https://sputnik.az/20220413/masallida-yeddi-il-evvel-bas-veren-qetl---teferruat-441069098.html

Masallıda yeddi il əvvəl baş verən qətl - TƏFƏRRÜAT

Masallıda yeddi il əvvəl baş verən qətl - TƏFƏRRÜAT

Sputnik Azərbaycan

Yeddi il baş vermiş cinayət işinin üstü hüquq-mühafizə orqanları əməkdaşlarının fəaliyyəti nəticəsində açılıb. 13.04.2022, Sputnik Azərbaycan

2022-04-13T23:17+0400

2022-04-13T23:17+0400

2022-04-13T23:17+0400

masallı

cəmiyyət

qətl

cinayət

polis

prokurorluq

https://cdnn1.img.sputnik.az/img/42366/60/423666017_0:201:1920:1281_1920x0_80_0_0_34f80ce09731928d8c97bdd00c63b93b.jpg

BAKI, 13 aprel — Sputnik. Masallıda 7 il əvvəl baş verən qətlin yeni təfərrüatı məlum olub. Baş Prokurorluq və Daxili İşlər Nazirliyi tərəfindən əvvəlki illərdən bağlı qalmış cinayətlərin açılması istiqamətində həyata keçirilən istintaq-əməliyyat tədbirləri nəticəsində daha bir cinayətin üstü açılıb.Belə ki, 5 iyul 2015-ci il tarixdə Masallı rayon sakini Səidə Cəfərovanın evdən çıxaraq bir daha geri qayıtmaması faktı ilə bağlı Cinayət Məcəlləsinin müvafiq maddəsi ilə cinayət işi başlanıb istintaq aparılsa da, qadının tapılması mümkün olmadığından iş üzrə icraat dayandırılıb.Lakin sonradan Səidə Cəfərovanın öldürülməsinə əsaslı şübhələr müəyyən edildiyi üçün 8 fevral 2022-ci il tarixdə iş üzrə icraatın dayandırılması haqqında qərar rayon prokurorluğu tərəfindən ləğv edilməklə iş üzrə icraat təzələnib.Həyata keçirilmiş kompleks istintaq-əməliyyat tədbirləri nəticəsində müəyyən edilib ki, Masallı rayonu, Təklə kənd sakini Əfrail Məmmədov qeyd edilən tarixdə əmisi qızı Səidə Cəfərovanı idarə etdiyi avtomobil ilə Təklə kənd ərazisində yerləşən əkin sahəsinə apararaq orada şəxsi münasibətlər zəminində aralarında yaranmış mübahisə zamanı bıçaqla Səidə Cəfərovanın boğaz nahiyəsinə bir dəfə qəsdən vurmaqla onu öldürüb sonuncunun meyitini çayın kənarındakı qamışlıq ərazidə gizlədib, təxminən 25-30 gün sonra meyiti gizlətdiyi yerə gedərək sümüklərin göründüyünü görüb cinayətini gizlətmək məqsədi ilə balta vasitəsi ilə meyitin baş hissəsini ayıraraq torpaq sahəsinə basdırıb, digər sümükləri isə təxminən 500-600 metr kənarda tullantılar olan ərazidə üzərinə benzin tökməklə tam yandırıb.Əfrail Məmmədov iş üzrə dindirilərkən törətdiyi əməli etiraf edib, ifadəsində qeyd etdiyi meyitin basdırıldığı yerə baxış keçirilib, aşkar edilmiş insan sümük fraqmetlərinə bənzər qalıqlar müvafiq qaydada qablaşdırılaraq götürülüb.İş üzrə toplanmış kifayət qədər sübutlar əsasında Əfrail Məmmədova Cinayət Məcəlləsinin 120.1 (qəsdən adam öldürmə) və 245-ci (meyit üzərində təhqiredici hərəkətlər etmə) maddələri ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.Hazırda cinayət işi üzrə istintaq davam edir.Qyed edək ki, Baş Prokurorluğun Mətbuat Xidmətindən verilən məlumata görə, əvvəlki illərdən bağlı qalmış cinayətlərin açılması daim diqqət mərkəzində saxlanılmaqla bu istiqamətdə işlər davam etdirilir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20220324/goranboydaki-dehsetli-qetlin-teferruatlari-melum-olub-440434133.html

2022

xəbərlər

ru_AZ

masallı, qətl, cinayət, polis, prokurorluq