https://sputnik.az/20220817/mdb-bazarlarinda-brend-olan-azerbaycan-mehsulu---baha-olsa-da-daim-alicisi-var-445077519.html

MDB bazarlarında brend olan Azərbaycan məhsulu - baha olsa da, daim alıcısı var

MDB bazarlarında brend olan Azərbaycan məhsulu - baha olsa da, daim alıcısı var

Sputnik Azərbaycan

İqtisadçı hesab edir ki, MDB bazarlarında Azərbaycan pomidoru brenddir, tanınmış məhsuldur və baha qiymətə satılır. Onun Rusiyaya ixracı isə daha əlverişlidir. 17.08.2022, Sputnik Azərbaycan

2022-08-17T10:05+0400

2022-08-17T10:05+0400

2022-08-17T10:05+0400

azərbaycan

təhlil

rusiya

pomidor

https://cdnn1.img.sputnik.az/img/07e6/04/16/441319505_0:0:3072:1728_1920x0_80_0_0_dd3098fcd3671fddcf425c346f6ef067.jpg

BAKI, 17 avqust — Sputnik. Bu ilin 7 ayında Azərbaycandan 112,2 min ton və ya 134,2 milyon dollar dəyərində pomidor ixrac olunub. Bu da keçən ilin müvafiq dövrünə nisbətən dəyər ifadəsində 4,7 faiz çox, həcm baxımından isə 5,7 faiz azdır.Rusiyaya pomidor ixracı azalsa da, gəlir artıbDövlət Gömrük Komitəsinin məlumatına görə, Azərbaycandan Rusiyaya pomidor ixracı ötən 7 ay ərzində 109,4 min ton və ya 129,8 milyon dollar olub. Bu da keçən ilin müvafiq dövrünə nəzərən dəyər ifadəsində 3 faiz çox, həcm baxımından isə 4,4 faiz azdır.Ən çox pomidor Rusiyaya göndərilibGöründüyü kimi, bu il Azərbaycandan pomidorun 97,5 faizi Rusiyaya göndərilib. İxrac gəlirlərində artım isə bu il pomidorun daha baha qiymətə satılması ilə bağlıdır.MDB bazarlarında Azərbaycan pomidoru brenddirİqtisadçı Xalid Kərimli Sputnik Azərbaycan-a açıqlamasında deyib ki, pomidor ölkəmizin ixracında həmişə əhəmiyyətli rol oynayıb: "Azərbaycanda pomidor ənənəvi olaraq Müstəqil Dövlətlər Birliyi (MDB) məkanına çıxarılır. Həmin bazarlarda Azərbaycan pomidorunun brendi var, tanınmış məhsuldur və baha qiymətə də satılır. Qeyri-neft sektoruna aid malların ixrac siyahısında pomidor əksər vaxtı ilk üçlükdə yer alır. Cari ilin 6 ayında ümumi qeyri-neft məhsullarının ixracında pomidorun payı təxminən 8,5 faizdir".Rusiyaya pomidor ixracı çox əlverişlidir"Azərbaycandan Rusiyaya pomidor ixracı çox əlverişli və perspektivlidir. Pomidor ixracı daha sərfəli, daha gəlirlidir deyə fermerlərimiz Rusiya bazarına üz tuturlar. Əgər Rusiya bazarı olmasa, pomidora qoyulan investisiya bata bilər", - deyə ekspert əlavə edib.Rusiyaya pomidor ixracı ilə bağlı məhdudiyyətlər tam aradan qaldırılıbXatırladaq ki, 2020-ci ilin dekabr ayında Rusiyaya pomidor ixracında bəzi ziyanvericilər aşkarlandığına görə logistik problemlər olmuşdu. Ancaq qarşılıqlı əməkdaşlıq sayəsində mövcud problemlər həllini tapıb. Bu ilin mart ayının 5-dən etibarən Rusiyanın Baytarlıq və Fitosanitar Nəzarət üzrə Federal Xidməti ("Rosselxoznadzor") tərəfindən Azərbaycandan pomidor məhsulunun bu ölkəyə ixracı ilə bağlı tətbiq olunan məhdudiyyətlər tamamilə aradan qaldırılıb.Aparılan danışıqlar, həmçinin son zamanlar Azərbaycandan ixrac olunan məhsullar üzərində dövlət nəzarətinin gücləndirilməsi Rusiyanın müvafiq qurumu tərəfindən yüksək qiymətləndirilib və pomidor və alma məhsullarının 2023-cü ilin 1 yanvar tarixinə qədər dəmiryol vasitəsilə daşınması müsbət həllini tapıb."Rosselxoznadzor" tərəfindən bu ölkəyə idxal edilən kənd təsərrüfatı məhsullarının yalnız beynəlxalq tələblərə cavab verən konteynerlərlə daşınması tələbi mövcuddur.Ötən il Azərbaycandan pomidor ixracının 96,5 faizi Rusiyanın payına düşüb2021-ci ildə Azərbaycandan pomidor ixracı 2020-ci ilə nisbətən 22,6 faiz azalaraq 145,2 min ton olub. 2021-ci ildə Azərbaycandan pomidor ixracının 96,5 faizi Rusiya bazarının payına düşüb, az həcmdə isə Ukrayna, BƏƏ və Qazaxıstana ixrac olunub. Ötən il Rusiyaya 157 milyon 559 min dollar dəyərində 140 min 110 ton pomidor ixrac edilib.

azərbaycan

2022

xəbərlər

ru_AZ

azərbaycan, rusiya, pomidor