https://sputnik.az/20230125/rusiya-oz-tarixi-erazilerinde-tehdidlerin-movcudluguna-imkan-vere-bilmez---putin-451033385.html

Rusiya öz tarixi ərazilərində təhdidlərin mövcudluğuna imkan verə bilməz - Putin

Rusiya öz tarixi ərazilərində təhdidlərin mövcudluğuna imkan verə bilməz - Putin

Sputnik Azərbaycan

Rusiya Prezidenti Vladimir Putin deyib ki, o, "siyasi vəziyyətdən asılı olaraq" fikri dəyişməyən Qərbdən gələn sadə insanlarla yaxşı münasibətlər saxlayır. 25.01.2023, Sputnik Azərbaycan

2023-01-25T20:36+0400

2023-01-25T20:36+0400

2023-01-25T20:36+0400

putin

rf-in donbasın müdafiəsi üzrə xüsusi əməliyyatı

xüsusi hərbi əməliyyat

rusiya prezidenti vladimir putin

vladimir putin

https://cdnn1.img.sputnik.az/img/07e6/0c/1a/450057562_0:125:3196:1923_1920x0_80_0_0_04fa5c7cd5250919dcf6f9b8219624b7.jpg

BAKI, 25 yanvar — Sputnik. Rusiya Prezidenti Vladimir Putinin hüquqi informasiyanın rəsmi internet portalında dərc olunmuş fərmanına əsasən, dost olmayan ölkələr Rusiya Federasiyasının mədəni suverenliyini pozmağa, dəyərləri məhv etməyə, münaqişələrin kəskinləşməsinə çalışırlar. "Bir sıra dost olmayan dövlətlər, beynəlxalq təşkilatlar və transmilli korporasiyalar, xarici qeyri-hökumət təşkilatları, eləcə də müxtəlif ekstremist və terror təşkilatları Rusiya Federasiyasının mədəni suverenliyinə xələl gətirməyə, ənənəvi rus mənəvi-əxlaqi dəyərlərini məhv etməyə, o cümlədən qlobal informasiya məkanında münaqişələrin kəskinləşməsinə töhfə verməyə yönəlmiş fəaliyyətlər həyata keçirirlər", - Rusiya Federasiyası Prezidentinin 24 dekabr 2014-cü il tarixli 808 nömrəli Fərmanı ilə təsdiq edilmiş "Dövlət mədəniyyət siyasətinin əsaslarına dəyişikliklər edilməsi haqqında" fərmanda qeyd olunur. Rusiya Prezidenti Vladimir Putin deyib ki, Pyotr Çaykovskinin mirasını qadağan edən" Qərbdən fərqli olaraq, Rusiya dünya mədəniyyəti olmadan yaşamayacaq. "Biz heç vaxt Bethoveni, Baxı, O.Henrini və s. ləğv etməyi düşünməmişik, orada isə Çaykovskini ləğv etməyi düşündülər. Yaxşı, onlar Çaykovskisiz, Dostoyevskisiz və Tolstoysuz yaşasınlar, biz isə dünya klassiklər olmadan yaşamayacağıq", - Putin rusiyalı tələbələrlə görüşü zamanı deyib. Rusiya Prezidenti Vladimir Putin bildirib ki, Avropanın suverenliyi bu və ya digər şəkildə geri qaytarılacaq, lakin bu, vaxt aparacaq. Putin Tələbələr Günündə Moskva Dövlət Universitetinin "Vorobevı Qorı" İnnovasiya Elm və Texnologiya Mərkəzinin Lomonosov klasterinə baş çəkib. "Baş verənlərin çoxunun dərin kökləri, müəyyən əsasları var. Təbii ki, vaxt gələcək, buna heç bir şübhə yoxdur, bu və ya digər şəkildə suverenlik Avropaya qaytarılacaq. Görünür, bu, çox vaxt aparacaq", – Putin tələbələrlə görüşündə deyib. Rusiya Prezidenti Vladimir Putin deyib ki, o, "siyasi vəziyyətdən asılı olaraq" fikri dəyişməyən Qərbdən gələn sadə insanlarla yaxşı münasibətlər saxlayır. "Mənim bir çox sadə və o qədər də sadə olmayan avstriyalılarla yaxşı münasibətlərim var və bilirəm ki, onlar ölkəmizə çox mehriban yanaşırlar və dünyada baş verən hər hansı dramatik hadisəyə baxmayaraq, onların ölkəmizlə bağlı fikirləri dəyişmir", - Putin deyib. Prezident xatırladıb ki, Sovet İttifaqı Avstriya Respublikasının konstitusiyasının təminatçısı kimi çıxış edib və bir çox avstriyalılar bunu SSRİ-nin hüquqi varisi olan Rusiyaya xatırladır və minnətdardırlar. "Avstriyaya gəlincə, sovet qoşunları Avstriyada idi və oradan da getdilər. Rusiya isə Sovet İttifaqının varisi kimi Avstriya Respublikasının konstitusiyasının təminatçısı və Avstriya Respublikasının neytral statusunun qarantı kimi çıxış etdi. Ümumiyyətlə, Avstriyanın çoxlu sadə vətəndaşları bunu bilirlər və bu mövqeyə görə Rusiyaya minnətdardırlar", - prezident əlavə edib. "Rusiya öz tarixi ərazilərində təhdidlərin mövcudluğuna imkan verə bilməz. Ukrayna ilə müharibənin məqsədi Rusiyanı qorumaqdır", - deyə Rusiya lideri bildirib.

2023

xəbərlər

ru_AZ

putin, xüsusi hərbi əməliyyat, rusiya prezidenti vladimir putin, vladimir putin