https://sputnik.az/20231011/emek-huquqlarinin-kobud-sekilde-pozulmasi-hallari-askarlanib-459518725.html

Əmək hüquqlarının kobud şəkildə pozulması halları aşkarlanıb

Əmək hüquqlarının kobud şəkildə pozulması halları aşkarlanıb

Sputnik Azərbaycan

Daxil olmuş məlumatlar əsasında Baş Prokurorluğun Cinayət təqibindən kənar icraatlar idarəsində araşdırma aparılıb. 11.10.2023, Sputnik Azərbaycan

2023-10-11T23:16+0400

2023-10-11T23:16+0400

2023-10-11T23:16+0400

əmək məcəlləsi

cəmiyyət

əmək haqları

qanunvericiliyin pozulması

əmək və əhalinin sosial müdafiə nazirliyi

https://cdnn1.img.sputnik.az/img/07e5/03/1f/426584890_0:84:2001:1209_1920x0_80_0_0_8a2c3a0fde3e191dde48681842d3a1c0.jpg

BAKI, 11 oktyabr — Sputnik. Vətəndaşların əmək hüquqlarının pozulması halları ilə bağlı Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətindən daxil olmuş məlumatlar əsasında Baş Prokurorluğun Cinayət təqibindən kənar icraatlar idarəsində araşdırma aparılıb. Baş Prokurorluğun mətbuat xidmətindən bildirilib ki, araşdırma zamanı "Freco Company Group" MMC tərəfindən vətəndaşların əmək müqaviləsi (kontraktı) hüquqi qüvvəyə minmədən işlərin (xidmətlərin) yerinə yetirilməsinə cəlb edilməsi, habelə "CRF-GROUP" MMC, "B.Sərdarov adına maşınqayırma zavodu" MMC, "Anar Food" MMC və müxtəlif fərdi sahibkarlar tərəfindən isə işçilərə əmək haqqı və son haqq-hesabın ödənilməməsi nəticəsində qanunvericiliklə nəzərdə tutulmuş əmək hüquqlarının kobud şəkildə pozulması müəyyənləşdirilib. Göstərilən faktlar üzrə İnzibati Xətalar Məcəlləsinin 192.1-ci və 192.4-cü maddələri ilə inzibati xəta haqqında iş üzrə icraatlar başlanaraq baxılması üçün aidiyyəti üzrə məhkəməyə və Dövlət Əmək Müfəttişliyi Xidmətinə göndərilib.

2023

xəbərlər

ru_AZ

əmək məcəlləsi, əmək haqları, qanunvericiliyin pozulması, əmək və əhalinin sosial müdafiə nazirliyi