BAKI, 2 may — Sputnik. Azərbaycan hərbçiləri Türkiyə Hərbi-Dəniz Qüvvələrinin Egey dənizində baş tutacaq təlimlərində iştirak edəcək. Bu barədə Sputnik Azərbaycan Haberturk-ə istinadən xəbər verir.
Məlumata əsasən, "Efes-2018" adlı təlimlər 7-11 may tarixlərində keçiriləcək.
Azərbaycandan başqa "Efes-2018" təlimlərində ABŞ, Bəhreyn, Bosniya və Herseqovina, Gürcüstan, İngiltərə, İtaliya, Qətər, Qazaxıstan, Kosovo, Macarısan, Makedoniya, Monqolustan, Özbəkistan, Pakistan, Rumıniya, Slovakiya və Səudiyyə Ərəbistanından olan hərbçilər qatılacaq.
