https://sputnik.az/20230506/dtx-bakida-video-cekenleri-niye-saxladi---video-454560720.html

DTX Bakıda video çəkənləri niyə saxladı - Video

DTX Bakıda video çəkənləri niyə saxladı - Video

Sputnik Azərbaycan

Qurumdan bildirilib ki, insanlar arasında təşvişə və süni ajiotaja səbəb olacaq hərəkətlərə yol verən şəxslər barəsində ən ciddi məsuliyyət tədbirləri... 06.05.2023, Sputnik Azərbaycan

2023-05-06T14:51+0400

2023-05-06T14:51+0400

2023-05-06T14:51+0400

dtx

paytaxt xəbərləri

əməliyyat

erməni

qadın

telegram

https://cdnn1.img.sputnik.az/img/42435/47/424354700_0:0:1001:563_1920x0_80_0_0_552cc1bec192194c4904e2eb2f15bc3d.jpg

BAKI, 6 may - Sputnik. Dövlət Təhlükəsizliyi Xidməti uğurlu əməliyyat keçirib. Budəfəki əməliyyatla Ermənistan xüsusi xidmət orqanlarının Azərbaycanda planlaşdırdığı təxribat və onun iştirakçıları ifşa edilib. Sputnik Azərbaycan Xəzərxəbər-ə istinadən xəbər verir ki, teleqram kanallarında yayılan videolarla “Xaytarak” radikal qruplaşması Azərbaycanda sanki nümayəndələrinin olması görüntüsünü yaradaraq Bakıda insanlar arasında təşviş yaratmaq istəyib. Şəhidlər xiyabanında ermənilərə məxsus “Xaytarak” və “Erməni Ari dövləti” radikal quruplaşmasının emblemlərinin mobil telefonda əks olunmuş fotoşəklinin videoçəkilişləri aparılıb. Görüntülərdən aydın görünür ki, çəkiliş edən şəxs qadındır. Həmin kadrlar sosial şəbəkələrdə yayılan kimi Dövlət Təhlükəsizliyi Xidməti dərhal əməliyyat-axtarış tədbirlərinə başlayıb. Bu zaman hər bir detal diqqətlə yoxlanılıb. Əvvəlcə xüsusi əməliyyatla həmin videoları çəkən Rusiya əsilli, İtalya vətəndaşı olan Yana Gutselyuk saxlanıb. Araşdırmalarla məlum olub ki, Yana həyat yoldaşının işi ilə əlaqədar olaraq uşaqları ilə birlikdə Bakıya gəlib. O, burada olarkən "teleqram"da turizm yönümlü səhifələrə üzv olaraq əsasən gəzməli-görməli yerlərlə maraqlanıb. Bu zaman qadından əslən azərbaycanlı olduğunu və Rusiyada yaşayan “Baku Siti” restoranının sahibi kimi təqdim edən şəxs kömək istəyib. Bunun müqabilində pul ödəyəcəyini də bildirib. Digər şəxs Yelena Lariontseva isə ifadəsində bildirib ki, Azərbaycanda turizim sektorunda işlədiyi üçün sosial şəbəkə qruplarında Rusiyadan yeni gələnlərə köməklik edib. Ona Rusiyada olduğunu bildirən bir nəfər tanımadığı şəxs teleqram sosial şəbəkəsində yazıb ki, Şəhidlər xiyabanından foto və video çəkib göndərsin. Yelena da Bakıda olan rəfiqəsi Lalə Bəhrəmovadan bu işdə ona kömək etməsini xahiş edib. Onlar birlikdə Şəhidlər xiyabanına gedərək tanımadıqları şəxslərin istəklərini yerinə yetiriblər. Sonra həmin adam Yelena Lariontsevaya bildirib ki, “mən azərbaycanlıyam və mənə inan”. Y.Lariontseva ilə Şəhidlər xiyabanında “Xaytarak” radikal quruplaşmasının embleminin fonunda şəkil və video çəkən əslən azərbaycanlı və Rusiyada yaşayan Lalə Bəhrəmova da saxlanaraq ifadəsi alınıb. Lalə bildirib ki, atası milliyyətcə azərbaycanlı, anası isə rus olub. 1995-ci ildə valideynləri ayrılarkən Lalə anası ilə Rusiyaya köçüb və orada yaşayıb. Dövlət Təhlükəsizliyi Xidməti tərəfindən aparılmış araşdırmalarla “Xaytarak” radikal qruplaşmanın Teleqram kanalının təsisçi və inzibatçıları da müəyyən edilib. Məlum olub ki, onlar Rusiyanın müxtəlif yerlərində yaşayan Qurqen Torosyan, Sarkis Arutyunan, İqor Akopdjanyan və Artur Martirosyandır.DTX-da bildirilib ki, əhali arasında təşviş yaratmaq, vahimə salmaq kimi hallara qarşı bundan sonra da qətiyətli mübarizəsini davam etdirəcək. İnsanlar arasında təşvişə və süni ajiotaja səbəb olacaq hərəkətlərə yol verən şəxslər barəsində ən ciddi məsuliyyət tədbirləri görüləcək. Xatırladaq ki, DTX ötən il erməni xüsusi xidmət orqanlarının təsirinə düşərək Bakıdan video çəkib göndərən yeniyetməni saxlamışdı.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

dtx, əməliyyat, erməni, qadın, telegram