BAKI, 30 mart — Sputnik. Milli Məclisin deputatı Vüqar Bayramov kreditlərə çıxış imkanlarının genişləndirilməsi və növbəti 3 ay müddətində kreditlərə güzəştin verilməsini təklif edib.
Sputnik Azərbaycan xəbər verir ki, deputat koronavirus pandemiyasının vətəndaşlarımızın gəlirlərinə birbaşa təsir göstərdiyini deyib.
O sahibkarlar və vətəndaşlar üçün 3 ay müddətində kredit ödənilməsində güzəştlər müəyyən edilməsini və yubanmalara görə faiz və cərimələr hesablanmamasını təklif edib: "Eyni zamanda, bankların likvidliyinin qorunub saxlanılması üçün də Mərkəzi Bankın banklara aşağı faizli, mərkəzləşdirilmiş kreditlər təklif etməsi zəruridir. Kreditlərə 3 aylıq güzəştin tətbiq edilməsi indiki halda bank müştəriləri olan vətəndaşlarımıza xüsusi dəstək olardı".
