https://sputnik.az/20220406/pusqudan-vurulan-zerbeler-ucun-abs-ukrayna-ordusunu-ne-ile-silahlandiracaq-440871641.html
“Pusqudan vurulan zərbələr üçün”. ABŞ Ukrayna ordusunu nə ilə silahlandıracaq?
“Pusqudan vurulan zərbələr üçün”. ABŞ Ukrayna ordusunu nə ilə silahlandıracaq?
Sputnik Azərbaycan
Belə məlum olur ki, amerikalıların Ukrayna ordusunu nə ilə təchiz etməsindən asılı olmayaraq, nəticə dəyişməyəcək. 06.04.2022, Sputnik Azərbaycan
2022-04-06T22:49+0400
2022-04-06T22:49+0400
2022-04-06T22:49+0400
abş
rf-in donbasın müdafiəsi üzrə xüsusi əməliyyatı
ukrayna
ordu
silah
təchizat
https://cdnn1.img.sputnik.az/img/07e5/04/1c/426815613_8:0:1075:600_1920x0_80_0_0_4eed9228cf45a5051309e7fbcdc29b1a.jpg
BAKI, 6 aprel — Sputnik, Andrey Kots. Vaşinqton Kiyevə Switchblade pilotsuz uçuş aparatlarının böyük partiyasını təhvil verməyi planlaşdırır. Kiçik ölçülü pilotsuz uçan aparatlar nəzarətedici döyüş sursatları sinfinə aiddir, onlar taktiki səviyyədə təsirli silahlardır. Ancaq rus ordusunun da özünəməxsus cavabı var.Bel çantasındakı dronHələ martın ortalarında ABŞ prezidenti Co Bayden Ukraynaya əlavə 800 milyon dollarlıq hərbi yardım ayırdığını açıqlamışdı: Kiyevə 800 ədəd daşına bilən Stinger zenit-raket kompleksi, insan hava hücumundan müdafiə sistemi, 2000 Javelin tank əleyhinə idarə oluna bilən raket kompleksi, 1000 yüngül tank əleyhinə silah və 6000 AT-4 qumbaraatan göndəriləcək. Bundan əlavə, Ukrayna Silahlı Qüvvələri atıcı silahlar, gülləkeçirməz jiletlər və dəbilqələr, döyüş sursatları alacaq. Ötən gün Pentaqonun müttəfiqi 100 Switchblade pilotsuz uçan aparatı ilə də təmin edəcəyi məlum olub.Kamikadze pilotsuz təyyarələr adlanan bu nəzarətedici döyüş sursatları Əfqanıstanın çətin şəraitli dağlıq bölgələrində taliblərlə mübarizə aparmaq üçün ABŞ quru qüvvələrinin sifarişi ilə hazırlanıb. 2011-ci ildə istifadəyə verilən bu təyyarələrdən bir neçə min ədəd hazırlanmışdır. Amerika piyadaları və xüsusi təyinatlıları Yaxın və Orta Şərqdə onlardan uğurla istifadə ediblər.İki variant var - piyadalara qarşı və tank əleyhinə. Birincisi, çəkisi 2,5 kiloqramdan bir qədər çox olan Switchblade 300 əsgərin adi yürüş bel çantasına rahat yerləşir. Sursat kompakt daşıma və buraxılış konteynerində yerləşir və sıxılmış hava ilə - pnevmokatapult prinsipinə uyğun olaraq səmaya buraxılır. Uçuş məsafəsi on kilometrə qədərdir, döyüş başlığının gücü avtomatik qumbaraatandan 40 millimetrlik atışa bərabərdir. Kreyser sürəti saatda 100 kilometrdir, müşahidə və bələdçilik üçün gecə-gündüz kameraları nəzərdə tutulub.Tank əleyhinə Switchblade 600 daha böyük və daha ağırdır - 23 kiloqram. Operatordan 40 kilometrə qədər məsafədəki hədəfləri vurur. Döyüş başlığı Javelin tank əleyhinə idarə oluna bilən raketə bənzəyir. Amerikalıların fikrincə, bu silah yuxarıdan zərbə endirərsə, istənilən müasir zirehli texnikaya qarşı təsirli olur.Hər iki modifikasiyanın dronları sensor planşetdən idarə olunur. Başlanğıc üçün hazırlıq vaxtı - on dəqiqədir. Bir PUA-nın qiyməti, təxminən, altı min dollardır. Düşmən müdafiəsinin taktiki dərinliyində kütləvi istifadə üçün nəzərdə tutulmuşdur, ABŞ Ordusunun əksər motorlu piyada hissələrinin silahlanmasına daxildir. Bununla birlikdə, "atılabilən bıçaqlar"ı da nəzarətedici döyüş sursatı ailəsinin digər üzvləri kimi zəif cəhətlərə malikdir.Hava müdaxiləsiHərbi ekspert Aleksey Leonkov deyir: "Əsas çatışmazlıq batareyaların tutumunun aşağı olmasıdır, onlar uzun müddət havada qala bilmirlər. Həmin Switchblade 300-ün aktivliyi cəmi on-on beş dəqiqə davam edir. Bu isə o deməkdir ki, hədəf bizim hava hücumundan müdafiə sistemlərimizə görünən daha böyük kəşfiyyat aparatı ilə işıqlandırılmalıdır. “Südün içinə” atılan sursat, sadəcə, yerə düşəcək”.Rusiya ordusunun yeni təhlükə ilə mübarizə aparmaq üçün kifayət qədər vasitələri var. İlk növbədə bunlar Tor-M2 zenit-raket kompleksləri və Pantsir-C1 zenit-raket və silah sistemləridir. Onlar hətta kiçik hədəfləri aşkarlayır, müşayiət edir və məhv edirlər. Suriyada hava hücumundan müdafiə vasitələri onların köməyi ilə dəfələrlə ekstremistlərin Xmeymim aviabazasına hücumları dəf edilib."Bizim hava hücumundan müdafiə sistemlərimiz müdafiənin ikinci eşelonudur. – deyə ekspert dəqiqləşdirir. - Birincisi, radioelektron mübarizə qoşunlarıdır. Onların avadanlığı pilotsuz təyyarə ilə operator arasındakı əlaqə kanalını məhv etməyə və əslində pilotsuz təyyarəni bir yığın yararsız dəmirə çevirməyə qadirdir. Şübhə etmirəm ki, bu yeniliklərdən Ukraynada da istifadə olunacaq".Təchizat kanallarıAmerikanın kamikadze pilotsuz təyyarələri Rusiya ordusuna müəyyən itkilər verə bilər. Amma onlar mütləq 2020-ci ilin payızında Dağlıq Qarabağda münaqişə zamanı bu tip hərbi texnikanın olduğu “super silah”a çevrilməyəcəklər. Həmin vaxt Azərbaycanın nəzarətedici döyüş sursatları “IAI Harop” faktiki olaraq Ermənistanın hava hücumundan müdafiə mövqelərini, hərbi texnikasının cəmləşdiyi əraziləri və səhra istehkamlarını cəzasız olaraq məhv etmişdi."Bu, heç nəyi dəyişməyəcək", - deyə hərbi ekspert Vladimir Yevseyev əmindir: "Amerikalılar istədiklərini planlaşdıra bilərlər. Sual budur ki, bu kompleksləri kim idarə edəcək? Ukrayna hərbi qulluqçuları, çətin ki, tez təlim keçə bilsinlər. Çox güman ki, PUA operatorları Amerika fərdi hərbi şirkətlərinin nümayəndələri olacaq. "Birincisi, bu insanlar özlərini real riskə atırlar, çünki məhv edilə bilərlər. İkincisi, xarici dövlətin, konkret olaraq ABŞ-ın müharibəyə müdaxiləsi göz önündədir. Üçüncüsü, bu cür təchizatlar Kiyev rejiminin cinayət əməllərinə töhfə verir”.Bundan əvvəl Rusiya Müdafiə Nazirliyi Qərbdən Ukraynaya daxil olan silah karvanlarının qanuni hədəf kimi qiymətləndirildiyi barədə rəsmi xəbərdarlıq etmişdi. Hazırda NATO ölkələrindən yeganə marşrut Polşa ilə quru sərhədindən keçir. Yəqin ki, orada hər şey artıq Rusiya aviasiyasının və yüksək dəqiqlikli artilleriyasının nişahgahı altındadır.
https://sputnik.az/20220406/buca-ucqat-dibi-olan-anti-rusiya-texribati-440869020.html
abş
Sputnik Azərbaycan
media@sputniknews.com
+74956456601
MIA „Rosiya Segodnya“
2022
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
abş, ukrayna, ordu, silah, təchizat
abş, ukrayna, ordu, silah, təchizat
“Pusqudan vurulan zərbələr üçün”. ABŞ Ukrayna ordusunu nə ilə silahlandıracaq?
Belə məlum olur ki, amerikalıların Ukrayna ordusunu nə ilə təchiz etməsindən asılı olmayaraq, nəticə dəyişməyəcək.
BAKI, 6 aprel — Sputnik, Andrey Kots. Vaşinqton Kiyevə Switchblade pilotsuz uçuş aparatlarının böyük partiyasını təhvil verməyi planlaşdırır. Kiçik ölçülü pilotsuz uçan aparatlar nəzarətedici döyüş sursatları sinfinə aiddir, onlar taktiki səviyyədə təsirli silahlardır. Ancaq rus ordusunun da özünəməxsus cavabı var.
Hələ martın ortalarında ABŞ prezidenti Co Bayden Ukraynaya əlavə 800 milyon dollarlıq hərbi yardım ayırdığını açıqlamışdı: Kiyevə 800 ədəd daşına bilən Stinger zenit-raket kompleksi, insan hava hücumundan müdafiə sistemi, 2000 Javelin tank əleyhinə idarə oluna bilən raket kompleksi, 1000 yüngül tank əleyhinə silah və 6000 AT-4 qumbaraatan göndəriləcək. Bundan əlavə, Ukrayna Silahlı Qüvvələri atıcı silahlar, gülləkeçirməz jiletlər və dəbilqələr, döyüş sursatları alacaq. Ötən gün Pentaqonun müttəfiqi 100 Switchblade pilotsuz uçan aparatı ilə də təmin edəcəyi məlum olub.
Kamikadze pilotsuz təyyarələr adlanan bu nəzarətedici döyüş sursatları Əfqanıstanın çətin şəraitli dağlıq bölgələrində taliblərlə mübarizə aparmaq üçün ABŞ quru qüvvələrinin sifarişi ilə hazırlanıb. 2011-ci ildə istifadəyə verilən bu təyyarələrdən bir neçə min ədəd hazırlanmışdır. Amerika piyadaları və xüsusi təyinatlıları Yaxın və Orta Şərqdə onlardan uğurla istifadə ediblər.
İki variant var - piyadalara qarşı və tank əleyhinə. Birincisi, çəkisi 2,5 kiloqramdan bir qədər çox olan Switchblade 300 əsgərin adi yürüş bel çantasına rahat yerləşir. Sursat kompakt daşıma və buraxılış konteynerində yerləşir və sıxılmış hava ilə - pnevmokatapult prinsipinə uyğun olaraq səmaya buraxılır. Uçuş məsafəsi on kilometrə qədərdir, döyüş başlığının gücü avtomatik qumbaraatandan 40 millimetrlik atışa bərabərdir. Kreyser sürəti saatda 100 kilometrdir, müşahidə və bələdçilik üçün gecə-gündüz kameraları nəzərdə tutulub.
Tank əleyhinə Switchblade 600 daha böyük və daha ağırdır - 23 kiloqram. Operatordan 40 kilometrə qədər məsafədəki hədəfləri vurur. Döyüş başlığı Javelin tank əleyhinə idarə oluna bilən raketə bənzəyir. Amerikalıların fikrincə, bu silah yuxarıdan zərbə endirərsə, istənilən müasir zirehli texnikaya qarşı təsirli olur.
Hər iki modifikasiyanın dronları sensor planşetdən idarə olunur. Başlanğıc üçün hazırlıq vaxtı - on dəqiqədir. Bir PUA-nın qiyməti, təxminən, altı min dollardır. Düşmən müdafiəsinin taktiki dərinliyində kütləvi istifadə üçün nəzərdə tutulmuşdur, ABŞ Ordusunun əksər motorlu piyada hissələrinin silahlanmasına daxildir. Bununla birlikdə, "atılabilən bıçaqlar"ı da nəzarətedici döyüş sursatı ailəsinin digər üzvləri kimi zəif cəhətlərə malikdir.
Hərbi ekspert Aleksey Leonkov deyir: "Əsas çatışmazlıq batareyaların tutumunun aşağı olmasıdır, onlar uzun müddət havada qala bilmirlər. Həmin Switchblade 300-ün aktivliyi cəmi on-on beş dəqiqə davam edir. Bu isə o deməkdir ki, hədəf bizim hava hücumundan müdafiə sistemlərimizə görünən daha böyük kəşfiyyat aparatı ilə işıqlandırılmalıdır. “Südün içinə” atılan sursat, sadəcə, yerə düşəcək”.
Rusiya ordusunun yeni təhlükə ilə mübarizə aparmaq üçün kifayət qədər vasitələri var. İlk növbədə bunlar Tor-M2 zenit-raket kompleksləri və Pantsir-C1 zenit-raket və silah sistemləridir. Onlar hətta kiçik hədəfləri aşkarlayır, müşayiət edir və məhv edirlər. Suriyada hava hücumundan müdafiə vasitələri onların köməyi ilə dəfələrlə ekstremistlərin Xmeymim aviabazasına hücumları dəf edilib.
"Bizim hava hücumundan müdafiə sistemlərimiz müdafiənin ikinci eşelonudur. – deyə ekspert dəqiqləşdirir. - Birincisi, radioelektron mübarizə qoşunlarıdır. Onların avadanlığı pilotsuz təyyarə ilə operator arasındakı əlaqə kanalını məhv etməyə və əslində pilotsuz təyyarəni bir yığın yararsız dəmirə çevirməyə qadirdir. Şübhə etmirəm ki, bu yeniliklərdən Ukraynada da istifadə olunacaq".
Amerikanın kamikadze pilotsuz təyyarələri Rusiya ordusuna müəyyən itkilər verə bilər. Amma onlar mütləq 2020-ci ilin payızında Dağlıq Qarabağda münaqişə zamanı bu tip hərbi texnikanın olduğu “super silah”a çevrilməyəcəklər. Həmin vaxt Azərbaycanın nəzarətedici döyüş sursatları “IAI Harop” faktiki olaraq Ermənistanın hava hücumundan müdafiə mövqelərini, hərbi texnikasının cəmləşdiyi əraziləri və səhra istehkamlarını cəzasız olaraq məhv etmişdi.
"Bu, heç nəyi dəyişməyəcək", - deyə hərbi ekspert Vladimir Yevseyev əmindir: "Amerikalılar istədiklərini planlaşdıra bilərlər. Sual budur ki, bu kompleksləri kim idarə edəcək? Ukrayna hərbi qulluqçuları, çətin ki, tez təlim keçə bilsinlər. Çox güman ki, PUA operatorları Amerika fərdi hərbi şirkətlərinin nümayəndələri olacaq. "Birincisi, bu insanlar özlərini real riskə atırlar, çünki məhv edilə bilərlər. İkincisi, xarici dövlətin, konkret olaraq ABŞ-ın müharibəyə müdaxiləsi göz önündədir. Üçüncüsü, bu cür təchizatlar Kiyev rejiminin cinayət əməllərinə töhfə verir”.
Bundan əvvəl Rusiya Müdafiə Nazirliyi Qərbdən Ukraynaya daxil olan silah karvanlarının qanuni hədəf kimi qiymətləndirildiyi barədə rəsmi xəbərdarlıq etmişdi. Hazırda NATO ölkələrindən yeganə marşrut Polşa ilə quru sərhədindən keçir. Yəqin ki, orada hər şey artıq Rusiya aviasiyasının və yüksək dəqiqlikli artilleriyasının nişahgahı altındadır.
