https://sputnik.az/20211204/azerbaycan-ran-parlamentlerarasi-emekdasliginin-perspektivleri-muzakire-olunub-436963035.html

Azərbaycan-İran parlamentlərarası əməkdaşlığının perspektivləri müzakirə olunub

Azərbaycan-İran parlamentlərarası əməkdaşlığının perspektivləri müzakirə olunub

Sputnik Azərbaycan

örüşdə, həmçinin iki ölkə arasında müştərək layihələrin icrası, səfərlərin və görüşlərin təşkili, eləcə də qarşılıqlı maraq doğuran digər məsələlər ətrafında... 04.12.2021, Sputnik Azərbaycan

2021-12-04T19:41+0400

2021-12-04T19:41+0400

2021-12-04T19:55+0400

azərbaycan xəbərləri

əməkdaşlıq

görüş

səfir

parlament

iran

https://cdnn1.img.sputnik.az/img/07e5/0c/04/436962814_0:92:1000:655_1920x0_80_0_0_7bc4ca0fd8c4d11ef6b46da2bc2d7629.jpg

BAKI, 4 dekabr - Sputnik. Azərbaycanın Respublikasının İran İslam Respublikasındakı səfiri Əli Əlizadə bu ölkənin İslam Şurası Məclisi (parlamentin) sədrinin birinci müavini, İran-Azərbaycan parlamentlərarası dostluq qrupunun rəhbəri Əli Nikzadla görüşüb. Bu barədə Sputnik Azərbaycan Azərtac-a istinadən xəbər verir.44 günlük Vətən müharibəsində Qələbənin ildönümü münasibətilə təbriklərini çatdıran Əli Nikzad Azərbaycanın sevincinin və kədərinin İran üçün də bir olduğunu qeyd edib.Parlamentlərarası əlaqələrin önəmini vurğulayan Əli Nikzad Azərbaycanın Milli Məclisi ilə əlaqələrin daha da möhkəmləndirilməsində səylərin artırılmasının zəruriliyini vurğulayıb və ikitərəfli əməkdaşlığın güclənməsinə parlament nümayəndələrinin töhfələrini verəcəyini diqqətə çatdırıb.Əli Nikzad cari il noyabrın 27-də İspaniyanın paytaxtı Madrid şəhərində keçirilmiş Parlamentlərarası İttifaqın 143-cü Assambleyası çərçivəsində Azərbaycanın təşəbbüsü ilə Qoşulmama Hərəkatının Parlamentlər Şəbəkəsinin təsis olunmasını yüksək qiymətləndirib. O, səfir Əli Əlizadəyə fəaliyyətində uğurlar arzulayıb.Səfir Əli Əlizadə öz növbəsində Azərbaycanın İranla əlaqələrə xüsusi önəm verdiyini, rəsmi Tehranın Azərbaycan üçün dost və yaxın qonşu ölkə olduğunu bildirib. Ölkələrimizin parlamentlərarası münasibətlərinin, dostluq qruplarının səmərəli əməkdaşlığının əlaqələrin daha da inkişafına zəmin yaratdığını, bu istiqamətdə Azərbaycanın İrandakı səfirliyinin üzərinə düşən vəzifələri və əlaqələndirmələri yerinə yetirməyə hər zaman hazır olduğunu qeyd edib.Görüşdə, həmçinin iki ölkə arasında müştərək layihələrin icrası, səfərlərin və görüşlərin təşkili, eləcə də qarşılıqlı maraq doğuran digər məsələlər ətrafında fikir mübadiləsi aparılıb.Həmçinin oxuyun:İranlı generallar Azərbaycana başsağlığı verdilərİranın xarici işlər naziri: Azərbaycandan narahatlıqlarımızla bağlı ümidverici sözlər...Millət vəkili: Tehran anlamalıdır ki, Azərbaycandan İrana hər hansı təhdid yoxdur

2021

xəbərlər

ru_AZ

əməkdaşlıq, görüş, səfir, parlament, iran