BAKI, 7 avqust — Sputnik. İnternet şəbəkəsində sərbəst güləş üzrə Avropa çempionu, 20 yaşlı Yuri Vlaskonun öldürülməsinin videosu yayılıb. Hadisə Baykal gölünün sahilində Qoryaçinsk kəndinin yaxınlığında baş verib.
Videoda iki nəfərin idmançının kəlləsinə dəmirlə vurduqları aydın görünür. Vlasko əvvəlcə müqavimət göstərir, sonra isə hərəkətsiz halda yerə yıxılır.
İyulun 29-da Vlasko bir qrup gənclə münaqişə edib. Davanın gedişində idmançı sinəsindən bıçaqla zərbə alır, sonra isə dəmir alətlə kəlləsinə ən azı 7 zərbə vurulur. Aldığı zərbələrdən o keçinir. Qatillər artıq saxlanılıblar.
Rusiyalı Yuri Vlasko 96 kiloqramadək çəkidə sərbəst güləş üzrə Avropa çempionu idi.
