https://sputnik.az/20221223/parlamentde-yeni-il-qabagi-erzagin-ucuzlasdirilmasi-cagirisi-edilib-449950360.html

Parlamentdə Yeni il qabağı ərzağın ucuzlaşdırılması çağırışı edilib

Parlamentdə Yeni il qabağı ərzağın ucuzlaşdırılması çağırışı edilib

Sputnik Azərbaycan

Əli Məsimli bildirib ki, bu il Azərbaycanda inflyasiya proqnozları özünü doğrultmayıb. Qiymətlərin illik artımı əvvəlcə 4%, daha sonra isə 12,5%... 23.12.2022, Sputnik Azərbaycan

2022-12-23T14:02+0400

2022-12-23T14:02+0400

2022-12-23T14:02+0400

cəmiyyət

əli məsimli

ərzaq

yeni il

yeni il

ucuzlaşma

https://cdnn1.img.sputnik.az/img/42422/48/424224831_0:0:1000:563_1920x0_80_0_0_1fd53c5056be30341bc26efcc2adc7ee.jpg

BAKI, 23 dekabr - Sputnik. Milli Məclisdə Yeni il qabağı ərzaq məhsullarının qiymətlərini aşağı salmağa çağırış edilib. Bu təkliflə Milli Məclisin iclasında deputat Əli Məsimli çıxış edib. O bildirib ki, bu il Azərbaycanda inflyasiya proqnozları özünü doğrultmayıb. Qiymətlərin illik artımı əvvəlcə 4%, daha sonra isə 12,5% proqnozlaşdırılsa da, 11 ayın yekununa görə, illik inflyasiya 13,8%, ərzaq inflyasiyası isə 20%-dən çox olub. Məhsulların çox hissəsinin qiymətləri isə bundan çox artıb. "Nəzərə alsaq ki, əhali xərclərinin 60%-ə qədərini, aztəminatlı əhali isə daha çox hissəsini ərzağa yönəldir, qiymət artımları əhalinin güzəranına mənfi təsir göstərir. Çağırış etmək istərdim ki, bir ənənə başlansın, insanlar qiymət artımından yox, dövriyyədən qazanmağa üstünlük versin ki, əhalinin bütün təbəqələri bayram süfrəsi aça bilsin", - deyə o qeyd edib. Xatırladaq ki, Azərbaycanda ərzaq məhsullarının qiymətində artım davam edir. Dövlət Statistika Komitəsinin məlumatına görə, son 1 ildə ölkədə ərzaq məhsulları, içkilər və tütün məmulatlarının qiymətləri 20,1 faiz qalxıb. Noyabrda aylıq müqayisədə isə ərzaq məhsulları, içkilər və tütün məmulatları 1,2 faiz bahalaşıb. Ötən ay ərzaqlar içərisində ən çox bahalaşma tərəvəzlərdə qeydə alınıb. Belə ki, tərəvəzlərin qiyməti aylıq müqayisədə 5,7 faiz yüksəlib. Məsələn, ötən ay pomidorun 1 kiloqramının orta qiyməti 1,82 manatdan 2,34 manata, xiyarın 1 kq-ı 1,01 manatdan 1,21 manata, yerli kartofun 1 kq-ı 1,39 manatdan 1,45 manata qalxıb. Azərbaycan Mərkəzi Bankından bildiriblər ki, inflyasiyanın dinamikasını müəyyənləşdirən amillər arasında xarici mənşəli xərc amilləri üstün mövqeyini saxlayır. Son 6 ayda dünya ərzaq qiymətlərinin 14 faiz azalması və tərəfdaşlarda orta çəkili inflyasiyanın nisbətən səngiməsi son aylar inflyasiya tempinin aşağı düşməsinə təsir edən amillərdən biri olub. Lakin bu təsir 6-9 ay zaman intervalında reallaşır. İnflyasiya əvvəlki ayda pik həddə çatıb və bundan sonra onun düşmə istiqamətində hərəkət edəcəyi gözlənilir. 2023-cü il üzrə inflyasiya proqnozunun təkrəqəmli səviyyədə olmasına baxmayaraq, inflyasiya mühiti ilə bağlı qeyri-müəyyənliklər yüksək qalır. Dövlət Statistika Komitəsinin məlumatına görə, 2022-ci ilin yanvar-noyabr aylarında istehlak qiymətləri ötən ilin müvafiq dövrü ilə müqayisədə 13,8 faiz, o cümlədən ərzaq məhsulları, içkilər və tütün məmulatları 19,5 faiz qalxıb.

2022

xəbərlər

ru_AZ

əli məsimli, ərzaq, yeni il, yeni il, ucuzlaşma