https://sputnik.az/20231024/boyuk-huseyn-cavidin-ev-muzeyi-orada-neler-saxlanilir-459891569.html
Böyük Hüseyn Cavidin ev-muzeyi: orada nələr saxlanılır
Böyük Hüseyn Cavidin ev-muzeyi: orada nələr saxlanılır
Sputnik Azərbaycan
Maestronun ev-muzeyində təkcə şəxsi əşyalar deyil, həm də şair və dramaturqun əlyazmaları təqdim olunur. 24.10.2023, Sputnik Azərbaycan
2023-10-24T13:28+0400
2023-10-24T13:28+0400
2023-10-24T13:28+0400
video
azərbaycan
hüseyn cavid
muzey
https://cdnn1.img.sputnik.az/img/07e7/0a/18/459891219_0:0:1920:1080_1920x0_80_0_0_8e8c8ddad2ec72ee485b6bec880ce4b8.jpg
Sputnik Azərbaycan ölkəmizdə mütərəqqi romantizmin görkəmli nümayəndəsi və banilərindən biri Hüseyn Cavidin ev-muzeyində olub. Bu il oktyabrın 24-də Hüseyn Cavidin 141 yaşı tamam olur. Muzey İstiqlaliyyət küçəsində, məşhur xeyriyyəçi Zeynalabdin Tağıyev tərəfindən tikilmiş qədim memarlıq binasında yerləşir. Hüseyn Cavidin ev-muzeyinin direktoru, filologiya elmləri namizədi Gülbəniz Babaxanlının dediyi kimi, şair 1882-ci ildə Naxçıvan şəhərində anadan olub. İbtidai təhsilini doğma şəhərində alan Hüseyn Cavid, sonra Təbrizdə dini mədrəsəyə daxil olub. Daha sonra o, Türkiyənin İstanbul Universitetinin “Ədəbiyyat” fakültəsində təhsil alıb, burada Türkiyənin tanınmış yazıçı və şairləri ilə tanış olub. 1918-ci ildə Bakıya köçən Hüseyn Cavid 1921-ci ildən 1937-ci ilə qədər bu evdə ailəsi ilə birlikdə yaşayıb. Muzeyin açılışı 2002-ci il oktyabrın 24-də şairin anadan olmasının 120-ci ildönümündə ümummilli lider Heydər Əliyevin iştirakı ilə baş tutub. Əvvəllər Hüseyn Cavidin ev-muzeyi Azərbaycan Milli Elmlər Akademiyasının “Elmi şöbəsi”nin tərkibində olub, 2022-ci ilin iyul ayından o, Azərbaycan Mədəniyyət Nazirliyinin tabeliyinə verilib. Muzey dörd otaq və foyedən ibarətdir. Muzeydə 12 mindən çox eksponat, o cümlədən Hüseyn Cavidin geyim əşyaları, əsərlərinin nəşrləri, dramaturqun əlyazmaları, tamaşaların afişaları, həmçinin ailəsinə aid əşyalar saxlanılır. 1939-cu ildə Maqadana sürgün edilən Hüseyn Cavid iki ildən sonra orada dünyasını dəyişib. 1982-ci ildə Heydər Əliyevin səyi ilə şairin cənazəsi Vətənə qaytarılaraq yenidən doğma Naxçıvanda dəfn edilib. Hüseyn Cavidin məzarı üstündə məqbərə və abidə ucaldılıb. Direktor qeyd edib ki, hər il oktyabrın 24-də Hüseyn Cavidin doğum günü münasibətilə onun ev-muzeyində tədbir təşkil olunur. Gülbəniz Babaxanlı şairin yaradıcılığına həsr olunmuş çoxlu sayda monoqrafiyaların müəllifidir. Bu il o, Heydər Əliyevin anadan olmasının 100 illiyinə həsr olunmuş Heydər Əliyev Hüseyn Cavid İrsinin böyük hamisi ("Heydər Əliyev - Hüseyn Cavid irsinin böyük hamisi") kitabını nəşr etdirib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Kəmalə Əliyeva
https://cdnn1.img.sputnik.az/img/07e5/06/11/427241105_0:0:640:641_100x100_80_0_0_5dbc84add6e6f16e92f3dc6b604e67db.jpg
Kəmalə Əliyeva
https://cdnn1.img.sputnik.az/img/07e5/06/11/427241105_0:0:640:641_100x100_80_0_0_5dbc84add6e6f16e92f3dc6b604e67db.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Kəmalə Əliyeva
https://cdnn1.img.sputnik.az/img/07e5/06/11/427241105_0:0:640:641_100x100_80_0_0_5dbc84add6e6f16e92f3dc6b604e67db.jpg
azərbaycan, видео, hüseyn cavid, muzey
azərbaycan, видео, hüseyn cavid, muzey
Böyük Hüseyn Cavidin ev-muzeyi: orada nələr saxlanılır
Maestronun ev-muzeyində təkcə şəxsi əşyalar deyil, həm də şair və dramaturqun əlyazmaları təqdim olunur.
Sputnik Azərbaycan ölkəmizdə mütərəqqi romantizmin görkəmli nümayəndəsi və banilərindən biri Hüseyn Cavidin ev-muzeyində olub. Bu il oktyabrın 24-də Hüseyn Cavidin 141 yaşı tamam olur.
Muzey İstiqlaliyyət küçəsində, məşhur xeyriyyəçi Zeynalabdin Tağıyev tərəfindən tikilmiş qədim memarlıq binasında yerləşir. Hüseyn Cavidin ev-muzeyinin direktoru, filologiya elmləri namizədi Gülbəniz Babaxanlının dediyi kimi, şair 1882-ci ildə Naxçıvan şəhərində anadan olub.
İbtidai təhsilini doğma şəhərində alan Hüseyn Cavid, sonra Təbrizdə dini mədrəsəyə daxil olub. Daha sonra o, Türkiyənin İstanbul Universitetinin “Ədəbiyyat” fakültəsində təhsil alıb, burada Türkiyənin tanınmış yazıçı və şairləri ilə tanış olub. 1918-ci ildə Bakıya köçən Hüseyn Cavid 1921-ci ildən 1937-ci ilə qədər bu evdə ailəsi ilə birlikdə yaşayıb.
Muzeyin açılışı 2002-ci il oktyabrın 24-də şairin anadan olmasının 120-ci ildönümündə ümummilli lider Heydər Əliyevin iştirakı ilə baş tutub. Əvvəllər Hüseyn Cavidin ev-muzeyi Azərbaycan Milli Elmlər Akademiyasının “Elmi şöbəsi”nin tərkibində olub, 2022-ci ilin iyul ayından o, Azərbaycan Mədəniyyət Nazirliyinin tabeliyinə verilib. Muzey dörd otaq və foyedən ibarətdir.
Muzeydə 12 mindən çox eksponat, o cümlədən Hüseyn Cavidin geyim əşyaları, əsərlərinin nəşrləri, dramaturqun əlyazmaları, tamaşaların afişaları, həmçinin ailəsinə aid əşyalar saxlanılır.
“Dəyərli eksponatlardan biri də yemək masasıdır. Hüseyn Cavid 1937-ci il iyunun 4-də “xalq düşməni” elan edilərək həbs edilib. Şairi həbs etmək üçün gələn NKVD işçiləri axtarış aparsalar da, Cavidin bəzi əsərlərini tapmayıblar. Onların heç ağıllarına gəlməzdi ki, o, qeydlərinin bəzilərini nahar masasının gizli qutularında gizlədib", - deyə Gülbəniz xanım bildirib.
1939-cu ildə Maqadana sürgün edilən Hüseyn Cavid iki ildən sonra orada dünyasını dəyişib. 1982-ci ildə Heydər Əliyevin səyi ilə şairin cənazəsi Vətənə qaytarılaraq yenidən doğma Naxçıvanda dəfn edilib. Hüseyn Cavidin məzarı üstündə məqbərə və abidə ucaldılıb.
Direktor qeyd edib ki, hər il oktyabrın 24-də Hüseyn Cavidin doğum günü münasibətilə onun ev-muzeyində tədbir təşkil olunur. Gülbəniz Babaxanlı şairin yaradıcılığına həsr olunmuş çoxlu sayda monoqrafiyaların müəllifidir. Bu il o, Heydər Əliyevin anadan olmasının 100 illiyinə həsr olunmuş Heydər Əliyev Hüseyn Cavid İrsinin böyük hamisi ("Heydər Əliyev - Hüseyn Cavid irsinin böyük hamisi") kitabını nəşr etdirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
