Fazil Mustafaya yüksək vəfizə verildi
Abunə olmaq
Milli Məclisin Mədəniyyət komitəsinə sədri Fazil Mustafa, Deputat Ülviyyə Ağayeva isə komitənin sədr müavini olub.
BAKI, 8 dekabr — Sputnik. Milli Məclisin Mədəniyyət komitəsinə sədr seçilib. Deputat Fazil Mustafa komitəyə sədr seçilib.
Bu barədə spiker Sahibə Qafarova məlumat verib. Plenar iclas zamanı layihə səsverməyə qoyularaq qəbul edilib.
Deputat Ülviyyə Ağayeva isə komitənin sədr müavini seçilib.
Qeyd edək ki, komitənin keçmiş sədri Qənirə Paşayeva olub. O, bu ilin sentyabr ayında dünyasını dəyişib.
Qeyd edək ki, Milli Məclisin Mədəniyyət komitəsi mədəniyyət və mədəni sərvətlərin mühafizəsi sahələrində dövlət siyasətinin formalaşdırılması və həyata keçirilməsinə dair qanun və qərar layihələri üzrə aparıcı komitədir:
Mədəniyyət komitəsi: mədəniyyət, o cümlədən dil, ədəbiyyat, incəsənət, muzey, teatr, kino, dizayn, memarlıq, şəhərsalma, kitabxanaçılıq, arxiv işi, habelə mədəni sərvətlərin mühafizəsi sahələrinə dair qanun layihələrini hazırlayır və ya təqdim olunmuş qanun layihələrinə dair rəy verir;
Azərbaycan Respublikası Milli Məclisinin Əmək və sosial siyasət komitəsi ilə birlikdə turizmlə bağlı, İnsan hüquqları komitəsi ilə birlikdə kütləvi informasiya vasitələri ilə bağlı qanun layihələrini hazırlayır və ya təqdim olunmuş qanun layihələrinə dair rəy verir;
Azərbaycan Respublikası Milli Məclisinin və ya Azərbaycan Respublikası Milli Məclisi sədrinin tapşırığı ilə qanun və qərar layihələrində mədəniyyət məsələlərinə dair rəy verir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
