https://sputnik.az/20230129/randa-azerbaycanin-diplomatik-numayendelerine-qarsi-tehdidler-var---xn-451174579.html
İranda Azərbaycanın diplomatik nümayəndələrinə qarşı təhdidlər var - XİN
İranda Azərbaycanın diplomatik nümayəndələrinə qarşı təhdidlər var - XİN
Sputnik Azərbaycan
Xələf Xələfov: "Səfirliyin mühafizəsi, səfirlikdə çalışan əməkdaşlarımızın təhlükəsizliyinin təmin edilməsi ilə bağlı İran tərəfinə etibarımız, etimadımız... 29.01.2023, Sputnik Azərbaycan
2023-01-29T23:27+0400
2023-01-29T23:27+0400
2023-01-29T23:27+0400
siyasət
xələf xələfov
iran
https://cdnn1.img.sputnik.az/img/42063/77/420637798_0:0:2000:1125_1920x0_80_0_0_ed8838d0ea3260ba81bdb892b03fe618.jpg
BAKI, 29 yanvar - Sputnik. Azərbaycan Xarici işlər nazirinin müavini Xələf Xələfov ölkəmizin İrandakı səfirliyinə hucum faktının araşdırılması üçün rəsmi Tehranla əməkdaşlıq edə biləcəklərini açıqlayıb. “Təbii ki, belə məsələlərin həll olunmasında dövlətlər arasında əməkdaşlıq həyata keçirilir”, - o, deyib. Xələf Xələfov bildirib ki, bu cinayətin açılması ilə əlaqədar Azərbaycan beynəlxalq mexanizmlərdən istifadə etməyi planlaşdırır:“Yaranmış şəraitdə Azərbaycan Prezidenti çətin də olsa bu qərarı qəbul etdi ki, Tehrandakı səfirliyimiz təxliyə olunmalıdır. Əlbəttə hər hansı ölkədə səfirliyin, diplomatik nümayəndəliyin fəaliyyətini dayandırması çox məsuliyyətli qərardır.Amma siz bilməlisiniz ki, biz bunu İran tərəfinin də nəzərinə çatdırmışıq, səfirliyimizin mühafizəsi, səfirlikdə çalışan əməkdaşlarımızın təhlükəsizliyinin təmin edilməsi ilə bağlı İran tərəfinə etibarımız, etimadımız, inamımız yoxdur.Nə üçün bunu deyirik? Çünki dəfələrlə biz İran tərəfinin nəzərinə çatdırmışdıq ki, Azərbaycan Respublikasının diplomatik nümayəndəliklərinə qarşı İran ərazisində təhdidlər var. İran tərəfindən tələb etmişdik ki, mühafizə, təhlükəsizlik tədbirlərini artırsınlar. Dünən baş verən hadisə onu göstərir ki, İran buna etinasız, məsuliyyətsiz yanaşıb və bu terror aktı baş verib”.Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı səfirliyinə silahlı hücum olub. Məlumata görə, hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar.Azərbaycan səfirliyinə hücum edən şəxs səfirlik əməkdaşları tərəfindən saxlanılıb.
https://sputnik.az/20230129/azerbaycanin-randaki-sefirliyi-fealiyyetini-dayandirib-tebriz-konsullugu-ise-isleyecek-451173756.html
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
xələf xələfov, iran
İranda Azərbaycanın diplomatik nümayəndələrinə qarşı təhdidlər var - XİN
Xələf Xələfov: "Səfirliyin mühafizəsi, səfirlikdə çalışan əməkdaşlarımızın təhlükəsizliyinin təmin edilməsi ilə bağlı İran tərəfinə etibarımız, etimadımız, inamımız yoxdur"
BAKI, 29 yanvar - Sputnik. Azərbaycan Xarici işlər nazirinin müavini Xələf Xələfov ölkəmizin İrandakı səfirliyinə hucum faktının araşdırılması üçün rəsmi Tehranla əməkdaşlıq edə biləcəklərini açıqlayıb.
“Təbii ki, belə məsələlərin həll olunmasında dövlətlər arasında əməkdaşlıq həyata keçirilir”, - o, deyib.
Xələf Xələfov bildirib ki, bu cinayətin açılması ilə əlaqədar Azərbaycan beynəlxalq mexanizmlərdən istifadə etməyi planlaşdırır:
“Yaranmış şəraitdə Azərbaycan Prezidenti çətin də olsa bu qərarı qəbul etdi ki, Tehrandakı səfirliyimiz təxliyə olunmalıdır. Əlbəttə hər hansı ölkədə səfirliyin, diplomatik nümayəndəliyin fəaliyyətini dayandırması çox məsuliyyətli qərardır.
Amma siz bilməlisiniz ki, biz bunu İran tərəfinin də nəzərinə çatdırmışıq, səfirliyimizin mühafizəsi, səfirlikdə çalışan əməkdaşlarımızın təhlükəsizliyinin təmin edilməsi ilə bağlı İran tərəfinə etibarımız, etimadımız, inamımız yoxdur.
Nə üçün bunu deyirik? Çünki dəfələrlə biz İran tərəfinin nəzərinə çatdırmışdıq ki, Azərbaycan Respublikasının diplomatik nümayəndəliklərinə qarşı İran ərazisində təhdidlər var. İran tərəfindən tələb etmişdik ki, mühafizə, təhlükəsizlik tədbirlərini artırsınlar. Dünən baş verən hadisə onu göstərir ki, İran buna etinasız, məsuliyyətsiz yanaşıb və bu terror aktı baş verib”.
Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı səfirliyinə silahlı hücum olub. Məlumata görə, hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar.
Azərbaycan səfirliyinə hücum edən şəxs səfirlik əməkdaşları tərəfindən saxlanılıb.
