti ilə bağlı səsləndirilən iradlara münasibət bildirib. Cəmiyyətin baş texnoloqu Cəmil Babayev Sputnik Azərbaycan-a açıqlamasında bildirib ki, suyun tərkibində 3,9% bakterioloji göstəricilərin qeydə alınması norma çərçivəsindədir.
"Suyun keyfiyyətini təyin etmək üçün 110 anlayış var. Suyun keyfiyyəti tək bir göstərici ilə təyin olunmur. "İçməli su. Gigiyenik tələblər və keyfiyyət üzrə nəzarət" AZS 929:2023 dövlət standartının tələblərinə əsasən bu göstərici 5 faizi keçməməlidir. Fiziki-kimyəvi göstəricilərin isə kənaraçıxması mərkəzləşdirilməmiş su mənbələrində suyun ümumi codluğunun yüksək olması ilə bağlıdır. Müəyyən qədər kənarlaşma insan orqanizminə davamlı istifadə zamanı təhlükə yaratmır".
C.Babayev deyib ki, "Azərsu" ASC-nin işi suyu satmaqdır. Yaşayış binalarında əhaliyə verilən suyun keyfiyyətinə isə MTK-lar cavabdehdir. Qurum nümayəndəsi həmçinin bildirib ki, qəza hallarında suyun keyfiyyətində problemlər müşahidə oluna bilər. Amma digər hallarda əhaliyə verilən suyun keyfiyyət göstəriciləri normaya uyğundur.
Qeyd edək ki, Milli Məclisin Təbii ehtiyatlar, energetika və ekologiya və Aqrar siyasət komitələrinin birgə təşkilatçılığı ilə keçirilən "Ölkənin su təsərrüfatı: problemlər və yeni çağırışlar" mövzusunda dinləmədə deputat Məlahət İbrahimqızı bildirib ki, Bakıda binalarda olan su çənlərinin təmizlənməsinə nəzarət edilmir.
Deputat bildirib ki, bu çənlər təmizlənir, təmizlənmir, bilinmir:
"Əksəriyyət artıq hündürmərtəbəli binalarda yaşayır. Hamı təsdiq edər ki, kranı açanda qum gəlir. Mən heç öz həyətimizdə çənin təmizlənməsini görməmişəm. Bununla bağlı qurumlar koordinasiyalı fəaliyyət göstərməlidir".
Deputat İltizam Yusifov isə deyib ki, emal etdiyimiz, xərc çəkdiyimiz təmiz içməli suyu insanlara çatdıra bilmirik:
"Binalarda su çirkli çənə tökülür və insanlar qumlu, çirkli su içir. Bu gün 600 min tondan artıq içməli suyu insanlar alır. Evlərdə qablaşdırılmış sulardan əhali istifadə edir. Biz içməli təmiz su emal ediriksə, bu, əhali üçün çox böyük xərcdir. Texniki suyun içməli sudan ayrılması məsələsi diqqətə alınmalıdır. Bu, böyük xərc tələb edən prosesdir. Biz bundan əvvəl çoxmənzilli binalarda müəyyən format müəyyənləşdirməliyik ki, yağış sularından istifadə edərək texniki suyla bunu əvəzləmiş olaq. Bu, həm də daha az xərc tələb edər".
Səhiyyə Nazirliyinin Respublika Gigiyena və Epidemiologiya Mərkəzinin Kommunal Gigiyena bölməsinin müdiri Eldar Abdullayev Sputnik Azərbaycan-a açıqlamasında bildirib ki, MTK-lar sahibkarlıq subyektidir. Yaşayış binalarının su anbarları isə MTK-ların balansındadır.
"Bizim qurum su anbarlarını təmizləmir. Anbarları MTK-lar müvafiq şirkətlərlə müqavilə bağlayaraq ildə ən azı bir dəfə təmizlətməlidirlər. Azərbaycanda "İçməli su. Gigiyenik tələblər və keyfiyyət üzrə nəzarət" AZS 929:2023 dövlət standartı qüvvəyə minib. Yeni standartın tələbinə görə MTK-lar ildə bir dəfə su anbarını yudurtmalıdır. Əgər bunu etməyibsə, laborator müayinələr zamanı çirklənmə aşkarlanıbsa, İnzibati Xətalar Məcəlləsinin 265-ci maddəsinin 265.2 bəndinə əsasən "İçməli suyun keyfiyyətinin sanitariya tələblərinə və dövlət standartlarına uyğun gəlməməsinə görə" üç yüz manatdan beş yüz manatadək məbləğdə cərimə edilir" - E.Abdullayev bildirib.
O, əlavə edib ki, yaşayış binalarının sakinləri binanın komendantından anbarın hansı tarixdə yuyulub-təmizlənməsi barədə məlumatı tələb edə bilərlər:
"Əgər MTK su anbarını ən azı ildə bir dəfə təmizlədibsə, sakinlərə bunu əks etdirən müqavilə sənədini təqdim etməlidir".
Apardığımız araşdırma zamanı məlum oldu ki, su anbarlarının yuyulması qiymətləri 500 manatdan başlayır. Su anbarının ortalama tutumu adətən 300-500 kubmetr arasında olur. Bu həcmdə anbarların yuyulması isə 700-800 manat arasında dəyişir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
